Kɔleŋtiɛŋ Veerɛi 7:1 - Ŋ̀âla Kɔlɔ Maa Waai

¹ Ŋáwɛli-kɛ-maa-ƃelai, tãi nɔ́ gono-tee-ŋai ŋí káa la kúyêei, kwaa kúkpîŋ maa wáa ku kúla kúkponôi da kúmɔlêŋ dísɔnyɔ̂ŋ su, kúkɛ kpɔ́ a kúmaa waa a ǹɛ́lɛɛ Ɣâla ŋɔyao-maai su.

Kɔleŋtiɛŋ Veerɛi 7:1 ပူးပေါင်းရင်းမြစ်များ

Kɔlɔnikɔ Veerɛi 19:9

È dɔ̂ŋ-ŋai ŋí tɛ́ɛ dípɔ, “Ka tíi kɛ́ kpɔ́ a teniŋ-ƃo pere a kálii kélee Yâwɛɛ ŋɔyao-maai su.

Wule-woo-ŋa 119:9

Nyáŋkpa a pɔ̂ri ŋɔɣéniɛi mɛi káa pere kɛ̂i léŋ a m̀aa waa? Ǹyaa nɔ́ ƃa é sía a ítɔ̂ŋ-ŋai wóo.

Wule-woo-ŋa 19:9

Núu yaoɔɔ Yâwɛɛ ma káa a mɛni maa waa. Gáa a wɔ́lɔ-wɔlɔ da wɔ́lɔ-wɔlɔ mɛni. Yâwɛɛ ŋɔmɛni ŋá-teɛɛi káa a tɔ̃yâ mɛni ŋá-teɛɛ. Ŋɔɣele kélee mɛni ŋá-teɛɛi káa a teniŋ ƃo-pere.

Wule-woo-ŋa 51:10

Óo Ɣâla, ŋá kili-ŋa-siai kɛ́ a m̀aa waa, íteniŋ ƃô da mɔ̂leŋ nina tɛɛ ḿbɔ.

Táre-woo-ŋa 16:6

Ɣâla Yâwɛɛ a laa-la-nuu da tɔ̃yâ-nuu dísɔnyɔ̂ŋ su-mɛni lɛ̀ɛ. Núu a yào Ɣâla Yâwɛɛ ma, a ǹyée kùla sɔnyɔ̂ŋ su.

Táre-woo-ŋa 20:9

Gbɛ̂ɛ ƃa mò ǹyɛɛ, “Ńii maa waâi. Ńzɔ̂ŋ fé mai?”

Táre-woo-ŋa 30:12

Núu sîi da-ni-ŋa da díkpîŋ sìɣe a núu maa waa-ŋa, kɛ́lɛ dímaa fé waa ní dílii su.

Táre-woo-ŋa 8:13

Ǹúui a yâo Ɣâla Yâwɛɛ mai, a mɛni nyɔ́mɔɔ kpɔ̀ara. Ŋa yoŋka kpɔ̀ara, ŋɛi-tɛ, ŋwana-lɔ̂ɔ, da lɛ́ɛ.

Ikilisiati 11:10

Ka tée lii ŋwâna mɛni pôlu. Káfe ǹɛɛ naa mɛni da kɛ́ ƃò nɔ́ kálii su gɛ́ sòli kâa. Káfe pâi lɛɛ̂i a núu tɔ̂ɔ a zu kôyaa.

Azaya 1:16

Ka kpera mɛni nyɔ́mɔɔ kɛ́ɛ ma, ká ǹanii wáa kâa. Tɔ̃yâ ma ka kpera mɛni nyɔ́mɔɔ kɛ́ɛ ma.

Azaya 55:7

Ŋwana-lɔ̂ɔ-ƃela, ka kátûa-pere maa fáleŋ. Káai káfe a teniŋ ƃô-ƃelai, ka kákili ŋá sîai nyɔ́mɔɔ-ŋai maa fáleŋ. Ka tínaŋ Yâwɛɛ pɔ́naa pere. Kà gɛ̀ tí, a pâi kámalôŋ kâai, é kásu-mɛ̂ni lɛɛ. Kwaa tínaŋ Yâwɛɛ Kúɣâlai pɔ́naa pêre.

Zɛlemaya 13:27

Ŋá íkàa íkɛ ŋumɛ tûa támaa kɛ̀ nyíi m̀ɛlɛ kpɛɛ̂i ŋ́goi. Ŋá íkàa íkɛ ɣâla-da-kpɛni-ŋa fɛ̀li ǹyée-ŋai dîa ǹɔɔi-su, yɛ̂ɛ berei sinaa da kɛ̂ la díƃarâai dínɛyâai pôlui. Kpaa máŋ yɛ̂ɛ berei soo-sîrɛ a kɛ̂ la soo sâa-ŋa pôlui. Káai a Zerusâlɛŋ-ƃelai, kpalo ƃelaâi kâa. Lé tãi ƃé ka pâi kɛ̂i la a ká maa-waai?”

