Kɔleŋtiɛŋ Veerɛi 4:4 - Ŋ̀âla Kɔlɔ Maa Waai

⁴ Diai laa-la fé díyêei ŋ̀éniɛi ŋí su-ɣalai a díkili ŋá tɛ̀i a gɛ́ɛ dífe Kôrai ŋɔfólo-laai maa-tuŋ lɛ́lɛɛi ŋɔkwaa-ponoɔi kàa, nyíi gáa a Ɣâla-pɔkɔɔŋ.

Kɔleŋtiɛŋ Veerɛi 4:4 ပူးပေါင်းရင်းမြစ်များ

Kâloŋ Maa-ŋuŋ 22:22

Yâwɛɛ è m̀arê kɛ̀ ǹyɛɛ, ‘Ƃa pâi gɛ́ pere kɛ̂i léŋ?’ È mò ǹyɛɛi, ‘Ŋa pâi liî ŋá lɛ́ɛ mɛni pú ŋɔɣâla lono kɛ́-ƃelai kélee lá.’ Yâwɛɛ ǹyɛɛi, ‘Ƃa pâi pɔrîi ƃɛlɛ̂i. Lí é gɛ́ tí.’

Wule-woo-ŋa 50:2

Ɣâla ŋɔfólo-laa kɛ́tɛi è kùla Zãiyɔŋ, nyii gáa a daa-lee kɛ́tɛi nyii maa-waai ŋɔlɛ́lɛ laai sui.

Azaya 6:10

È m̀o ḿâ ǹyɛɛi, “Gɛ́ ǹûai ŋí kíli ŋá é pú. Gɛ́ díwoli é tíniŋ, díŋɛi é pú a gɛɛ dífe kwaa kâa, dífe mɛni da mɛ̀ni, dífe mɛni ŋá kàa ma. À kɛ̀ tí, da pâi tínanîi ḿbɔ a gɛɛ ŋá díƃalo.”

Maafîu 13:22

Nyii tòo ŋalêŋ-kpɔlɔi sui, ǹyaa ƃa ŋ̀óoi núu a m̀ɛni, kɛ́lɛ, ŋ̀éniɛi-su kpaaŋ da tɔɔ-laa ŋɔyee-laa-maai dí kpiniŋ là va ƃâi.

Zɔ̂ŋ 1:14

Ǹyaŋ Ŋ̀óoi è kɛ̀ a núu-kpune gɛ́ ƃò kúsama. Kú ŋɔfólo-laai kâa gɛɛ yɛ̂ɛ Nâŋ Ɣâla Ǹóŋ tɔnɔi ŋɔi, ǹáa fɛ́ɛ a tɔ̃yâ da ƃɛlɛ-sêe.

Zɔ̂ŋ 1:18

Núu da kélee fé tá wɔ́lɔ Ɣâla káa ní. Ǹóŋ tɔnɔi nyii gáa Ǹâŋ kɔ̃ɔŋ sui, ǹyaa ƃe a ǹɛ́.

Zɔ̂ŋ 12:31

Ǹɔii ŋɔmɛni-ŋa-teɛɛi a nâa seri, ǹyaŋ da pâi ǹɔii mɛi-nuui kulâi ǹɔii su;

Zɔ̂ŋ 12:35

Zîsɛ e mò dîa, ǹyɛɛi, “Gwaa-ponoɔi káa kákɔlɛ a tãi su kôyaa kuro. Ka sia tãi gwaa-ponoɔi káa káyêei, kpíni fe làa pɛlɛ la kâa; ǹúui a sîa a kpinii, ve ƃɛi kɔ́lɔŋ a liî naai.

Zɔ̂ŋ 12:40

“A díŋɛi pú, a dílii su kpánaŋ, a gɛɛ dífa la kwaa káa la a díŋɛi, dífe lâa mɛni siɣe la dílii su, a gɛɛ dí tinaŋ ḿbɔ-pere a gɛɛ ŋa díƃalo.”

Zɔ̂ŋ 12:45

Ǹúui a ŋ́gaâi, a ǹúui kâai nyii ńdɛ̀ɛi.

Zɔ̂ŋ 14:30

Fe pâi ŋɔ́nɔ lônoi kápɔ a zu kôyaa. Kpɛ́ni fêi, ǹɔii ŋi mɛi-nuui káa pâi. Wala-wala kélee fe ǹyêei ḿɛi;

Zɔ̂ŋ 15:24

Eêi kɛ̀ fé díi kɛ́ ni dísama nyii núu da fe tá gɛ níi, dísɔŋ fei kɛ̀ dîa. Kɛ́lɛ, da nâa díkaa, da ŋ́gbɔara kwa Ńâŋ.

Zɔ̂ŋ 16:11

a pâi ŋɔmɛni-ŋa-teɛɛi lɛ̂i, kpɛ́ni fêi, ǹɔii mɛi-nuui ŋɔmɛnii ŋa teɛɛi.

