Kɔleŋtiɛŋ Veerɛi 5:9 - Ŋ̀âla Kɔlɔ Maa Waai

⁹ Mɛni ma à nɛ̀ɛ máŋ ku kɛ́ kúpɔ-taai kpaa máŋ ku kúla naa, ku kúkili ŋá sîa a gɛ́ɛ ku ǹíi láa.

Kɔleŋtiɛŋ Veerɛi 5:9 ပူးပေါင်းရင်းမြစ်များ

Zɛnɛse 4:7

À kɛ̀ ƃà tùa a ǹɛ́lɛɛ, fé pâi ńyee seêi ímu? Kɛ́lɛ à kɛ̀ ƃà wàla tûa a ǹɛ́lɛɛ, gɛ̀ ní sɔnyɔ̂ŋ káa ípɛrɛi lá a gɛɛ ǹyée é pɔ̂ri yâ, kɛ́lɛ fɛ̂ɛ í ǹyée mɛi ɣále.”

Azaya 56:7

“Ŋa pâi pâi a káa ŋáyee maa waai Zãiyɔŋ ma, ŋá gɛ́ lii-sêe kɛ́ ƃò káyêei ḿvɛli pɛrɛi mu. Géreŋ sâla-ŋai ka pâi gulâi ŋáteƃelei ma da zama-sãai ka pâi pâi la ŋápɛrɛi mui, ŋa pâi ńyee seêi dímu. Nûa da pâi Ŋápɛrɛi tôlii a ɣâla fɛli kwaa ma núu kélee mɛni ma.”

Zɔ̂ŋ 6:27

Káfe mii-sɛŋ maa-tii kɛ̀ nyii a kàra, fɛ̂ɛ mii-sɛŋ nyii gáa wɔlɔ-wɔlɔ fulu-laa mɛni ma, nyii núu-kpune Ǹóŋ a pâi dɛɛ̂i kápɔi, kpɛ́ni fêi, Ɣâla Nàŋ-nuui a gɛ́ a gɛɛ e nyíti kɛ́.”

Zia-ƃelai Kɛ́-mɛni-ŋai 10:35

Kɛ́lɛ, ǹúui kélee à yâo Ɣâla ma lɔii kélee sui, gɛ́ tûa-pere lɛ́lɛɛ kɛi, Ɣâla a ǹyée sèe maa nuui mu.

Lomaŋ 14:18

Ǹúui à tíi kɛ̀ Kôrai mi a bere-sii tii, a Ɣâla líi làa, nûa da díyee see mù.

Lomaŋ 14:8

À kɛ̀ kwà kúɣeniɛi kɛ̀, kwa gɛ̀ Kúnuu-namui yêei; à kɛ̀ kwà sàa, kwa sàa Kúnuu-namui yêei; mɛni ma à nɛ̀ɛ ma kpîŋ ku kɛ́ fulu-laa su kpaa máŋ ku sáa, kúkaa a Kúnuu-namui pɔɔ.

Lomaŋ 15:20

Mɛni ma ŋá ŋ̀wɛli kpɔ́ a dámaa a gɛ́ɛ ŋa Duŋ Lɛ́lɛɛi ƃo nɔ́ ƃɛi-ŋai ma dífe niî Kôrai láa tóli ni naai. À kɛ̀ ti gɛ̀ ní fe pâi tíi kɛ̂i núu da kpɛni ŋɔtíi kɛ́ɛ su.

Kɔleŋtiɛŋ Maa-ŋuŋ 15:58

Mɛni ma, ŋáwɛli-kɛ-maa-ƃelai, ka fɔlɔ-fɔlɔ, káfe síɣe kátɔɔ̂i. Ka Kúnuu-namui ŋɔtíi kɛ́ nɔ́ a tãi kélee. Ka gɔ́lɔŋ a gɛ́ɛ kátii fé kpɛ́ni-kpɛni Kúnuu-namui kponôi.

