Kɔleŋtiɛŋ Veerɛi 3:8 - Ŋ̀âla Kɔlɔ Maa Waai

⁸ lé ŋaŋ ƃe folo-laa támaa fa kɛ̂ la M̀ɔlêŋ ŋɔtíi mai?

Kɔleŋtiɛŋ Veerɛi 3:8 ပူးပေါင်းရင်းမြစ်များ

Azaya 11:2

Yâwɛɛ ŋɔmɔlêŋ a pâi kɛ̂i m̀ɛi, dáreɛɛ, gíli ŋá ponoɔɔ nûa mɛi káa pere su. A pâi Yâwɛɛ kɔlɔnîi gɛ́ ƃaa kɛ́-maa tɛ̀ɛ bɔ́.

Azaya 44:3

“Ŋa pâi gɛ̂i tuna é pú, ǹɔii kpâlai é yɔɔ. Ŋa pâi gɛ̂i ya-ɣɛli pɛlɛɛ-ŋa dí láa vɛ̃ɛ-kpâlaŋ-ŋai su. Ŋa pâi Ŋámɔ̂leŋ pûi kálônii kponôi, ŋá lûwa láa dîa.

Azaya 59:21

Ŋa pâi kpanaŋ-woo kɛ̂i káyêei. Ŋa pâi ŋámɔlêŋ tɛɛ̂i kápɔ ŋá ŋásɛŋ-lɛɛi ŋai lɛ́ɛ káyêei wɔ́lɔ-wɔlɔ. É síɣe sâa ma, ka pâi kɛ̂i a ŋ́oo mɛni-ƃela. Ka m̀ɛni-ŋai ŋí lɛ́ kálônii dîa, diaŋ dí ǹɛ́ a gɛ́ɛ dia máŋ da pɔ̂ri kɛ̂i a ŋ́oo mɛni-ƃela é síɣe sâa ma é lí tuɛ-pere.”

Zɔ̂ŋ 1:17

Kpɛ́ni fêi, dí dɔ̂ŋ tɛ̀ɛ Mose sârai, ƃɛlɛ-sêe da tɔ̃yâ è pà Zîsɛ Kôrai sârai.

Zɔ̂ŋ 7:39

E nyiŋi ƃò e pîlaŋ M̀ɔlêŋ ma nyíi diai da làa lai da pâi zɔlɔ ƃôi; kpɛ́ni fêi, dífe niî kɛ̀ M̀ɔlêŋ tɛɛ ni, kpɛ́ni fêi, Zîsɛ ŋɔfólo-laai maa fé kɛ́ ní niî a dɛ́ɛ.

Kɔleŋtiɛŋ Maa-ŋuŋ 3:16

Káfe gɔ́lɔŋ kákaa a Ɣâla ŋɔpɛ́rɛ Ɣâla Ŋɔmɔ̂leŋ kɛ́ ƃò kákponôi?

Kɔleŋtiɛŋ Veerɛi 11:4

Kpɛ́ni fêi, à kɛ̀ núu da à pà é Zîsɛ da kpɛ́ni maa-mɛni ƃó káa é kúla nyíi pôlu kú maa-mɛni ƃò kâa a maa-ŋuŋ, kpaa máŋ kà mɔlêŋ da kpɛ́ni sɔlɔ ƃô é kúla nyíi pôlu ká zɔlɔ ƃô a maa-ŋuŋ, kpaa máŋ kà káyee sèe tuŋ da kpɛ́ni mu é kúla nyíi pôlu ká káyee sèe mu a maa-ŋuŋ, gɛ̀ ní káyee-see-mui a pâi kɛ̂i a nàa fii kpɛ̂ɛ.

Kɔleŋtiɛŋ Veerɛi 3:17

Kúnuu-namui ƃa M̀ɔlêŋ, ǹyaŋ ƃɛi Kúnuu-namui Ŋɔmɔlêŋ káa naai, nàa ƃe ŋuŋ-ma-ƃo káa naa.

Kɔleŋtiɛŋ Veerɛi 3:6

nyíi a kúkɛ kwa gula kɛ́ a gɛ́ɛ ku kɛ́ a kpanaŋ-woo kɛ́ɛ nina mɛi-ƃelai, ve a tɔ̂ŋ nyíi bɔ̃yɛɛ̂i, kɛ́lɛ, a kulâi M̀ɔlêŋ yêei; kpɛ́ni fêi, dɔ̂ŋ nyíi bɔ̃yɛɛ̂i a núu pàa, kɛ́lɛ, M̀ɔlêŋ a fulu-laa tɛ̀ɛ núu pɔ.

Kɔleŋtiɛŋ Veerɛi 3:7

Kɛ́lɛ, à kɛ̀ díi nyíi a pâ a saa nyíi bɔ̃yɛɛ̂i kɔni mai, è pà a folo-laa a gɛ́ɛ Eezuɛ-ŋai dífe pɔ̂ri Mose ŋɛi kâai sii, kpɛ́ni fêi ŋ̀ɛi è kɛ̀ fólôi, nyíi maa-folo-laai è kɛ̀ tɛɛ̂i,

Kɔleŋtiɛŋ Veerɛi 3:9

À kɛ̀ folo-laa è kɛ̀ mɛnii ma a pâ a dɔ̂ŋ pu-mai, ǹɛ́lɛɛ̂i a gɛ́ɛ vólo-laai gáa m̀ɛnii ma a pâ a tɔ̃yâ laa-lai é kɛ́ a ǹɛ́lɛɛ é tɛ́ɛ.

Galesiɛŋ 3:14

a gɛ́ɛ ǹûwai è kɛ̀ Eberaɣɛ̃ɛ ma é kɛ́ Zɛ̃tai-ŋai dîa Zîsɛ Kôrai sarâi a gɛ́ɛ kú M̀ɔlêŋ ŋɔkono-teei sɔlɔ ƃó laa-la sarâi.

Galesiɛŋ 5:5

Kpɛ́ni fêi, kwa tɔ̃yâ laa-la maa-kili kɛ-zui maa kpɛ̂ŋ a laa-la M̀ɔlêŋ sarâi.

Ifisiɛŋ 2:18

Kpɛ́ni fêi, zarâi ƃe Zûu-ŋai da Zɛ̃tai-ŋai da pere kâa naa a gɛ́ɛ dí pa Nàŋ-nuui pɔ kili-ŋa-sia tɔnɔ su.

Tɛsɛlôniɛŋ Veerɛi 2:13

Kɛ́lɛ, ŋánûa, gáa a sɛŋ a gɛ́ɛ fɛ̂ɛ kú sɛɣɛi-fei tɛɛ Ɣâla pɔ́ a ɣele kélee kámɛni ma, káai kákaa a Kúnuu-namui ŋɔwɛli-kɛ-maa ƃelai. Kpɛ́ni fêi, Ɣâla a kálɛ gɔ́ɔ pîlanii a gɛ́ɛ ká ƃálo M̀ɔlêŋ ŋɔmaa-waa-laai sârai da ǹaa-lai gáa káyêei dɔ̃yâi sui.

Pitɛ Maa-ŋuŋ 1:2

nyíi-ŋai Ɣâla Nàŋ-nuui è dílɛ̀ é díkɔlɔŋ a nàa túɛ é dímaa wáa a Mɔlêŋ a gɛɛ dí Zîsɛ Kôrai wóo mɛ́ni ŋɔŋãai é kpɛ́mɛŋ dîa. Ƃɛlɛ-sêe da lii-sêe díkɛ káyêei a damaa.