Kɔleŋtiɛŋ Veerɛi 12:2 - Ŋ̀âla Kɔlɔ Maa Waai

² Ŋa núu tɔnɔ kɔ́lɔŋ Kôrai kponôi nyíi tɛ Ɣâla-taa kóraŋ puu kao náaŋ pôlu mái, fé gɔ́lɔŋ à kɛ̀ gbono ƃé kɛ̀ la kpaa máŋ ŋɔmɔlêŋ, Ɣâla ƃe gɔ́lɔŋ.

Kɔleŋtiɛŋ Veerɛi 12:2 ပူးပေါင်းရင်းမြစ်များ

Kâloŋ Maa-ŋuŋ 18:12

Ŋà kùla íkɔlɛ fé ƃɛ́i kɔ́lɔŋ Yâwɛɛ ŋɔmɔ̂leŋ a pâi liî naa a ƃíai. À kɛ̀ ŋà lì ŋà mò Eɣa ma à pà a wàla íkaa, a pâi ḿbaâi. Ŋa ŋ̀wɛ̂lii í gɔ́lɔŋ a gɛ́ɛ, ńyãai a íyee mu-nuui ŋa Yâwɛɛ fɛ̀li é síɣe ŋá núu tɔɔ tãi ma.

Kâloŋ Maa-ŋuŋ 8:27

“Kɛ́lɛ Ɣâla a pâi ŋɔkɛ-naai kɛ̂i ŋ̀éniɛi su? Ɣâla-taa nyíi gáa ɣelêi-pere póŋ-poŋ, fa pɔri íkɛtɛ-laai mu. Gɛ̀ ní ǹyaŋ Ŋ̀âla-pɛrɛ Kɛ́tɛi ŋí ŋa dɔ̀ɔi ya pâi pɔrîi léŋ mu?

Kâloŋ Veerɛi 2:16

Dí mò ma dîyɛɛi, “Ƃɛ́ káa, kúai a íyee mu-ƃelai, kponoi kpânaŋ-ƃela buu lɔ́ɔlu díkaa kúyêei. Ǹɛɛ naa dí lí dí ínuu-namui kɔ́ri. Tãi da Yâwɛɛ Ŋɔmɔ̂leŋ è zìɣe é zee ǹyée-ŋai da tôŋ su kpaa máŋ diŋ-tiŋ-ŋai da su.” Ilasa è zu tòo ǹyɛɛi, “Kpao, káfe dí tɛ̀ɛ.”

Wule-woo-ŋa 148:4

Káai kélee ŋ̀elei su-pere póŋ-poŋ, ka ǹáa maa tɛ́. Káai a ǹyá-ŋai ŋ̀elei su-mɛi perei, ka ǹáa maa tɛ́.

Azaya 57:15

“Ŋ́gaa a Ŋ̀âlai nyíi dɛ̂ɛi ɣelêi wɔ́lɔ-wɔlɔ da wɔ́lɔ-wɔlɔi, nyíi ǹáa maa waai. Ŋ́gaa ɣele ma wɔ́lɔ-wɔlɔ da wɔlɔ-wɔlɔ. Ŋ́gɛ̂i káa ŋ̀elêi su póŋ-poŋ gwaa maa waai ma. Kɛ́lɛ ŋ́gaa diai sáma dímaa yeŋɔɔ̂i, díkɛ dílii maa fâleŋ a gɛ́ɛ ŋá dílaa-laai, da díkili-kɛ-zui su-kpanaŋ.

Izikiɛ 11:24

Nya ƃe Ɣâla ŋɔmɔ̂leŋ è ńzìɣe zĩ̂ai su é pá a ńyãa gɔ-sôŋ-ŋai pɔ naa Babelɔŋ. Gɛɛ tii, zĩ̂ai ŋa gaai è nâa kula ŋ̀ɛi.