Kɔleŋtiɛŋ Veerɛi 5:6

Mɛni ma fɔlɔ-fɔlɔ káa kúyêei a tãi kélee. Kú gɔ́lɔŋ a gɛ́ɛ tãi kúkaa la ƃɛ́ kúkponôi sui, kú kɛ̂i kôyaai Kúnuu-namui ma.

Kɔleŋtiɛŋ Veerɛi 5:8

Fɔlɔ-fɔlɔ káa kúyêei, ǹyaŋ ǹɛ́lɛɛ a gɛ́ɛ kú kɛ́ a kúkɛ̂i gôyaa kúkponôi mâ kwa Kúnuu-namui-ni kúkɛ bɔ-taai.

Ifisiɛŋ 1:6

a gɛ́ɛ kú ŋɔfólo-laa ƃɛlɛ-sêei maa tɛ́, nyíi è dɛ̀ɛ kúpɔ a dámaa Ŋɔwɛli-kɛ-maa Loŋ kponôi.

Kolasiɛŋ 1:10

a gɛ́ɛ kútûa-perei é kɛ́ a maa nɛ̃ɛ Kúnuu-namui mɛni ma, ǹíi é láa kpɔ́ a ǹɛ́lɛɛ, ká ƃá tíi lɛ́lɛɛ kélee su, ká ƃɔlɔ Ɣâla mɛni kɔlɔŋɔɔ su.

Kolasiɛŋ 1:29

Nyíŋi mɛni ma ŋa tíi kɛ̂i, ŋ́gɛ kɔ kpɔ́ a ŋwála-walai kélee è bu ŋ́gbonôi kpɔ́ a gbanaŋɔɔi.

Tɛsɛlôniɛŋ Maa-ŋuŋ 4:1

Gbɛɛ ŋái, ŋánûa, kwa kákpera fei, kúkɛ kalia-woo ƃo Kúnuu-namui Zîsɛ kponôi a gɛ́ɛ, yɛ̂ɛ berei ká káfulu-laai kɛ-pere maa kɔ́ri la kúyêei, da berei ka pɔ̂ri Ɣâla líi lâai lai, berei kákaa tuâi lai, ka gɛ́ ti a gbanaŋɔɔ a tãi kélee.

Tɛsɛlôniɛŋ Maa-ŋuŋ 4:11

Ka kɔ́ kpɔ́ a gbanaŋɔɔ ká káfulu-laai maa yeŋ, ká káŋɛi kɛ́ nɔ́ kákpîŋ mɛni-ŋai dîa, ká tíi kɛ́ a káyee, yɛ̂ɛ berei kú mò la kâai,

Temete Maa-ŋuŋ 4:10

Nyíŋi mɛni ma kúkaa tíi kɛ̂i kúkɛ kɔ kpɔ́ a gbanaŋɔɔ, kpɛ́ni fêi, kwa kúkili-kɛ-zui pu gɛ-ɣele-ma Ɣalai ma, nyíi gáa a núu kélee Ƃalo-nuui, é tela kɛ́ kpɔ́ a diai laa-la káa díyêei.

Ibulu 12:28

Mɛni ma sɛɣɛi-féi é kɛ́ kúyêei Ɣâla ŋɔkâloŋ-laai sɔlɔ ƃó-mɛni ma nyíi va tûmoi, gɛ̀ ní kwa Ɣâla fɛ̀li a lii-laa-pere a ƃaa-kɛ-maa da yao-maa.

Ibulu 4:11

Mɛni ma, kwaa kɔ́ kpɔ́ a gbanaŋɔɔ a gɛɛ kú lí vii-tɔɔi tí su a gɛɛ kúfe kɛ̀ a ǹûai woo-mɛni fé díyêei, kú tóo yɛ̂ɛ berei ǹûai dí gɛ̀ lai.

Pitɛ Veerɛi 3:14

Mɛni ma ŋáwɛli-kɛ-maa ƃelai, tãi ka zãâi ŋí maa kpɛnîi lai, ka kɔ́ a gbanaŋɔɔ a gɛɛ é kákaa lii-sêe sú kásɔŋ fé kɛ̀ kâa ŋ̀ɛi-tuɛ da mɛni nyɔ́mɔɔ kélee.