Kɔleŋtiɛŋ Veerɛi 4:8 - Ŋ̀âla Kɔlɔ Maa Waai

⁸ Mɛni-kpɔ̂lu a pâ kúpɔ pere sii kélee su, kɛ́lɛ, va kúyee mɛi ɣale. Kúpɛlɛ a pû, kɛ́lɛ, kúfii fa kpɛ̂ɛ.

Kɔleŋtiɛŋ Veerɛi 4:8 ပူးပေါင်းရင်းမြစ်များ

Wule-woo-ŋa 129:2

“É síɣe ńôloŋ tãi ma, ŋ́gbɔara-ƃelai da tûa nyɔ́mɔɔ támaa kɛ́ a ńyãa, kɛ́lɛ, díyee fé niî tɛ̀ɛ ní ḿâ.

Wule-woo-ŋa 37:33

Kɛ́lɛ Yâwɛɛ fé pâi wɔ́lɔ fâai ma a gɛɛ díkpɔara-ƃelai yée é tɛ́ɛ dîa, kpaa máŋ é ǹɛɛ naa mɛni é lɛ́ɛ dîa tãi da kɛ́ la mɛni ŋá téɛɛ sui.

Táre-woo-ŋa 14:26

Ǹúui a yâo Ɣâla Yâwɛɛ mai, kili kɛ-zu káa ǹyêei, dɔɔ̂i kpanaŋɔɔ ǹyaŋ ŋuŋ maa ƃô a pâi kɛ̂i ŋɔnîa-pɛlɛɛi yêei.

Táre-woo-ŋa 18:10

Ɣâla Yâwɛɛ wóo káa yɛ̂ɛ yeŋkêŋ kpanaŋɔɔ. Núu sã́a a lî naa a gɛɛ é ŋuŋ ma ƃô sɔlɔ ƃó.

Azaya 40:31

Kɛ́lɛ, diai da díkili tɔ̀ɔ Yâwɛɛ ma kpɔŋ-mâa mɛni mai, díwala-wala laai su a pâi kpananîi. Da pâi tɛ̂i ŋ̀elei su yɛ̂ɛ da kɛ̀ kuɛ koôŋ pôlu. Dí máŋ kîrɛ siɣe, dífe pâi fôai. Dí máŋ sía, dífii fé pâi kpɛɛ̂i.

Abaku 3:17

Berei máŋ fîi-wuruii fé pâi poâi lai, kpaa máŋ kpɔmɔ-kpalaŋ é ƃái, mii-sɛŋ fa lɛ̂lɛ gbâlaŋ ŋái, m̀ála-ŋai dífe pâi lɛ̂ɛ la díkoraŋ sui, daa-tûlɛ díkoraŋ-ŋai dí lɛ́ɛ a vóloi,

Zɔ̂ŋ 14:18

“Fe pâi kálɛɛ̂i nɔ ti a tee-noŋ-ŋa; ŋa pâi pâi kápɔ.

Kɔleŋtiɛŋ Maa-ŋuŋ 10:13

Yee laa-maa da fé niî pá ní kápɔ nyíi ve niî pá ní núu da pɔi. Ɣâla sã́âi, nyíi ve pâi nɛɛ̂i naa yee-laa-maa é pá kápɔ nyíi dɛɛi káwala-walai mai. Kɛ́lɛ, tãi yee-laa-maa a pá lai, Ɣâla máŋ a pâi kúkula-perei tɛɛ̂i a gɛ́ɛ pɔ̂ri é kɛ́ káa ka tɔɔ zu.

Kɔleŋtiɛŋ Veerɛi 12:10

Gɛ̀ ní Kôrai maa-mɛni ma, ńii lâai fii-kpɛɛ su, ƃaa-kula-maa su, mɛni-kpɔ̂lu su, kpɔara su, da mɛni-soli su. Kpɛ́ni fêi, ŋà kɛ̀ a ḿvii kpɛɛ, gɛ̀ ní ŋ́walaai.

Kɔleŋtiɛŋ Veerɛi 6:12

Kúfe kákpera ni, kɛ́lɛ, ká kákpîŋ kpèra kákpîŋ kili-ŋa-siai su.

Kɔleŋtiɛŋ Veerɛi 6:4

Kɛ́lɛ, mɛni kélee su kwaa kúkpîŋ lɛ́ a Ɣâla yée-mu-ƃela a fɔlɔ-fɔlɔ mɛni-soli su, mɛni-kpɔ̂lu su, da lii-sɛ̂lɛŋ,

Kɔleŋtiɛŋ Veerɛi 7:5

Kpɛ́ni fêi, tãi máŋ kú pà la Masadoniai, kúkpono fé vii tɔ̂ɔni, kɛ́lɛ, kú kɛ́ nɔ́ mɛni-kpɔ̂lu su kwaa kélee ma-kwa ǹaa-ƃela kú kɛ̀ laa-saa kɛ̂i, yao kɛ́ ƃo kúkɔlɔ̂i.

Galesiɛŋ 4:20

Ŋâi kɛ̀ kákɔlɛ tãi ŋí su ŋâi ńono-woo ma faleŋ, kpɛ́ni fêi, ŋ́gili puɔɔ̂i kámaa-mɛni ma.

Samia Maa-ŋuŋ 28:15

Samia è mò Sɔ̂ɔ ma ǹyɛɛi, “Lé mɛni ƃé íkaa nɔ́ la ḿbôlu íkɛ gɛ̀ ŋ́gɛ mu siɣei?” Sɔ̂ɔ ǹyɛɛ m̀ai, “Ŋ́gaa mɛni kpɔ̂lu su. Felesia-ŋai da kɔ̂i ḿbɔ. Ɣâla aâ bôlu tɔ̀ɔ ḿâ. Vé ŋ́oo su toôi a dɔnɔ kpîŋ. Vé kpîŋ ŋ́oo su toôi Ɣâla ŋɔlóno kɛ́-ƃelai da sarâi kpaa máŋ see-woo su. Mɛni ma ŋa ítòli a gɛ́ɛ í m̀ɛnii lɛ́ ḿâ ŋa pɔri gɛ̂i.”

Samia Maa-ŋuŋ 30:6

Deeƃé líi è tòo pôlu a ŋ̀ánaa, kpɛ́ni fêi, ǹûai díkɛ̀ ŋ̀wɛ̂lii dí zɔ̀ɔ a kɔni. Díkelee díkɛ̀ kpɔ́ a dílii ŋwánaa dílônii-sinaai da dílônii-nɛyãai mɛni ma. Kɛ́lɛ Yâwɛɛ, Deeƃé Ŋɔɣâlai è wála-wala tɛ̀ɛ bɔ́.

Samia Maa-ŋuŋ 31:4

Sɔ̂ɔ è mò ŋɔkɔ́ kɔ́-sãai siɣe-nuui ma ǹyɛɛi, “Ḿbaa a íƃoa-sɔkpɔi! Ḿve ŋ̀wɛ̂lii a gɛ́ɛ Felesia-ŋai ŋí dífe Ɣâla kɔ́lɔŋ dí ɣɛ́lɛ maa kúla ŋ́gbonôi dí ḿbaa.” Kɛ́lɛ gɔ-kuluƃai kpîŋ è kɛ̀ yaôi a gɛ́ɛ é bàa. Nya ƃe Sɔ̂ɔ è gbîŋ ŋɔƃóa-sɔkpɔi siɣe é bìlaŋ goi é tóo mɛi.