Kɔleŋtiɛŋ Veerɛi 3:3 - Ŋ̀âla Kɔlɔ Maa Waai

³ Ka nɛ̀ a gɛ́ɛ ká káa a kɔlɔ nyíi kùla Kôrai yêei kú dɛɛi. Gɔlɔi ŋí fé pɔ̃yɛ ní a kɔlɔ-ya, kɛ́lɛ, bɔ̃yɛɛ̂i a vúlu-laa Ɣalai Ŋɔmɔ̂leŋ, vé pɔ̃yɛ ní kɔni-ƃêla ma, kɛ́lɛ, bɔ̃yɛɛ̂i núu-kpune líi su.

Kɔleŋtiɛŋ Veerɛi 3:3 ပူးပေါင်းရင်းမြစ်များ

Wule-woo-ŋa 40:8

Óo Ŋáɣâlai, ŋá ŋ̀wɛ̂lii ŋá ínîa mɛni kɛ́. M̀ɛnii ya ǹɛ ḿâi fa nîa da ma. Ŋa gélee lâai kɛ̀ ŋ́gili ŋá.”

Wule-woo-ŋa 42:2

Gɛ̀-ɣele ma Ɣalai, ímaa mɛ̂ni gbáaŋ káa ḿâ. Lé ɣele ƃé ŋa pâi ŋ́ɛi lâai la yâi?

Wule-woo-ŋa 84:2

Ŋa ŋ̀wɛ̂lii nɔ́ ŋ́gɛ ƃò m̀u. Yâwɛɛ Ŋɔpɛ́rɛ Kɛ́tɛi maa mɛ̂ni káa ńii su a ŋ̀ánaa. Ŋà kɛ̀ naa, ŋa kɛ̂ wule toôi ŋ́gɛ koi-nɛ̃ɛ kùla, gɛ-ɣele ma Ɣalai mɛni ma.

Ɛsedɔ 24:12

Yâwɛɛ è mò Mose ma ǹyɛɛi, “Tɛ́ ḿbɔ naa ǹyéei ma í maa kpɛ́ŋ naa. Ŋa pâi kɔni-ƃela-ŋa tɛɛ̂i ípɔ nyii-ŋai ŋá dɔ̂ŋ-ŋai pɔ̃yɛ dîa ǹûai téniŋ tɔɔ-mɛni mai.”

Ɛsedɔ 31:18

Yâwɛɛ kpɛɛ a lónoɔɔ Mose pɔ́ Sana Yeei mai, è gili-too-ŋa kɔni-ƃela feerɛi tɛ̀ɛ bɔ́, nyii-ŋai ǹyaa Ɣâla è mɛi-ŋai pɔ̃yɛ dîa a ǹyée-gbuai.

Ɛsedɔ 32:15

Nya ƃe Mose è tìnaŋ é yéŋ ǹyéei kwára a gɔni-ƃela feerɛi nyii-ŋai kɛ̀ a bɔ̃yɛɛ gwaa feerɛ mai.

Ɛsedɔ 34:1

Yâwɛɛ è mò Mose ma ǹyɛɛi, “Kɔni-ƃela feerɛ sáa yɛ̂ɛ berei maa-ŋuŋ-ŋai dí kɛ̀ lai. Ŋ̀óo-ŋai kɛ́ maa-ŋuŋ-ŋai dîa nyii ŋai í díwôloi, ŋa pâi bɔ̃yɛɛi dîa.

Táre-woo-ŋa 3:3

Ífe nɛ̀ɛ naa wɛli-kɛ-maa da sã́a-laa dí kúla íyêei. Dí tóo íkɔŋ ma, í dípɔ̃yɛ ílii su.

Táre-woo-ŋa 7:3

Ŋásɛŋ-lɛɛi lɔ́ ílii su yɛ̂ɛ yée ma gbono, í dípɔ̃yɛ ílii su.