Zɛlemaya 4:14

Zerusâlɛŋ, ye ŋ̀wana lɔ̂ɔ tuai kúla í liî su a gɛɛ í ƃalo-laa sɔlɔ ƃó. Í ŋwana lɔ̂ɔ kili-ŋa-siâi a pâi gɛ̂i í liî su a tãi ɣɛɛlu?

Levetekɔ 13:58

Kɛ́lɛ a maa seɣei waa nyii bûŋ káa zui, bûŋ é kpɛ́ɛ zu, maa nɛ̃ɛ̂i é zeɣei kpîŋ waa ŋɔ́nɔ pôlu gɛ̀ ní a pâi kɛ̂i a maa waa.”

Maafîu 12:33

“À kɛ̀ kà sí-sɛŋ lɛ́lɛɛ sì, m̀á a pâi kɛ̂i a ǹɛ́lɛɛ. A kɛ̀ kà sí-sɛŋ nyɔ́mɔɔ sì, m̀á a pâi kɛ̂i a nyɔ́mɔɔ. Kpɛ́ni fêi, da sí-sɛŋ kɔ̀lɔŋ m̀á ma.

Maafîu 5:48

Mɛni ma kálaa é kɛ́ a vɛ́ɛ a wɛli-kɛ-maa, yɛ̂ɛ berei Káɣâla-taa Naŋ láa fɛɛ̂i la a wɛli-kɛ-maai.

Maafîu 5:8

Lûwa káa diai dîa dílii su waâi, kpɛ́ni fêi, da pâi Ɣâla kâai.

Zia-ƃelai Kɛ́-mɛni-ŋai 9:31

Kôrai-toli-kpɔŋ-ŋai kɛ̀ Zuda, Galalii da Sameria dí nâa kɛ̀ lii-sêe su. Dí ƃɔlɔ kpɔ́ a zu kɛ́tɛ. Zu-ƃelai dí tàma, kpɛ́ni fêi, ŋumɛ mâa è kɛ̀ díyêei dífulu-laai su Kúnuu-namui mɛni ma da M̀ɔlêŋ Maa Waai.

Lomaŋ 5:20

Dɔ̂ŋ è pà é dɔ̂ŋ karaai su kɛ́tɛ, kɛ́lɛ, ƃɛ́i sɔnyɔ̂ŋ su kɛ́tɛ̂i naai, m̀ɛlɛ-seei su kɛ́tɛ̂i naa e tɛɛ ma máŋ.

Kɔleŋtiɛŋ Maa-ŋuŋ 6:20

Dí káyà a kásɔ̃ɔ. Mɛni ma ka pá a folo-laa Ɣâla pɔ

Kɔleŋtiɛŋ Veerɛi 1:20

Kpɛ́ni fêi, Ooei káa Ɣâla ŋɔkono-tee-ŋai kélee ma gbonôi. Mɛni ƃe kwa “É kɛ́ tí” ƃò la Zîsɛ sarâi Ɣâla ŋɔfólo-laai mɛni ma.

Ifisiɛŋ 2:3

Kú kɛ̀ nyíi-ŋai ŋí sama a maa-ŋuŋ, diai díkɛ ɣeniɛi kɛ̀ a díkpîŋ-tua-pere-nyɔŋ maa-sɛŋ-wɛliɛi. Kú kɛ́ kúkili-ŋa-siai da kúkponôi dísɛŋ wɛliɛɛi pôlu. Mɛni ma kúkpîŋ tua-perei su Ɣâla ŋɔtɔŋ-kpɛ́-maai è kɛ̀ kúmɛni ma nɔ́ yɛ̂ɛ núu kpeli-ŋai.

Tɛsɛlôniɛŋ Maa-ŋuŋ 3:13

a gɛ́ɛ é kálii su kpanaŋ kámaa é wáa kásɔŋ fè kɛ̀ kâa Kúnâŋ Ɣâla ŋɛi a tãi Kúnuu-namui Zîsɛ da ŋɔnûai da kɛ̂ pâi lai.

Tɛsɛlôniɛŋ Maa-ŋuŋ 4:7

Ɣâla fé kútoli ni a gɛ́ɛ kú kɛ́ a ǹûai dímaa fé waa ni, kɛ́lɛ, è kútòli a gɛ́ɛ kú kɛ́ a maa-waa-ƃela.

Tɛsɛlôniɛŋ Maa-ŋuŋ 5:23

Nii-see-Ɣalai ǹyaa kpîŋ é kámaa wáa pere sii kélee su. Sɔnyɔ̂ŋ fé kɛ́ kámɔlêŋ mâ da kákponôi a Kúnuu-namui Zîsɛ Kôrai pá tãi.

Ibulu 12:23

Ka seri bɔɔ-sɛŋ sɔlɔ ƃó-ƃelai maa-kpɔŋ mâ, nyíi-ŋai dílaa káa Ɣâla-taai, da mɛni-ŋa-tee nuui nyíi gáa a núu kélee Ŋɔɣâlai, da maa-waa-ƃelai dímɔlêŋ nyíi-ŋai dí maa-waa-laai láa fɛ́ɛi Ɣâla-taai.

