Kɔleŋtiɛŋ Veerɛi 3:5 - Ŋ̀âla Kɔlɔ Maa Waai

⁵ Zu-kulâi fa a gɛ́ɛ kú gula kɛ́ɛ̂i ƃoɔɔ̂i a gɛ́ɛ ku mɛni kélee da ƃó nyíi a kùla kúkponôi; kɛ́lɛ, kúgula-kɛ-laai a kúla Ɣâla yêei,

Kɔleŋtiɛŋ Veerɛi 3:5 ပူးပေါင်းရင်းမြစ်များ

Zɛnɛse 41:16

Nya ƃe Zosɛ è gâloŋ wóo su tôo ǹyɛɛ mai, “Ńyãa fêi, Ɣâla ƃe pâi zu kulâi yɛ̂ a zãa.”

Kɔlɔnikɔ Veerɛi 30:12

Ɣâla yée è kɛ Zuda-ƃelai pôlu é dí lii kɛ tɔnɔ dí pá galoŋ da ǹaa tii kɛ́ lɔii-ƃelai pɔ́ yɛ̂ɛ berei Yâwɛɛ è mò lai.

Lûu 21:15

kpɛ́ni fêi, ŋa pâi lá-gbɔ da táre tɛɛ̂i kápɔ nyii kákpɔara-ƃelai kélee dífe pâi pɔrîi dítɔɔ kámɛni ma, kpaa máŋ dí kála sîa too.

Lûu 24:49

Ka gáa, ŋa pâi dɛɛ̂i kápɔ naa nyii Ńâŋ a gono tée lai, kɛ́lɛ, ka lɛɛ daai su e lɛɛ zu kámaa e ɣiri a wala-wala nyii kulâi ŋelei su póŋ-póŋ.”

Zɔ̂ŋ 15:5

“Ńyãa ƃa gbɔmɔi, káa ƃa ŋoŋo-ŋai. Ǹúui à kɛ́ ŋ́gbonôi, ǹyaŋ ŋ́gɛ ƃò gbonôi, ǹyaa ƃe a ƃâ a dámaa. Kpɛ́ni fêi, é kúla ḿbôlu, káfa pɔ̂ri mɛni da kélee kɛ̂i.

Lomaŋ 15:18

Kpɛ́ni fêi, fe pâi kɔ̂i a gɛ́ɛ ŋá lóno e pîlaŋ mɛni da kpɛni ma, kɛ́lɛ, fɛ́ɛ nɔ́ mɛni-ŋai Kôrai a gɛ́ ńzârai a gɛ́ɛ ŋá pá a Zɛ̃tai-ŋai woo-mɛni su ńono-woo su da ńdûa-pere,

Kɔleŋtiɛŋ Maa-ŋuŋ 15:10

Kɛ́lɛ, Ɣâla ŋɔƃɛlɛ-sêei su, ŋ́gaa yɛ̂ɛ berei ŋ́gaa lai, ǹyaŋ ŋɔƃɛlɛ-sêei gáa ḿɛni mai vé kɛ́ ní kpɛ́ni-kpɛni. Kɛ́lɛ, ŋá tíi támaa kɛ̀ é tɛ́ɛ díkelee dîa, berei máŋ la ńyãa fé gɛ níi, kɛ́lɛ, Ɣâla ŋɔƃɛlɛ-sêei ƃe gɛ, nyíi gáa ḿbôlui.

Kɔleŋtiɛŋ Maa-ŋuŋ 3:10

Yɛ̂ɛ berei m̀ɛlɛ-seei káa la nyíi Ɣâla e dɛ̀ɛ ḿbɔ yɛ̂ɛ pɛrɛ-tɔɔ-nuu táreɛɛ̂i, ŋá bɛ́rɛi pìlaŋ, núu da kpɛni káa dɔɔ̂i. Tɔɔ núu kélee e mɛi káa a berei a bɛ́rɛi tɔɔ̂i lai.

Kɔleŋtiɛŋ Maa-ŋuŋ 3:6

Ŋá sí-sɛŋ sì. Apolo é yá pù ma. Kɛ́lɛ, Ɣâla ƃe gɛ̀ é ƃɔlɔ.

Kɔleŋtiɛŋ Veerɛi 12:9

Kɛ́lɛ, è mò mâ, ǹyɛɛi, “Ŋáƃɛlɛ-sêei ŋɔ ƃé yâ ŋwɛlii. Kpɛ́ni fêi, ŋáwala-walai maa waâi fii-kpɛɛ su.” Mɛni ma lii-nɛ̃ɛ kɛ́tɛ su ŋa pâi yoŋka teêi ŋáfii-kpɛɛ-ŋai su a gɛ́ɛ Kôrai ŋɔwála-walai é kɛ́ ḿɛi.

Kɔleŋtiɛŋ Veerɛi 2:16

Kúkaa a wuru-ya kúŋ nɛ̃ɛ é síɣe saa ma é tóo saa ma ǹúui da-ni mɛni ma. Kúkaa a wuru-ya kúŋ-nɛ̃ɛ é síɣe fulu-laa ma é tóo fulu-laa ma ǹúui kpeli-ŋai mɛni ma. Gbɛ̂ɛ ƃe gbɛtɛɛ̂i mɛni-ŋai ŋí mɛni mai?

Kɔleŋtiɛŋ Veerɛi 4:7

Kɛ́lɛ, dɔɔ-sɛŋ ŋí káa kúyêei pɔrɔ-leɣi su, nyíi a nɛ̀ a gɛ́ɛ ŋwála-wala su-kɛ́tɛi ŋí fa kûla kúyêei, kɛ́lɛ, a kûla Ɣâla yêei.

Felepiɛŋ 2:13

Kpɛ́ni fêi, Ɣâla káa tíi kɛ̂i kákponôi a gɛ́ɛ ká ŋɔnîa-mɛnii kɛ́ ká tíi kɛ́ ŋɔnîa-mɛni lɛ́lɛɛi mɛni ma.

Felepiɛŋ 4:13

Ŋa pɔ̂ri mɛni kélee kɛ̂i gbonôi nyíi a ŋ́gbonoi kpanaŋ.

Temete Veerɛi 2:2

da nyíi í mɛ̀ni é kúla ńa sere támaa ŋɛ́i, ǹɛɛ ǹúu sã́a-ŋai yêei nyíi-ŋai da pɔ̂ri máŋ ǹɛ̂i nûa dîai.

Zĩi 1:17

Sama-sɛŋ lɛ́lɛɛ kélee da sama-sɛŋ maa waa kélee da kûla kúmɛi-pere, nyíi-ŋai da pâ kúpɔ dí kúla Ɣâla yêei, nyíi gáa a gwaa-ponoɔɔ-ŋai kélee Dínâŋ. Maa fa fâleŋ. Ŋɔkwaa-ponoɔi ninîŋ fé ma.