Zɔ̂ŋ Zaaƃai 1:2 - Ŋ̀âla Kɔlɔ Maa Waai

² Ŋáwɛli-kɛ-maa-nuui, ŋa Ɣâla fɛlîi a gɛɛ sɛŋ kélee é kɛ́ a ǹɛ́lɛɛ ímɛni ma, a gɛɛ íkɔlɔ̂i é pono. Ŋá gɔ́lɔŋ a gɛɛ ímɔlêŋ kɔlɔ̂i ponoɔ̂i.

Zɔ̂ŋ Zaaƃai 1:2 ပူးပေါင်းရင်းမြစ်များ

Maafîu 9:12

Tãi è mɛ̀ni lai, è mò dîa, ǹyɛɛi, “Diai díkɔlɔ̂i ponoɔ̂i, dífa sále-kɛ-nuu wɛ́li kɛ́, fɛ̂ɛ diai díkaa kɔ́lɛ̂i.

Felepiɛŋ 2:27

Tɔ̃yâ ma è kɛ̀ kɔ́lɛ̂i. È kɛ̀ pâi saâi. Kɛ́lɛ, Ɣâla è m̀alôŋ kàa. Ǹyaa tɔnɔ nɔ́ fei, kɛ́lɛ, è ḿalôŋ kàa ńyãa máŋ a gɛ́ɛ malôŋ támaa fé tôo má.

Felepiɛŋ 2:4

Káa tɛi-tɛi ŋí káfe kákpîŋ-mɛni su kàa nɔ́, kɛ́lɛ ka káƃarâai dímɛni su kaa máŋ.

Tɛsɛlôniɛŋ Veerɛi 1:3

Ŋánûa, fɛ̂ɛ nɔ́ kú sɛɣɛi-fei tɛɛ Ɣâla pɔ́ a ɣele kélee ká mɛni ma, yɛ̂ɛ berei maa nɛ̃ɛ̂i kú gɛ lai, kpɛ́ni fêi, kálaa-lai a ƃɔlɔ̂i a zu kɛ́tɛ. Ŋ̀wɛli-kɛ-maai gáa káyêei kákîe-ni mɛni mai, gɛ ƃɔlɔ.

Tɛsɛlôniɛŋ Veerɛi 2:13

Kɛ́lɛ, ŋánûa, gáa a sɛŋ a gɛ́ɛ fɛ̂ɛ kú sɛɣɛi-fei tɛɛ Ɣâla pɔ́ a ɣele kélee kámɛni ma, káai kákaa a Kúnuu-namui ŋɔwɛli-kɛ-maa ƃelai. Kpɛ́ni fêi, Ɣâla a kálɛ gɔ́ɔ pîlanii a gɛ́ɛ ká ƃálo M̀ɔlêŋ ŋɔmaa-waa-laai sârai da ǹaa-lai gáa káyêei dɔ̃yâi sui.

Zĩi 5:12

Kɛ́lɛ, nyíŋi kélee mɛi, ŋánûa, káfe káfòo a Ɣâla-taa, kpaa máŋ a ǹɔii ma, kpaa máŋ a kperɔ-sii kélee da. Kɛ́lɛ, ká-oêi é kɛ́ nɔ́ a ooêi, kákpaoi é kɛ́ nɔ́ a kpao, a gɛɛ káfe lɔ̀ tɔŋ-pu-maa mu.

Pitɛ Maa-ŋuŋ 4:8

Nyii gáa m̀ɛnii kélee mɛi, ǹyaa ƃa káwɛli-kɛ maai sú é kpanaŋ kákîe-ni sáma, kpɛ́ni fêi wɛli-kɛ maai a sɔnyɔ̂ŋ támaa mɛi pɛlɛ.

Pitɛ Veerɛi 3:18

Kɛ́lɛ, ka ƃɔlɔ Kúnuu-namui da Kúƃalo-nuui Zîsɛ Kôrai ŋɔƃɛlɛ-sêei su da ŋɔtárei. Fólo-laa é kɛ́ ma sâa da wɔlɔ-wɔlɔ. É kɛ́ tí.

Zɔ̂ŋ Zaaƃai 1:1

Ńyãai ŋ́gaa a ǹúu-pɔlɔi, ŋa kɔlɔ pɔ̃yɛɛ̂i ŋáwɛli-kɛ-maa-nuui Geeyɔ pɔ́naa nyíi ŋá ŋ̀wɛ̂li ni dɔ̃yâi sui.

M̀ɛni-lɛɛi 2:9

“ ‘Ŋá ímɛni-kpɔ̂lui kɔ́lɔŋ da íkôlo-laai kɛ́lɛ, íkaa a tɔɔ-nuu é pɛ́lɛ tɛ-ŋɛi-ƃela dîa nyíi-ŋai da díkpîŋ tòli a Zûu-ŋa, ǹyaŋ dífe lai, kɛ́lɛ, dí ƃo a Sêtɔŋ ŋɔnúu-kpului.