Izikiɛ 43:5

Nya ƃe Yâwɛɛ ŋɔmɔ̂leŋ è ńziɣe é lɔ́ a ńyãa ziɣãŋ su-pere ŋ̀ɔi su. Yâwɛɛ ŋɔfólo-laai è kɛ̀ kpɔ́ a Ŋ̀âla-pɛrɛ Kɛ́tɛi láa fɛ́ɛ.

Lûu 24:51

Nya ƃe e kɛ̀ ti, gɛɛ kɛ̀ lûwa toôi diai, e kùla dísama, (e tɛ Ɣâla-taa).

Zɔ̂ŋ 6:56

Ǹúui nyii a núu mìi, é ŋ́ãai kpélei, gáa ŋ́gbonôi, ńyaŋ ŋ́gɛ ƃò gbonôi.

Zia-ƃelai Kɛ́-mɛni-ŋai 14:6

Zia-ƃelai dí gɔ̀lɔŋ, dí pù dí lí Lesitɔra da Dɛƃi. Daa-ŋai ŋí díkaa a Lekaonia lɔii-kpiniŋ da naa kɔlɛ ma kpiniŋ su taa-ŋa.

Zia-ƃelai Kɛ́-mɛni-ŋai 22:17

“Ŋá pà pôlu Zerusâlɛŋ. Ŋ́gɛɛ Ɣâla fɛlîi Ŋ̀âla-pɛrɛ kɛ́tɛi mui, zĩa è tɛ̀ɛ a ńyãa.

Lomaŋ 16:10

Ka kála tí Apɛ̂lɛ ma, nyíi a gbîŋ lɛ́ Kôrai mɛni mai. Ka kála tí diai dîa díkaa Alisitobulu ŋɔsuui sui.

Lomaŋ 16:3

Ka kála ti Purisela ma da Akoila, nyíi-ŋai díkaa a ḿarâa-tii kɛ-ƃela Kôrai kponôi,

Lomaŋ 16:7

Ka kála tí Ɛŋdulonikɔ ma da Zûnia, nyíi-ŋai díkaa a ŋánûai. Dí kɛ̀ a ḿarâa kpini-pɛrɛ mu ƃela. Díkaa a nûa kpaya-kpaya zia-ƃelai sama. Dí kɛ̀ a Kôrai-ƃela ńduɛ.

Lomaŋ 16:9

Ka kála tí Ɔɔbânɔ ma, nyíi gáa a kúƃarâŋ-tii kɛ-nuu Kôrai kponôi da ŋáwɛli-kɛ-maa-nuui Siteezi.

Lomaŋ 8:1

Mɛni ma diai díkaa Zîsɛ Kôrai kponôi dífe pâi nâa tɔ̂ŋ pûi dîa.

Kɔleŋtiɛŋ Maa-ŋuŋ 1:30

Nya ƃe kúfulu-laai a kûla ǹyêei Zîsɛ Kôrai kponôi, nyíi ǹyaa Ɣâla e gɛ̀ a ku-tárei, kútɔ̃yâ laa-lai, kúmaa-waa-laai, da kúmaa-tee-laai.

Kɔleŋtiɛŋ Veerɛi 11:11

Lé mɛni ma? Kpɛ́ni fêi, fé káwɛli ni? Ɣâla è gɔ́lɔŋ a gɛ́ɛ ŋa káwɛli ni.

Kɔleŋtiɛŋ Veerɛi 13:5

Ka kákpîŋ maa kpɛɛ ká gáa à kɛ̀ kálaa-lai káa niî káyêei. Ka kákpîŋ su kɔɔ̂ŋ. Káfe gɔ́lɔŋ Zîsɛ Kôrai káa kákponôi? Tɔ̃yâ ma, ǹyaŋ fɛ̂ɛ nɔ́ ka fɛɣɛ su-kɔɔŋ su.

Kɔleŋtiɛŋ Veerɛi 5:17

M̀ɛni ma, à kɛ̀ núu da kélee káa Kôrai kponôi, gɛ̀ ní gáa a núu nina. M̀ɛni pɔlɔi a tɛɛ, ka gáa mɛni ninai a pá.

