Kɔleŋtiɛŋ Veerɛi 4:5 - Ŋ̀âla Kɔlɔ Maa Waai

⁵ Kpɛ́ni fêi, kúfe kúa kpîŋ kúmaa-mɛni ƃôi, kɛ́lɛ, kwa Zîsɛ Kôrai maa-mɛni ƃôi a gɛ́ɛ gáa a Kúnuu-namui, kúa kpîŋ kúkaa a káyee-mu-ƃela Zîsɛ maa-mɛni ma.

Kɔleŋtiɛŋ Veerɛi 4:5 ပူးပေါင်းရင်းမြစ်များ

Maafîu 23:8

Kɛ́lɛ, maa fé nɛ̃ɛ ní a gɛɛ dí kátoli a kaamɔ̂ɔ-ŋa. Kpɛ́ni fêi, kásɛŋ-lɛ-nuui káa nɔ́ tɔnɔɔ, kákelee kákɛ ƃò a káa-laa tɔnɔ su-ƃela Ɣâla ŋɛ́i.

Maafîu 3:11

“Ŋa kábatâi kɛ̂i a yá lii-pene mɛni ma. Kɛ́lɛ, ǹúui nyíi gáa pâi ḿbôlui ŋɔwala-wala-laai tɛɛ̂i ŋ́ɔ̂i ma. Ḿaa fé nɛ̃ɛ ní a gɛ́ɛ ŋá ŋɔkpâŋ-kpalii siɣei. A pâi kábatâi kɛ̂i a M̀ɔlêŋ Maa Waai da ŋɔŋ.

Zɔ̂ŋ 7:18

Ǹúui nyii a lòno a gbîŋ-wala-walai a gbɔɔ̂i-folo-laai kɔ̀ri; kɛ́lɛ, ǹúui a ǹúui ŋɔfólo-laai kɔri nyii dɛɛi, gáa a tɔ̃yâ-nuu, ǹyaŋ lɛ́ɛ da kélee fe gbonôi.

Zia-ƃelai Kɛ́-mɛni-ŋai 10:36

Ŋ̀orɛ̂-wooi è dɛ̀ɛ Eezuɛ-ŋai pɔ́ naai, ƃa lii-sêe maa mɛni ƃóɔɔ Zîsɛ Kôrai sarâi, nyíi gáa a Duŋ Lɛ́lɛɛi. Ǹyaa ƃé gáa a núu kélee ǹâmu.

Zia-ƃelai Kɛ́-mɛni-ŋai 2:36

“M̀ɛni ma tɔɔ Eezuɛ lɔii gwaa kélee é gɔ́lɔŋ a tɔ̃yâ a gɛ́ɛ Zîsɛ ŋí ka gbàmo ŋ̀úru su-tíyeŋɔɔ̂i mai, Ɣâla a gɛ́ a Nuu-namu da Kôrai.”

Zia-ƃelai Kɛ́-mɛni-ŋai 5:31

Ɣâla è m̀aa tɛ̀ a ǹáa mii-yee a nuu túɛ-nuu da nuu-ƃalo-nuu, a gɛ́ɛ é gɛ́ Eezuɛ-ƃelai dí dílii pene Ɣâla é dísɔnyɔ̂ŋ-ŋai su mɛni lɛɛ.

Kɔleŋtiɛŋ Maa-ŋuŋ 1:23

Kɛ́lɛ, kwa Kôrai kpamo mɛnii ƃo nyíi gáa a Zûu-ŋai perêi-kpáaŋ-sɛŋ, e ƃò a ƃoo-mɛni Zɛ̃tai-ŋai ŋɛi.

Kɔleŋtiɛŋ Maa-ŋuŋ 10:33

yɛ̂ɛ berei ŋa kɔ̂i la a gɛ́ɛ ŋa núu kélee líi láa ŋ́gɛ-mɛni kélee sui, fa mɛni lɛ́lɛɛ kɔ̀ri ŋ́gbîŋ mɛni ma, kɛ́lɛ, ŋa mɛni lɛ́lɛɛ kɔ̀ri núu támaa mɛni ma a gɛ́ɛ núu támaa dí ƃálo.

Kɔleŋtiɛŋ Maa-ŋuŋ 12:3

Mɛni ma ŋa ǹɛ kâa a gɛ́ɛ núu da fa lôno Ɣâla Ŋɔmɔlêŋ su ǹyɛɛ, “Naɣâŋ káa Zîsɛ ma!” Núu fa téla mò, ǹyɛɛ, “Zîsɛ káa a Kúnuu-namui” fɛ̂ɛ é kɛ́ M̀ɔlêŋ Maa Waai sarâi.

