Kɔleŋtiɛŋ Veerɛi 6:2 - Ŋ̀âla Kɔlɔ Maa Waai

² Kpɛ́ni fêi, a mò ǹyɛɛ, “Ŋá káwoo mɛ̀ni a kákpɔŋ-maa-tãi, ŋá kpɔ́ŋ kâa a káƃalo-laa ɣelei.” Ka gáa, kákpɔŋ-mâa-tãi ká ŋí nâa. Ka gáa ŋɔ́nɔ, káƃalo-laa-ɣelei ká ŋí nâa.

Kɔleŋtiɛŋ Veerɛi 6:2 ပူးပေါင်းရင်းမြစ်များ

Wule-woo-ŋa 69:13

Kɛ́lɛ à kɛ̀ a ńyãa, óo Yâwɛɛ, ŋa pâi kɛ̂i nɔ́ ífɛlîi. Ɣâla, ŋ́oo su too a ínîa tãi. Ŋ́oo su too íwɛli kɛ́-maa kpanaŋɔɔi sârai, kpɛ́ni fêi, í íkono tèe a gɛɛ ya pâi ŋ́uŋ ma ƃôi.

Azaya 49:8

Yâwɛɛ è m̀o ŋɔnûai dîa ǹyɛɛi, “Káŋuŋ ma ƃó ɣelei a seri, ŋa pâi káŋuŋ ma ƃôi. Ŋa pâi káŋɛi malôŋ kâai, ŋá ŋ́oli tɔ́ɔ káwɔlɔ-wooi ma ŋá kpɔ́ŋ kâa. Ŋa pâi kámaa kɔ̃ɔ̂i, ŋá kámaa kpɛ́ pere sîi kélee su. Ŋa pâi gɛ̂i tí, kpɛ́ni fêi, ŋá ŋ́gono tèe káyêei. Ŋa pâi liî a káa pôlu kálɔii ma nyíi ǹaa è wɔ́lɔ lɛ̀ɛ a vóloi.

Azaya 61:2

A ńdɛɛ a gɛ́ɛ ŋá Yâwɛɛ ŋɔkóraŋ lɛ́lɛɛi maa tûŋ too. Ŋ̀elei a seri, Yâwɛɛ a pâi pâi ŋɔnûai ŋuŋ-ma ƃó mɛ̂ni ma, é díkpɔara ƃelai yée mɛi ɣalei. A ńdɛɛ a gɛ́ɛ diai wɔ́lɔi, ŋá díŋa nɛnɛ,

Izikiɛ 16:8

“Tãi ŋa ŋɔ́nɔ tɛ̀ɛ la yâi, ŋa gàa a gɛɛ tãi a seri a gɛɛ í nâa kɛ́ a surɔŋ-pɛrɛ mu ǹuu. Nya ƃe ŋá í mɛi pɛlɛ a ŋá seɣei ŋá íkaŋ loo ŋá kpanaŋ-woo kɛ̀ í yêei a gɛɛ kwa yâ kúkɛ tua-laa ma. Íkɛ a ḿbɔɔ.” Ŋ̀wála-wâla kélee Yâwɛɛi ƃé mò tí.

Lûu 18:37

Dí mò ma, “Zîsɛ nyii kùla Nâzarɛi, ǹyaa ká tɛɛ̂i ti.”

Lûu 4:19

a gɛɛ ŋá Kúnuu-namui ŋɔyee-see mu-koraŋ maa-mɛ̂ni ƃó.”

Ibulu 3:13

Kɛ́lɛ, ka kákîe-ni lia-woo ƃó a ɣele kélee, a gɛɛ kátɔnɔ kpîŋ káfe kálii kpanaŋ a sɔnyɔ̂ŋ ŋɔnúu pɛlɛɛ, tãi nɔ́ ŋ̀óoi da kɛ́ mà “sâa” nyii gáa Ŋ̀âla kɔlɔi sui káa niî naa nyíi bîlaŋɔɔi kûai.

Ibulu 3:7

Mɛni ma yɛ̂ɛ berei M̀ɔlêŋ Maa Waai a mò la, nyɛɛi, “Sâa kà ŋ̀óo mɛ̀ni,

Ibulu 4:7

È tãi da kpɛni lɛ̀ ŋɔ́nɔ, ǹyɛɛ, “Sâa,” nyíi tãi su kôyaa tɛɛ pôlu ma è mò Deeƃé sarâi ŋ̀óo-ŋai ŋí su, nyíi-ŋai è mò a maa-ŋuŋ, “Sâa, kà ŋ̀óo mɛ̀ni, káfe kálii kpanaŋ.”