Zɛlemaya 10:10

Kɛ́lɛ, Yâwɛɛ ƃa dɔ̃yâ Ɣâlai. Ǹyaa ƃé gáa a gɛ̀-ɣele-ma Ɣalai da ŋ̀ɔlɔ-wɔ́lɔ Kaloŋ. A ńii ŋwàna, ǹɔii a pû zu. Lɔii-ŋuŋ da fa pɔ̂ri tɔɔ̂i ŋɔlii ŋwânai ŋɛ́i túɛ.

Zɛlemaya 17:1

Yâwɛɛ è mò ǹyɛɛi, “Zuda-ƃela, da ká sɔnyɔ̂ŋ pɔ̃yɛ kákili ŋá a kɔlɔ-pɔ̃yɛɛ-sɛŋ nyíi gáa a kɔli, ǹyíŋ kɛ́ ƃò a damaŋ. Dí kásɔnyɔ̂ŋ pɔ̃̀yɛ káɣâla-teƃele-ŋai sônoŋ-su.

Zɛlemaya 31:33

Bere ƃé gbanaŋ-woo ninai a pâi kɛ̂i la: Ŋa pâi ŋá tɔ̂ŋ pûi díkili ŋá, ŋá bɔ̃yɛ dí líi su. Ŋa pâi kɛ̂i a Díɣâlai, dí kɛ́ ƃò a ŋánûa.

Izikiɛ 11:19

À kɛ̀ tí, ŋa pâi kili-ŋa sia nina kɛ̂i dîa, ŋa mɔ̃leŋ-nina tɛɛ dípɔ. Ŋa pâi lìi-su kpanaŋ-ŋai kulâi díyêei, ŋa wòo mɛ̂ni-lii tɛɛ dípɔ.

Danîa 6:26

Ŋa dɛɛ̂i ŋákâloŋ lɔii-kpiniŋ su gwaa kélee a gɛɛ núu kélee é yao Danîa Ŋɔɣâlai ma é ŋumɛ-mâa tɛ́ɛ bɔ́. Ǹyaa ƃa Gɛ-ɣele-ma Ɣalai. Gáa naa wɔ́lɔ-wɔlɔ da wɔ́lɔ-wɔlɔ. Núu da fa pɔ̂ri ŋɔkâloŋ-laai su karâi. Ŋɔkɛ-mɛi-laai kóyaŋ fé ma.

Maafîu 16:16

Samaŋ Pitɛ è ŋ̀óo su tòo, ǹyɛɛi, “Íkaa a Kôrai, nyii gáa a Vulu-laa-ɣalai Ǹóŋ.”

Kɔleŋtiɛŋ Maa-ŋuŋ 3:5

Gbɛ̂ɛ ŋaŋ ƃa Apolo? Gbɛ̂ɛ ƃa Pɔ̂ɔ? Díkaa nɔ́ a yée-mu-ƃela nyíi-ŋai kálaa-la sɔlɔ ƃô dísârai, yɛ̂ɛ berei Kúnuu-namui e tíi tɛɛ la dípɔ tɛi-tɛi.

Kɔleŋtiɛŋ Veerɛi 3:6

nyíi a kúkɛ kwa gula kɛ́ a gɛ́ɛ ku kɛ́ a kpanaŋ-woo kɛ́ɛ nina mɛi-ƃelai, ve a tɔ̂ŋ nyíi bɔ̃yɛɛ̂i, kɛ́lɛ, a kulâi M̀ɔlêŋ yêei; kpɛ́ni fêi, dɔ̂ŋ nyíi bɔ̃yɛɛ̂i a núu pàa, kɛ́lɛ, M̀ɔlêŋ a fulu-laa tɛ̀ɛ núu pɔ.

