3 Ŋa pâi gâloŋ kulâi dísama, ŋá díkelee dípaa da ŋɔtíi-kɛ-ƃela kpaya-kpayai.”
A Ɣɛ́lɛ maa kûla ǹúu mɛi-ƃelai kponôi, é ŋ̀wála-wala-ƃelai díwala-walai kúla díyêei.
Tãi dílaa túɛ-ƃelai da kula la gɔni yêei tôŋ su dítooi, da pâi ŋ́oo siɣêi a tɔ̃yâ.
Óo kâloŋ-ŋa, ka káwoli tɔ́ɔ ǹîa-wooi ŋí ma. Káai a ǹɔii láa túɛ-ƃelai, ka m̀ɛnii ŋí maa kɔ́ri.
A ǹúu láa túɛ-ƃelai díwala-wala laai kûla díyêei, é díkɛ kpɛ́ni-kpɛni.
Da Môa ŋɔwála-walaai da ŋɔkponoi kpânaŋ-laai su-kara. Ńyãa Yâwɛɛ ƃé mò tí.”
“Môa, í íkili tɔ̀ɔ íwala-wala laai da ítɔɔ-sãai dîa. Kɛ́lɛ, da pâi íyee mɛi-ɣâlei. Ǹyaŋ íɣâlai Kemɔsi a pâi liî kɔ-sôŋ-laai, ŋɔtíi kɛ́-ƃelai, da ŋɔsâla láa-soŋ-ƃelai.
Kpɛ́ni fêi, ŋá gɔ́lɔŋ kátûa-pere-nyɔŋ tâmaai, kásɔnyɔ̂ŋ támaa káai ka dɔ̃yâ-ƃelai lûaŋ, kákɛ yee-pɛlɛ ǹá-sɛŋ sòŋ wôya kɛ́-mɛni ma, kákɛ káŋɛi nàɣiŋ gôlo-ƃelai dítɔ̃yâi mɛi ziɣãŋ lái.
Óo káai ka teniŋ-mo pène a ŋwana-lɔ̂ɔ, ká tɔ̃yâ-laa too ǹɔii mai!
Soo a kîrɛ siɣe kɔni ŋá? Núu a yúo ŋá siŋ a niŋa? Kɛ́lɛ ka teniŋ ƃô pène a ŋ̀ale-maa, ka sã́a-laa ŋɔƃá pene a wúru ŋwánaa.
Ŋa tinaa-tuɛ pere kàa, ǹya ƃe ŋá Eezuɛ lɔii kâa. Kâloŋ tɔnɔ a pâi kulâi dílɔii su gɛ́ fòlo yɛ̂ɛ pɛmɛlɛŋ-kao. Kâloŋ-wuru a pâi kulâi Eezuɛ. A pâi Môa-ŋai tuɛ-ƃelai su karâi. É Sɛ̂ ŋɔsuui su-ƃelai kélee yée mɛi ɣále.