Kɔleŋtiɛŋ Maa-ŋuŋ 15:47

Ǹúui maa-ŋuŋ è kùla ǹɔii su, dí gbɛtɛ a pɔ́rɔ. Ǹúui veerɛi è kùla Ɣâla-taa.

Kɔleŋtiɛŋ Maa-ŋuŋ 2:2

Kpɛ́ni fêi, ŋa gbɛ̀tɛ ŋ́gili ŋá a gɛ́ɛ fé mɛni da kɔlɔŋ kásama é kúla Zîsɛ Kôrai pôlu da kpamo-mɛnii.

Kɔleŋtiɛŋ Maa-ŋuŋ 4:15

Kpɛ́ni fêi, berei máŋ sɛŋ-lɛ-ƃela wála támaa káa la káyêei Kôrai kponôi, kánâŋ-ni dífe tama ni. Kpɛ́ni fêi, ŋá kɛ̀ a kánâŋ Zîsɛ Kôrai kponôi Duŋ Lɛ́lɛɛi sarâi.

Kɔleŋtiɛŋ Maa-ŋuŋ 8:6

É máŋ kɛ́ tí, a kɛ̀ a kúa, Ɣâla tɔnɔ nɔ́ ƃe gáa naa. Ǹyaa ƃa Nàŋ-nuui nyíi sɛŋ kélee è kùla ǹyêei da nyíi kúkaa ɣele ma mɛni mai. Nuu-namu tɔnɔ nɔ́ ƃe gáa naa. Ǹyaa ƃa Zîsɛ Kôrai, nyíi sɛŋ kélee káa ɣele ma zarâi da nyíi kúkaa ɣele ma zarâi.

Kɔleŋtiɛŋ Veerɛi 1:19

Kpɛ́ni fêi, Zîsɛ Kôrai Ɣâla Ǹóŋ nyíi kwa maa-mɛni ƃò kásamâi, kwa Seveenɔ da Temete, ve niî kɛ́ ni a Ooei, kpaa máŋ Kpa. Ooei nɔ́ ƃe a tãi kélee gbonôi.

Kɔleŋtiɛŋ Veerɛi 1:24

Zu-kulai fa kúwala-wala è kɛ́ kálaa-lai mɛi. Kwa káa-ni kwa tíi kɛ̀ kálii-nɛ̃ɛi mɛni ma, kpɛ́ni fêi, kákaa tɔ̂ɔni a gbanaŋɔɔ kálaa-lai su.

Galesiɛŋ 5:13

Kpɛ́ni fêi, ŋánûa, dí kátòli ŋuŋ-ma-ƃo ma. Káfe tíi kɛ̀ nɔ́ a káŋuŋ-ma-ƃoi kákpîŋ-tua-perei ma, kɛ́lɛ, ka tíi kɛ́ la wɛli-kɛ-maa sarâi, ká kɛ́ a kákîe-ni yée-mu-ƃela.

Felepiɛŋ 1:15

Núu da-ni da Kôrai maa-mɛni ƃo a tólo da ŋɔ̃lɛ, kɛ́lɛ, núu kpeli-ŋai da mò a lii-lɛlɛ.

Felepiɛŋ 2:11

a gɛ́ɛ ŋɔ́nɔ la-gbɔ kélee é m̀o a gɛ́ɛ Zîsɛ Kôrai káa a Kúnuu-namui Kúnâŋ-Ɣala ŋɔfólo-laai mɛni ma.

Temete Veerɛi 2:10

Mɛni ma ŋa mɛni-soli káâi diai mɛni ma Ɣâla è dílɛ̀i, a gɛ́ɛ dîa máŋ dí malo-laai sɔlɔ ƃo da ŋwɔlɔ-wɔlɔ folo-laai, nyíi-ŋai da pâ Zîsɛ Kôrai sarâi.

Taitɔ 1:11

Ǹyaŋ fɛ̂ɛ dí maa-ƃelai tí kpera, kpɛ́ni fêi, da pɛ́rɛ-mu-ƃela kélee kɛ̀ wúlee a sɛŋ-lɛ́ɛ nyíi maa fé nɛ̃ɛ ní a gɛɛ dí gɛ́, kɛ́lɛ, da gɛ̀ nɔ́ sɛŋ-kao mɛni mai.

Pitɛ Veerɛi 2:3

Dísɛŋ-wɛlii sú, da pâi káwôyai a lɛ́ɛ-woo-ŋa. Dímɛni-ŋa tée-nuui a gbîŋ kpɛ́tɛ a tãi su kôyaa. Dísu-karai nuui káa niî a ŋ̀ɛi gɛ́ dímaa kpɛ́ŋ.