Kɔleŋtiɛŋ Veerɛi 3:7

Kɛ́lɛ, à kɛ̀ díi nyíi a pâ a saa nyíi bɔ̃yɛɛ̂i kɔni mai, è pà a folo-laa a gɛ́ɛ Eezuɛ-ŋai dífe pɔ̂ri Mose ŋɛi kâai sii, kpɛ́ni fêi ŋ̀ɛi è kɛ̀ fólôi, nyíi maa-folo-laai è kɛ̀ tɛɛ̂i,

Kɔleŋtiɛŋ Veerɛi 6:16

Lé mɛni kpɛ́tɛɛ ƃe Ŋ̀âla-pɛrɛ kɛ́tɛi da ɣâla-pɔkɔɔŋ-ŋa da pɔ̂ri gɛ̂i? Kpɛ́ni fêi, kúa ƃa vulu-laa-Ɣalai ŋɔpɛ́rɛ kɛ́tɛi, yɛ̂ɛ berei Ɣâla è mò lai, “Ŋa pâi kɛ̂i díkponôi ŋá sía dísama, ŋa pâi kɛ̂i a Díɣâla, dí ƃo a ŋánûa.

Tɛsɛlôniɛŋ Maa-ŋuŋ 1:9

Kpɛ́ni fêi, berei ka káyee sèe la kúmu a ǹɛ́lɛɛi dia kpîŋ dí m̀ɛni ƃò da berei ka káyee kùla la ɣâla-pɔkɔɔŋ-ŋa maa-mɛni su ká tinaŋ dɔ̃yâ-Ɣalai da vulu-laa-Ɣalai pɔ́pere a gɛ́ɛ ka tíi kɛ́ mì,

Ibulu 10:16

“Gbanaŋ-wooi ká ŋí ŋa pâi gɛ̂i Eezuɛ-ŋai yêei ŋele-ŋai tí pôlu mai, Nuu-namui ƃe mò tí, ŋa pâi ŋátɔ̂ŋ-ŋai pûi dílii su, ŋá dípɔ̃yɛ̂ díkili-ŋa.”

Ibulu 8:10

Nuu-namui è mò a gɛɛ Gbanaŋ-wooi ká ŋí ŋa pâi gɛ̂i Eezuɛ-ŋai yêei ŋ̀ele-ŋai tí pôlu mai. Ŋa pâi ŋátɔ̂ŋ-ŋai pûi díkili ŋá, ŋá dípɔ̃yɛ̂ dílii su, ŋá kɛ́ a Díɣâla, díyaŋ dí kɛ́ a ŋánûa.

Ibulu 9:14

Kôrai, nyíi maa waai è gbîŋ tɛ̀ɛ Ɣâla pɔ Ŋwɔlɔ-wɔlɔ Mɔlêŋ sarâi, ŋɔŋãai a pâi kálii maa waai a ǹɛ́lɛɛ é tée nyíti ma é kákula kátûa-pere nyɔŋ pɔlɔ-ŋai sú a gɛɛ ka tíi kɛ́ Gɛ-ɣele-ma Ɣâlai mi.

Zasua 3:10

Ǹyɛɛ dîai, ‘É síɣe sâa ma ka pâi gɔ́lɔnîi a gɛ́ɛ gɛ-ɣele-ma Ɣalai káa kásama, ǹyaŋ vé pâi fɛɣɛ̂i Keena-ŋai, Ita-ŋai, Iva-ŋai, Pɛriza-ŋai, Gɛgasi-ŋai Amɔra-ŋai da Zɛbusi-ŋai kpɛ̂i kátuɛ.

M̀ɛni-lɛɛi 2:1

“Ŋ̀óo-ŋai ŋí pɔ̃yɛ Ɛfesɛ Kôrai-toli-kpɔŋ ŋɔkélai pɔ́naa. ‘Ǹúui bɛmɛlɛŋ-kao lɔ́ɔlu mɛi feerɛi káa ǹáa-mii-yee ŋái, nyíi siâi gôo-laŋpo see-sɛŋ lɔ́ɔlu mɛi feerɛi samai ŋ̀óo ká ŋí.