Zɔ̂ŋ 8:12

Zîsɛ e ŋɔ́nɔ lóno dípɔ, ǹyɛɛi, “Ńyãa ƃa ǹɔii ŋɔkwaa-ponoɔi; ǹúui nyii a pîlaŋ ḿbôlui ve pâi siâi kpinii. Kɛ́lɛ, gwaa-ponoɔ fulu-laai a pâi kɛ̂i ǹyêei.”

Zia-ƃelai Kɛ́-mɛni-ŋai 26:18

a gɛ́ɛ í díŋɛi lá ƃo í díkula kpinîi í pa a dia kwaa-ponoɔ su í díkula Sêtɔŋ ŋɔwála-walai su í pa a dia Ɣâla pɔ, a gɛ́ɛ dí sɔnyɔ̂ŋ su-mɛni-lɛɛ maa sɔlɔ ƃo. A gɛɛ ŋɔ́nɔ dí kwaa ma sɔlɔ ƃo diai sama, nyíi-ŋai dímaa waâi a naa-laai gáa díyêei ḿɛni mai.’

Zia-ƃelai Kɛ́-mɛni-ŋai 26:23

Nya ƃa berei fɛ̂ɛ Kôrai é mɔ̃lɛ lai da berei fɛ̂ɛ é kɛ́ la a ǹúui maa-ŋuŋ e m̀u siɣe saa yêei e kwaa-ponoɔ lɛ́ ǹûai dîa da Zɛ̃tai-ŋai.”

Kɔleŋtiɛŋ Maa-ŋuŋ 10:20

Kpao, ŋa m̀ôi a gɛ́ɛ zãâi diai dífe láa ní a Ɣalai da gùla a salâi, da gùla a sâla nyinaŋ nyɔ́mɔɔ-ŋai dîa, kɛ́lɛ Ɣâla fei. Fé ŋ̀wɛ̂lii a gɛ́ɛ ka nyinaŋ nyɔ́mɔɔ-ŋa ká kɛ́ zu tɔnɔɔ.

Kɔleŋtiɛŋ Veerɛi 2:11

a gɛ́ɛ Sêtɔŋ ŋɔwála-walai fè kɛ̀ kúmɛi; kpɛ́ni fêi, ku ŋɔkili-ŋa-sia nyɔ́mɔɔi kɔ́lɔŋ.

Kɔleŋtiɛŋ Veerɛi 2:12

Tãi ŋá pà la Toroɛ Kôrai ŋɔtuŋ lɛ́lɛɛi ƃó mɛni mai, dí gbôŋ lá ƃò ńduɛ Kúnuu-namui kponôi;

Kɔleŋtiɛŋ Veerɛi 3:11

Kpɛ́ni fêi, à kɛ̀ zɛŋ nyíi tɛɛ̂i è pà a folo-laa, gɛ̀ ní zɛŋ nyíi gáa naa wɔlɔ-wɔlɔ da wɔlɔ-wɔlɔi fɛ̂ɛ folo-laa é kɛ́ ma.

Kɔleŋtiɛŋ Veerɛi 3:14

Kɛ́lɛ, dílii su è kɛ̀ a gbanaŋɔɔ, kpɛ́ni fêi, é séri tãi ŋí ma tãi da gbanaŋ-woo kɛɛ-pɔlɔi lôno lai, ǹúu ŋɛi mɛi pɛlɛ-sɛŋ ti káa nɔ́ niî naa, kpɛ́ni fêi, Kôrai sârai nɔ́ ƃe a kûla la naa.

Kɔleŋtiɛŋ Veerɛi 3:18

Ǹyaŋ kúkelee kúai kúŋɛi mɛi fé pɛlɛ níi, kwa Kúnuu-namui ŋɔfólo-laai kâa, kúmaa a fâleŋ ku kɛ́ yɛ̂ɛ ǹyaa, ku kúla folo-laa-loŋ su, kú píli fólo-laa kɛ́tɛ su. Kpɛ́ni fêi, nyíŋi a kulâi Kúnuu-namu yêei, nyíi gáa a M̀ɔlêŋ.

Kɔleŋtiɛŋ Veerɛi 4:6

Ŋ̀âlai ŋí ƃé m̀o, ǹyɛɛi, “Tɔɔ kwaa-ponoɔ é folo gbínii su,” nyíi a fólo kúlii su a gɛ́ɛ e Ɣâla ŋɔfólo-laai maa-tarei ŋɔkwaa-ponoɔi tɛ́ɛ kúpɔ volo-laai su nyíi gáa Kôrai mai.

