Kɔleŋtiɛŋ Veerɛi 2:4 - Ŋ̀âla Kɔlɔ Maa Waai

⁴ Kpɛ́ni fêi, ŋá kɔlɔ pɔ̃yɛ kápɔ naa mɛni-kpɔ̂lu támaa su da lii-too pôlu támaa é pɛ́lɛ ŋɛi-ya ma. Fé gɛ̀ ní a gɛ́ɛ ŋa kálii tôo pôlu, kɛ́lɛ, ŋá gɛ̀ a gɛ́ɛ ká ŋwɛli-kɛ-maa kɛ́tɛi kɔ́lɔŋ gáa ńyêei kámɛni ma.

Kɔleŋtiɛŋ Veerɛi 2:4 ပူးပေါင်းရင်းမြစ်များ

Wule-woo-ŋa 119:136

Ŋa wɔ̂lɔi kpɔ́ a ŋánaa, kpɛ́ni fêi ǹûai dífa díwoli tɔ̀ɔ ítɔ̂ŋ-ŋai dîa.

Kɔleŋtiɛŋ Veerɛi 11:2

Ɣâla-tolo káa ńii su kámɛni ma, kpɛ́ni fêi, ŋá kátɛ̀ɛ Kôrai pɔ́ a gɛ́ɛ ŋá ká lɛ́ yɛ̂ɛ núu à kɛ̀ nɛnî maa-waa tɛɛ̂i ŋɔsurɔ̂ŋ pɔ́ nyíi gɔli-kao lai.

Kɔleŋtiɛŋ Veerɛi 12:15

Ŋa pâi ńyee ŋá-sɛŋ kélee kɔlɛɛ̂i a lii-nɛ̃ɛ ŋá ŋ́gbîŋ kɔlɛ kámɔlêŋ mɛni ma. À kɛ̀ wɛli-kɛ-maa támaa káa ńyêei kámɛni ma, wɛli-kɛ-maa-loŋ a pâi kɛ̂i káyêei ḿɛni ma?

Kɔleŋtiɛŋ Veerɛi 2:9

Nyíŋi mɛni ƃe ŋá kɔlɔ pɔ̃yɛ la kâa ŋa kasu kɔɔ̂ŋ a gɛ́ɛ ŋá gɔ́lɔŋ à kɛ̀ woo-mɛni káa káyêei mɛni kélee su.

Kɔleŋtiɛŋ Veerɛi 7:12

Berei máŋ ŋá kɔlɔ pɔ̃yɛ la kápɔ naai, fé kɔlɔ pɔ̃yɛ ní nɔ́ ǹúui mɛni karai mɛ̂ni m̀a, kpaa máŋ, fé kɔlɔ pɔ̃yɛ ní nɔ́ ǹúui dí ŋɔmɛni karai mɛ̂ni mâ, kɛ́lɛ, ŋá gɔlɔi pɔ̃̀yɛ a gɛ́ɛ ŋwɛli-kɛ-maai gáa káyêei kúmɛni mai é lɛ́ kâa Ɣâla ŋɛi.

Felepiɛŋ 3:18

Kpɛ́ni fêi, núu támaa káa naa ŋa wɔ́lɔ dímaa-mɛni ƃó kâa a tãi támaa, ŋ́gaa nâa m̀ôi kâa wɔlɔ-woo su a gɛ́ɛ díkaa a Kôrai ŋɔsaa-wurui kpɔara-ƃela.