Ibulu 12:28

Mɛni ma sɛɣɛi-féi é kɛ́ kúyêei Ɣâla ŋɔkâloŋ-laai sɔlɔ ƃó-mɛni ma nyíi va tûmoi, gɛ̀ ní kwa Ɣâla fɛ̀li a lii-laa-pere a ƃaa-kɛ-maa da yao-maa.

Ibulu 4:1

Mɛni ma tãi núu liɛ ŋɔfii-tɔɔi su maa-kono-teei káa niî la naai, kwaa ku mɛi káa. À wàla kɛ́ tí da pâi káta-ni dímɛnii ŋá têei a gɛɛ ka fɛɣɛ a seriɛ ma.

Ibulu 6:9

Berei máŋ kwa lônoi la a bere sii ŋí, ŋáwɛli-kɛ-maa ƃelai, à kɛ̀ a kápɔ-pere, kúlaâi la kpɔ́ a gbanaŋɔɔ a gɛɛ mɛni lɛ́lɛɛ-ŋa da pâi kulâi kákponôi, nyíi-ŋai díkaa a ƃalo-laa pɔ́ɔi.

Zĩi 4:8

Ka lɛ̂ɣɛ a Ɣâla, a kɛ̀ tí a pâi lɛɣɛ̂i a káa. Sɔnyɔ̂ŋ-ƃela, ka káyee ŋáwaa. Ka kálii sú kpɛ̀tɛ káai kákili-ŋa-siai ŋáa kɔ́lɛ̂i.

Pitɛ Maa-ŋuŋ 1:15

Kɛ́lɛ, yɛ̂ɛ berei ǹúui kátòlii maa waâi lai, ka kɛ́ a kámaa waa tûa-pere kélee su.

Pitɛ Maa-ŋuŋ 1:17

À kɛ̀ ǹúui à núu kélee ŋɔmɛnii ŋá tèe yɛ̂ɛ berei dítûa-perei káa la, kɛ́lɛ, va núu su ɣɛɛ ŋɔmɛni-ŋa teɛɛi sui, ka zìɣe a Kánâŋ, gɛ̀ ní ka kákpîŋ mɛi káa ká ƃaa-kɛ-maa tɛ́ɛ bɔ̀ a tãi kákaa la ŋɔ̃yâ lɔii-ŋa sui.

Pitɛ Maa-ŋuŋ 1:22

Kámɔlêŋ maa waâi a dɔ̃yâi maa woo mɛniɛi gáa káyêei a gɛɛ tɔ̃yâ wɛli-kɛ-maa é kɛ́ káyêei kákîe-ni mɛni mai. M̀ɛni ma ka kákîe-ni wɛ́li tɔ̃yâ-pere su é kúla kálii su.

Pitɛ Maa-ŋuŋ 2:11

Ŋáwɛli-kɛ-maa ƃelai, káai a ŋɔ̃yâ-ŋai da ǹɔii da kpɛni su-ƃelai, ŋa kákpera fêi a gɛɛ ká síɣe núu-kpune ŋɔkɛ-pere nyɔŋ maa-sɛŋ wɛliɛi kɔlɛ nyíi gáa kɔ̂i kámɔlêŋ pɔi.

Pitɛ Maa-ŋuŋ 5:10

Kámɛni-soli-kaai pôlu ma nàa kuro à kɛ̀ tí, m̀ɛlɛ-see kélee Ɣalai nyíi a kátoli ŋɔwɔlɔ-wɔlɔ fólo-laai mâ Kôrai kponôi, ǹyaa kpîŋ a pâi kámaa waâi, é kátɔɔ̂i kpanaŋ, é kákponôi kpanaŋ.

Zɔ̂ŋ Maa-ŋuŋ 1:7

Kɛ́lɛ, à kɛ̀ kwa sìa gwaa-ponoɔi su yɛ̂ɛ berei gáa la a gwaa-ponoɔi, gɛ̀ ní kwa dai-ni kúlii káa tɔnɔ, gɛ̀ ní Nòŋ-nuui Zîsɛ Kôrai ŋɔŋãai a kúsɔnyɔ̂ŋ kélee wáa kûa.

Zɔ̂ŋ Maa-ŋuŋ 1:9

À kɛ̀ kwa kúsɔnyɔ̂ŋ-ŋai ƃô, gɛ̀ ní deniŋ m̀ôɔi, zɔŋ lɛ́lɛɛ, ǹyaŋ a pâi kúsɔnyɔ̂ŋ su-mɛni lɛɛ̂i, é ŋɔ́nɔ kúsɔnyɔ̂ŋ kélee wáa kûa.

Zɔ̂ŋ Maa-ŋuŋ 3:3

Ǹúui kélee gili-kɛ-zui ŋí káa ǹyêei, a gbîŋ maa waa yɛ̂ɛ berei ǹyaa Kôrai m̀aa waai lai.