Galesiɛŋ 1:4

nyíi gbîŋ tɛ̀ɛ kúsɔnyɔ̂ŋ mɛni ma a gɛ́ɛ é kúkula ŋ̀wana-lɔ̂ɔ ɣeniɛi ŋí su yɛ̂ɛ berei Kúnâŋ Ɣâla ŋɔnîa-mɛnii káa lai;

Ifisiɛŋ 2:2

Ká sia tɔ̂ŋ karaa su da sɔnyɔ̂ŋ a maa-ŋuŋ. Ká kɛ́ ŋ̀éniɛi ŋí su tua-perei pôlu, ká kɛ́ nyînaŋ nyɔ́mɔɔ-ŋai díkâloŋ pôlu, nyíi gáa tíi kɛ̂i diai sama da Ɣâla wóo pìlii.

Ifisiɛŋ 6:12

Kpɛ́ni fêi, kúfe kɔ̂i núu-kpune pɔ, kɛ́lɛ, kúkaa kɔ̂i nuu-mɛi-ƃelai pɔ, nyíi-ŋai díkaa a ŋwála-wala-ƃelai. Díkaa a tãi ŋí su-lɔii kpiniɛi su-nuu tuɛ-ƃela nyɔ́mɔɔ-ŋa, dí ƃo a nyînaŋ nyɔ́mɔɔ-ŋa nyînaŋ nyɔ́mɔɔ-ŋai pɔ taai.

Felepiɛŋ 2:6

Berei máŋ è kɛ̀ la a Ɣâlai, ve kánaŋ ni Ŋɔɣâla-laai ma.

Kolasiɛŋ 1:15

Gáa a Ŋ̀âlai nyíi kúfa gâai bɔkɔɔŋ, gáa a ǹúui maa-ŋuŋ ŋ̀éniɛi su kpɛtɛ-sãai kélee tuɛ.

Kolasiɛŋ 1:27

Ɣâla è gbɛ̀tɛ gíli ŋá a gɛ́ɛ é ǹɛ́ berei noo-mɛnii ŋí ŋɔtɔɔ-laai da ŋɔfólo-laai kɛ́tɛ̂i la Zɛ̃tai-ŋai sama, nyíi gáa a Kôrai kákponôi. Ǹyaa ƃa volo-laai maa-kili-kɛ-zui.

Temete Maa-ŋuŋ 1:11

yɛ̂ɛ berei ǹûa-tɛɛ Ɣalai ŋɔtuŋ lɛ́lɛɛi káa la nyíi folo-laa káa mai, nyíi dí ǹɛɛ ńyêei.

Taitɔ 2:13

Kúkaa ǹíi-nɛ̃ɛ kili-kɛ-zui maa kpɛnii, nyíi gáa a Ŋ̀âla kɛ́tɛi, Zîsɛ Kôrai, pa mɛni fólo-laa su,

Ibulu 1:3

È Ɣâla ŋɔfólo-laai lɛ̀, gɛ ƃo a Ɣâla kɛ́-perei pɔɔ-ŋa nuu. A ǹyée kɛ̀ ŋ̀éniɛi ma a ŋɔwala-wala-wooi. Tãi è núu maa-waa-laa la sɔnyɔ̂ŋ mɛni mai, è sèe Ŋ̀âla kɛ́tɛi láa-mii-yee mɛi Ɣâla-taa.

Ibulu 6:4

Diai kwaa-ponoɔɔ a pá dípɔ a tãi dai, nyíi-ŋai da Ŋ̀âla-taa sama-sɛŋ kɔɔ̂ŋ da kɛ́ a M̀ɔlêŋ Maa Waai sɔlɔ ƃo-ƃelai dai,

Pitɛ Veerɛi 1:19

Nyíŋi a ǹɛ kûa a gɛɛ Ɣâla ŋɔlóno-kɛ-ƃelai díwooi káa a tɔ̃yâ. A pâi kɛ̂i a mɛni lɛ́lɛɛ à kɛ̀ kà káwoli tɔ̀ɔ nyíŋi ma yɛ̂ɛ laŋpo ƃe sonîi kpinii é lɛ́ɛ la zu ɣele é ƃɔ́ ŋele-wala pɛmɛlɛŋ kaoi é kúla kálii su.

Zɔ̂ŋ Maa-ŋuŋ 2:11

Kɛ́lɛ, ǹúui a m̀arâŋ-nuu kpɔ̀arai, gáa gbínii su, gɛ sia gbínii su, vé ƃɛ́i kɔ́lɔŋ a liî naai, kpɛ́ni fêi, gbínii a ŋ̀ɛi pú.

Zɔ̂ŋ Maa-ŋuŋ 2:8

É máŋ kɛ́ tí, ŋa tɔ̂ŋ nina pɔ̃yɛɛ̂i kápɔ naa nyíi gáa a tɔ̃yâ gbonôi da kákponôi, kpɛ́ni fêi, gbínii káa tɛ̂ɛi, dɔ̃yâ-kwaa-ponoɔi kɛ́ nâa fólo.

Zɔ̂ŋ Maa-ŋuŋ 5:19

Kú gɔ̀lɔŋ kúkaa a Ɣâla pɔ́ɔ, ǹɔii kélee káa ŋ̀wana-lɔ̂ɔ-nuui ŋɔwala-walai yée mu.