Kɔleŋtiɛŋ Veerɛi 8:3 - Ŋ̀âla Kɔlɔ Maa Waai

³ Kpɛ́ni fêi, dí díyee ŋá-sɛŋ kélee tɛ̀ɛ a kpɔŋ-mâa, yɛ̂ɛ berei máŋ ŋa pɔ̂ri m̀aa sêre-faa kɛ̂i lai, dífulu-laai su-sɛŋ nyíi kɛ̀ díyêei dí dámaa tɛ́ɛ, é kúla dílii su.

Kɔleŋtiɛŋ Veerɛi 8:3 ပူးပေါင်းရင်းမြစ်များ

Kɔlɔnikɔ Maa-ŋuŋ 29:9

Mɛni m̀a ǹûai kélee líi è ǹɛ̃ɛ, kpɛ́ni fêi, dí zama-sãai ŋí tɛ̀ɛ Yâwɛɛ pɔ́ é kula dílii su. Gâloŋ Deeƃé ǹyaa máŋ kpîŋ ǹíi é ǹɛɛ kpɔ́ a zu-kɛ́tɛ.

Wule-woo-ŋa 110:3

Ya pɛ̀lɛ íkpɔara-ƃelai dîa, ínûai da pâi kpɔŋ maa tɛɛ̂i ípɔ. Da pâi kɛ̂i yɛ̂ɛ ɣele ƃɔ̂i luu. Ǹyaŋkpa-ŋai da pâi pâi ípɔ naa ǹyée maa waa-ŋai dîa.

Ɛsedɔ 35:29

Eezuɛ nɛyâai da zinâai nyii-ŋai ŋwɛ̀li a gɛɛ dí sama-sɛŋ tɛɛ díi-ŋai kélee mɛni mai, Yâwɛɛ è mò Mose ma a gɛɛ dí gɛ́i, dí pà a sama-sãa Yâwɛɛ pɔ́ é kúla dílii su.

Ɛsedɔ 35:5

Ka sama-sɛŋ tɛɛ Yâwɛɛ mɛni ma. Diai kélee ŋ̀wɛ̂lii dí dísama-sɛŋ tɛ́ɛ a lii-nɛ̃ɛi, dí pá la. Dí pá a gôo, kane da ƃara,

Mâki 14:8

A m̀ɛnii kɛ́ a pɔ̂ri gɛ̂i a wúru-ya pú ŋ́gbono ma tuɛ ńoo mɛni ma.

Zia-ƃelai Kɛ́-mɛni-ŋai 11:29

Zîsɛ ŋɔpôlu-ƃelai dí gbɛtɛ a gɛ́ɛ dí kpɔŋ mâa tɛɛ díƃarâai pɔ́, nyíi-ŋai kɛ̀ Zudai. Ǹúui kélee dí nyíŋi kɛ̀ yɛ̂ɛ berei a pɔ̂ri gɛ̂i lai.

Lomaŋ 10:2

Ŋa dímaa sêre-faa kɛ̀ a gɛ́ɛ Ɣâla maa-mɛni káa díkoi kpɔ́ a gbanaŋɔɔ, kɛ́lɛ, dífa târe maa-mɛni su.

Kɔleŋtiɛŋ Maa-ŋuŋ 16:2

Lɔ́ɔ-kûu kélee su ŋele-kûu maa-ŋuŋ, zɛŋ núu kélee a zɔlɔ ƃôi, e da lâai kɛ́ yɛ̂ɛ berei a zɔlɔ ƃô lai, a gɛ́ɛ tãi ŋà pà lai, ve kɛ́ a sɛŋ ŋá kámarê kɛ́ sɛŋ-kao mɛni ma.

Kɔleŋtiɛŋ Maa-ŋuŋ 9:17

À kɛ̀ ŋà nyíŋi kɛ̀ a ŋ́gbɔɔi-woo ŋa pâi fela-fei sɔlɔ ƃôi; kɛ́lɛ, à kɛ̀ ŋà wàla gɛ a ŋ́gbɔɔi-woo, gɛ̀ ní dí ńɛ̀ a gɛ́ɛ ŋá gɛ́.

Galesiɛŋ 4:15

Lé ƃa kɛ́ a ǹii-laai kɛ̂ káyêei? Kpɛ́ni fêi, ŋá kámaa sêre-faa kɛ̀ a gɛ́ɛ pere eêi kɛ̀ naa, kâi pɔ̂ri káŋɛi-kao kulâi ká dɛɛ ḿbɔ.

Felepiɛŋ 2:13

Kpɛ́ni fêi, Ɣâla káa tíi kɛ̂i kákponôi a gɛ́ɛ ká ŋɔnîa-mɛnii kɛ́ ká tíi kɛ́ ŋɔnîa-mɛni lɛ́lɛɛi mɛni ma.

Kolasiɛŋ 4:13

Kpɛ́ni fêi, ŋa m̀aa-sere-faa kɛ̀ a gɛ́ɛ a tíi kɛ́ kpɔ́ a gbanaŋɔɔ kámɛni ma da diai díkaa Leodisiɛ da Ɛrapoli.

Tɛsɛlôniɛŋ Maa-ŋuŋ 2:8

Mɛni ma kú káwɛ̀li kpɔ́ a ŋ̀ánaa, mɛni ƃe kúfe Ɣâla ŋɔtuŋ lɛ́lɛɛi tɛɛ ni la nɔ́ kápɔ, kɛ́lɛ, kú kúkpîŋ tɛ̀ɛ máŋ kápɔ, kpɛ́ni fêi, ká kɛ̀ a kúwɛli-kɛ-maa ƃela kpanaŋɔɔ-ŋa.

Falemɔŋ 1:14

Kɛ́lɛ, fé kɛ́ ní ŋ̀wɛ̂lii a gɛɛ ŋá mɛni da kélee kɛ́, à kɛ̀ ífe fáa ní mà, a gɛɛ ímɛni lɛ́lɛɛi fé kula wala-wala-laa su, kɛ́lɛ, é kúla íkpîŋ-nia-mɛni su.

Pitɛ Maa-ŋuŋ 4:11

Núu à kɛ̀ lônoi, tɔɔ é lóno yɛ̂ɛ núu à kɛ̀ Ɣâla wóo kpîŋ ƃôi. Núu à kɛ̀ kpɔŋ-mâa kɛ̂i, tɔɔ é gɛ́ a gbanaŋ yɛ̂ɛ berei Ɣâla è dɛ̀ɛ la bɔi, a gɛɛ mɛni kélee su Ɣâla ŋɔfólo-laai maa é tɛ́ Zîsɛ Kôrai sarâi, nyíi fólo-laa káa a bɔ́ɔ da wala-wala-laa wɔlɔ-wɔlɔ da wɔlɔ-wɔlɔi. É kɛ́ tí.

Pitɛ Maa-ŋuŋ 5:2

Ka Ɣâla ŋɔnuu-kpului mɛi káa nyíi kákaa mɛi. Vé a sɛŋ fɛ̂ɛ nɔ́ ká gɛ́, kɛ́lɛ, ka gɛ́ é kúla kálii su yɛ̂ɛ berei Ɣâla a ŋ̀wɛ̂lii ka gɛ lai. Káfe gɛ sɛŋ mɛni ma ŋumɛ-pere su, kɛ́lɛ, ka gɛ́, kpɛ́ni fêi, ka ŋ̀wɛ̂lii kpɔ́ a ŋánaa a gɛɛ ká gɛ́.