Kɔleŋtiɛŋ Veerɛi 3:1 - Ŋ̀âla Kɔlɔ Maa Waai

¹ Kwa pá pɛlɛ̂i kúkpîŋ lɛ́ɛ ma ŋɔ́nɔ? Kpaa fɛ̂ɛ kú kɔlɔ tɛɛ kápɔ kúlɛ mɛni ma, yɛ̂ɛ berei núu da-ni da gɛ̀ lai, kpaa máŋ fɛ̂ɛ kú kɔlɔ kúla káyêei?

Kɔleŋtiɛŋ Veerɛi 3:1 ပူးပေါင်းရင်းမြစ်များ

Zia-ƃelai Kɛ́-mɛni-ŋai 18:27

Apolo kɛ́ɛ kɛ̀ ŋ̀wɛ̂lii a gɛ́ɛ é tɛ́ɛ naa é lí Ɛkeyai, m̀arâai dí vɔrɔ-woo ƃo dí kɔlɔ pɔ̃yɛ Zîsɛ ŋɔpôlu-ƃelai pɔ́ naa kɛ̀ naai, a gɛ́ɛ dí díyee see mu a ǹɛ́lɛɛ. Zeriɛ́ɛ naai, è kpɔ̀ŋ dîa a dámaa diai laa-la è kɛ̀ díyêei Ɣâla ŋɔƃɛlɛ-seei sârai.

Lomaŋ 16:1

Ŋa kúsaaƃɔlɔ Fiibii lɛ̂i kâa, nyíi gáa a díkɛŋ Sɛŋkulia Korai-toli-kpɔŋ sui,

Kɔleŋtiɛŋ Maa-ŋuŋ 10:33

yɛ̂ɛ berei ŋa kɔ̂i la a gɛ́ɛ ŋa núu kélee líi láa ŋ́gɛ-mɛni kélee sui, fa mɛni lɛ́lɛɛ kɔ̀ri ŋ́gbîŋ mɛni ma, kɛ́lɛ, ŋa mɛni lɛ́lɛɛ kɔ̀ri núu támaa mɛni ma a gɛ́ɛ núu támaa dí ƃálo.

Kɔleŋtiɛŋ Maa-ŋuŋ 16:3

Ŋà pà, diai ká dílɛ̀i ŋa pâi kɔlɔ tɛɛ̂i dípɔ a gɛ́ɛ dí li a kásama-sɛŋ Zerusâlɛŋ.

Kɔleŋtiɛŋ Maa-ŋuŋ 3:10

Yɛ̂ɛ berei m̀ɛlɛ-seei káa la nyíi Ɣâla e dɛ̀ɛ ḿbɔ yɛ̂ɛ pɛrɛ-tɔɔ-nuu táreɛɛ̂i, ŋá bɛ́rɛi pìlaŋ, núu da kpɛni káa dɔɔ̂i. Tɔɔ núu kélee e mɛi káa a berei a bɛ́rɛi tɔɔ̂i lai.

Kɔleŋtiɛŋ Maa-ŋuŋ 4:15

Kpɛ́ni fêi, berei máŋ sɛŋ-lɛ-ƃela wála támaa káa la káyêei Kôrai kponôi, kánâŋ-ni dífe tama ni. Kpɛ́ni fêi, ŋá kɛ̀ a kánâŋ Zîsɛ Kôrai kponôi Duŋ Lɛ́lɛɛi sarâi.

Kɔleŋtiɛŋ Veerɛi 10:12

Zu-kulâi fa a gɛ́ɛ kwa ŋ̀wɛ̂lii kú kɛ́ diai sama, kpaa máŋ, kú kúkɔɔ̂ŋ diai dîa da díkpîŋ lɛ̀i. Kɛ́lɛ, à kɛ̀ da díkɔɔ̂ŋ díkîe-ni dîa, gɛ̀ ní mɛni-ŋa-kaa fé díyêei.

Kɔleŋtiɛŋ Veerɛi 10:18

Kpɛ́ni fêi, ǹúui Kúnuu-namui a ǹyée sèe mui va gbîŋ lɛ̀, kɛ́lɛ, Kúnuu-namui ƃa maa-nuui lɛ̂.

Kɔleŋtiɛŋ Veerɛi 10:8

Kpɛ́ni fêi, à kɛ̀ máŋ ŋà yoŋka támaa tèe kúwala-walai mɛni ma, nyíi Kúnuu-namui è dɛ̀ɛ kúpɔ a gɛ́ɛ kú kátɔɔ lai, ǹyaŋ kasu-kara-mɛni fei, gɛ̀ ní ŋumɛ fé pâi ŋ́gɛ̂i.

Kɔleŋtiɛŋ Veerɛi 12:11

Ŋá ŋ́gbîŋ kùla a ƃoo-nuu! Kɛ́lɛ, káa ƃe ŋ́gɛ ŋá gɛ́ ti, kpɛ́ni fêi, káa ƃêi pɔ̂ri ńɛ̂i. Kpɛ́ni fêi, fé a núu-doo-mu pere sii kélee da su zia-ƃelai ŋí sama nyíi-ŋai da díkpîŋ kɛ́tɛ̂i, berei máŋ ŋ́gaa la nɔ́ kpɛ́ni-kpɛnii.

Kɔleŋtiɛŋ Veerɛi 12:19

Ká kɛ̀ kákili ŋa siâi a tãi kélee a gɛ́ɛ kú kɛ̀ kúkpîŋ maa kɔ̃ɔ̂i káŋɛi? Ŋáwɛli-kɛ-maa-ƃelai, kú kɛ̀ lônoi Kôrai kponôi Ɣâla ŋɛi, ǹyaŋ nyíŋi kélee káa nɔ́ káƃɔlɔ mɛni ma.

Kɔleŋtiɛŋ Veerɛi 2:17

Kpɛ́ni fêi, kúfe yɛ̂ɛ núu támaa nyíi-ŋai da Ɣâla ŋɔwóoi kàrai; kɛ́lɛ, kúkaa yɛ̂ɛ ǹûai díkaa a tɔ̃yâ-ƃela, Ɣâla a dímaa wáa ŋɔtíi mɛni ma, kwa lôno Kôrai kponôi Ɣâla ŋɛi.

Kɔleŋtiɛŋ Veerɛi 5:12

Kúfe kúkpîŋ lɛ̂i káa ŋɔ́nɔ, kɛ́lɛ, kúkaa sâpo lɛ̂i káa a gɛ́ɛ kálii é nɛ̃ɛ kúmɛni ma a gɛ́ɛ diai da yoŋka tèe núu-tɔɔi mɛni ma, kɛ́lɛ, dífa yoŋka tèe núu líi mɛni mai, pɔ̂ri é kɛ́ káa a gɛ́ɛ ká dímarê-kɛɛi su kula.