M̀ɛni-lɛɛi 2:12

“Ŋ̀óo-ŋai ŋí pɔ̃yɛ Kôrai-toli-kpɔŋ gáa Pɛgamɔŋ ŋɔkélai pɔ́naa. ‘Ǹúui m̀óa-sɔkpɔ ŋá kɛ́ɛ gwaa feerɛ mai káa ǹyêei, ŋ̀óo ká ŋí.

M̀ɛni-lɛɛi 2:18

“Ŋ̀óo-ŋai ŋí pɔ̃yɛ Kôrai-toli-kpɔŋ gáa Tayatirai ŋɔkélai pɔ́naa. ‘Ɣâla Ǹóŋ nyíi ŋ̀ɛi káa yɛ̂ɛ ŋɔŋ-leŋ, gɔ́ɔ kɛ́ ƃò yɛ̂ɛ ƃara-foloɔɔi, wóo-ŋai ká ŋí.

M̀ɛni-lɛɛi 2:8

“Ŋ̀óo-ŋai ŋí pɔ̃yɛ Kôrai-toli-kpɔŋ gáa Simɛnai ŋɔkélai pɔ́naa. ‘Ǹúui gáa a maa-ŋuŋ da gbɛɛ ŋái nyíi sàa é pá pôlu fúlu-laa sui, wóo ká ŋí.

M̀ɛni-lɛɛi 3:1

“Ŋ̀óo-ŋai pɔ̃yɛ Kôrai-toli-kpɔŋ gáa Saadii ŋɔkélai pɔ́naa: ‘Núui Ɣâla ŋɔmɔlêŋ lɔ́ɔlu mɛi féerɛi káa ǹyêei da bɛmɛlɛŋ-kao lɔ́ɔlu mɛi feerɛi ŋɔwóo-ŋai ká ŋí. “ ‘Ŋá ítii-ŋai kɔ́lɔŋ. Íkɛɛ-ɣele-ma maa-laa káa nɔ yâ, ǹyaŋ í saa.

M̀ɛni-lɛɛi 3:14

“Ŋ̀óo-ŋai ŋí pɔ̃yɛ Kôrai-toli-kpɔŋ gáa Leodisiɛi ŋɔkélai pɔ́naa: ‘É kɛ́ tí, nyíi gáa a dɔ̃yâ-sere-faa kɛ-nuu sã́ai, nyíi gáa a Ɣâla ŋɔsɛŋ-kpɛtɛɛi kɔ́ɔ-pîlanii wóo ká ni.

M̀ɛni-lɛɛi 3:22

Ǹúui wóli káa ma a gɛɛ é mɛni mɛnii, tɔɔ é m̀ɛnii mɛni Mɔlêŋ a m̀ôi Kôrai-toli-kpɔŋ ŋai dîai.’ ”

M̀ɛni-lɛɛi 3:7

“Ŋ̀óo-ŋai ŋí pɔ̃yɛ Kôrai-toli-kpɔŋ gáa Feledɛfiai ŋɔkélai pɔ́naa: ‘Dɔ̃yâ-nuu maa waai, nyíi Deeƃé ŋɔkîi káa ǹyêei, nyíi a gbôŋ lá ƃò núu fé naa é ǹá tɛ́i, nyíi a gbôŋ lá tɛ̀ núu fé naa é ǹá ƃói, wóo ká ŋí.

Samia Maa-ŋuŋ 17:26

Deeƃé è gɔ-kuluƃa-ŋai kɛ̀ tɔɔni gɔlɛi m̀arê kɛ̀ ǹyɛɛi, “Lé ƃé núu a pâi zɔlɔ ƃôi a kɛ̀ a Felesia nuui ŋí pàa é kpéra kúnûai larânii? Felesia naloŋ kpɛ́ni-kpɛnii tí. Vé fúlɔi máŋ kpɛtɛ ní. A gbîŋ kâai yɛ̂ɛ gbɛ̂ɛ a pɔri kɛ̂i Ɣâla ŋɔkɔ́ kɔ́-ƃelai maa fooi!”