Kɔleŋtiɛŋ Veerɛi 5:21

Kpɛ́ni fêi, Kôrai nyíi ve kɛ́ ni a sɔnyɔ̂ŋ kɔ́lɔŋɔɔ̂i, Ɣâla e sɔnyɔ̂ŋ pu mà kúmɛni ma a gɛ́ɛ ku kɛ́ a ǹyaa Ɣâla ŋɔtɔ̃yâ-ƃela Kôrai kponôi.

Galesiɛŋ 1:22

Ǹyaŋ Kôrai-toli-kpɔŋ ŋai kɛ̀ Zudai dífe niî kɛ̀ ŋ́gɔlɔŋ ni ŋ́gbono mai,

Galesiɛŋ 5:6

Kpɛ́ni fêi, diai díseɛɛi kpono mai da diai dífe see-ní, kpono mai, dímaa-mɛni fé a mɛni kpanaŋ Kôrai kponôi, kɛ́lɛ, fɛ̀ɛ laa-la nyíi a tíi kɛ̀ wɛli-kɛ-maa sarâi.

Ifisiɛŋ 4:10

Ǹúui nyíi yèŋ ǹyaa ƃa ǹúui máŋ tɛ̀ ŋ̀elei su póŋ-póŋ, a gɛ́ɛ é sɛŋ kélee láa fɛɛi.

Dutɛrɔnome 10:14

Ǹɔii da ŋ̀elei díkaa a Yâwɛɛ pɔ́ɔ da dísu sãa kélee.

Tɛsɛlôniɛŋ Maa-ŋuŋ 4:17

Gɛ̀ ní kúai kúkaa ɣele mai, kúai kwa lɛɛ̂i, Ɣâla a pâi kúsiɣêi kwa dîa-ni é tɛ́ a kúa ŋele-kɔlɔŋ su a gɛ́ɛ kwa Kúnuu-namui-ni kú kúkîe-ni kɔyaŋ naa. Ǹyaŋ kwa Kúnuu-namui-ni kwa pâi wɔ́lɔ kɛ̂i naa.

Ibulu 4:14

Mɛni ma tãi Ɣâla Ǹóŋ Zîsɛ Kôrai káa la kúyêei a sâla láa soŋ-nuu kɛ́tɛ nyíi tɛ̀ɛ ŋele-ŋai sui, kwaa kúlaa-lai sôŋ a gbanaŋɔɔ.

Ibulu 9:24

Kpɛ́ni fêi, Kôrai fé lì ní gwaa maa waai ma nyíi dí gbɛtɛ a díyêei, nyíi gáa a dɔ̃yâ-kwaa maa waai ŋɔpɔkɔɔŋ, kɛ́lɛ, è lì Ɣâla-taa kpîŋ a gɛɛ é nâa kùla é tɔ́ɔ Ɣâla ŋ́ɛi kúmɛni ma.

M̀ɛni-lɛɛi 1:10

Ŋá kɛ̀ Mɔlêŋ su a Kúnuu-namui ŋɔɣelei, ǹyaŋ ŋá wóo su kɛ́tɛ mɛ̀ni ḿbôlu-pere yɛ̂ɛ túru-woo,

M̀ɛni-lɛɛi 12:5

Nya ƃe ǹɛnii è lóŋ-surɔŋ maa sɔlɔ ƃô, nyíi kɛ̀ pâi kɛ̂i diai dífe Ɣâla mɛni wɛ̂linii mɛi a kɔli-tuaŋ, kɛ́lɛ, dí ziɣe a maa félaa dí tɛ́ la Ɣâla pɔ da ǹôloŋ kpîŋ kaloŋ see-sɛŋ.

M̀ɛni-lɛɛi 4:2

Ŋá kɛ̀ Mɔ̂leŋ su a naa maa félaa, ǹyaŋ ka gáa, kâloŋ-see-sɛŋ tɔnɔ è kɛ̀ Ɣâla-taa, núu tɔnɔ kɛ́ ƃo seêni ŋ̀á!