Kɔleŋtiɛŋ Veerɛi 11:9 - Ŋ̀âla Kɔlɔ Maa Waai

⁹ Tãi ŋá kɛ̀ la kákɔlɛi, ŋá sãâ wɛ́li kɛ̀, fé kákpaaŋ ni, kpɛ́ni fêi, zãâi ŋá kɛ̀ ŋ̀wɛ́li kɛ̂i, ḿarâai nyíi-ŋai kùla Masadoniai dí dɛ̀ɛ ḿbɔ. M̀ɛni ma fé kákpaaŋ ni. Ḿve tela pâi kákpaanîi pere sii kélee da su.

Kɔleŋtiɛŋ Veerɛi 11:9 ပူးပေါင်းရင်းမြစ်များ

Niɛmaya 5:15

Diai kɛ̀ ǹɔii kpîniŋ ŋí mɛi ńduɛi, dímaa mɛni kélee è kɛ̀ ǹûai ŋí ŋûa a kpîri wuyɛ́ɛ-ŋa. Dí m̀o dîa a gɛɛ díkɛ káne buu náaŋ tɛ̀ɛ dípɔ a ɣele kélee díŋwã̂ai da dímii sãai mɛni ma. Ǹɔii mɛi-ƃelai ŋí díyee mu-ƃelai máŋ dí fũa-fũa támaa tɔ̀ɔ Zuda-ƃelai dîa. Kɛ́lɛ fé gɛ́ ní tí, kpɛ́ni fêi ƃaa kɛ́ maa káa ńyêei Ɣâla mɛni ma.

Zia-ƃelai Kɛ́-mɛni-ŋai 18:3

Da dîa-ni dí kɛ̀ naa díkɛ tíi kɛ̀ gîe ma. Ƃûu tɔɔ tii ƃé è kɛ̀ ŋɔkɛ-ɣeniɛi kɛ̀ zu.

Zia-ƃelai Kɛ́-mɛni-ŋai 18:5

Salɛ da Temete dí kúlaa Masadoniai, Pɔ̂ɔ è kɛ̀ Ɣâla-woo ƃôi kpɔ́ a gbanaŋɔɔ, gɛ́ mò Zûu-ŋai dîa a gɛ́ɛ Zîsɛ káa a Kôrai.

Zia-ƃelai Kɛ́-mɛni-ŋai 20:33

Fé niî núu da ŋɔkáne maa-lii tée ní da gôo kpaa seɣe.

Lomaŋ 15:26

Kpɛ́ni fêi, Masadonia-ƃelai da Ɛkeya-ƃelai líi e làa a gɛ́ɛ dí kpɔŋ-gîe-maa kɛ́ gôlo-ƃelai mɛni ma Zerusâlɛŋ Ɣala-ƃelai sama.

Kɔleŋtiɛŋ Maa-ŋuŋ 16:17

Níi nɛ̃ɛ̂i a gɛ́ɛ Tɛfɛnɛ-ni dí pà da Fɔtunetɔ é pɛ́lɛ Akêiyikɔ ma, kpɛ́ni fêi, tãi káfe kɛ́ ni la ƃɛi dí kápɔɔ ŋá sìɣe.

Kɔleŋtiɛŋ Veerɛi 6:4

Kɛ́lɛ, mɛni kélee su kwaa kúkpîŋ lɛ́ a Ɣâla yée-mu-ƃela a fɔlɔ-fɔlɔ mɛni-soli su, mɛni-kpɔ̂lu su, da lii-sɛ̂lɛŋ,

Kɔleŋtiɛŋ Veerɛi 9:12

kpɛ́ni fêi, kátii ŋí kɛ́ɛ su, káfe sɛŋ tɛɛ̂i nɔ́ nyíi Ŋ̀âla-ƃelai da ŋ̀wɛlii, kɛ́lɛ, kákaa máŋ tíi támaa kɛ̂i a gɛ́ɛ dí sɛɣɛi-fei támaa tɛ́ɛ Ɣâla pɔ́.

Felepiɛŋ 2:25

Ŋa ŋ́gili ŋá sía ŋa gáa a gɛ́ɛ ǹɛ́lɛɛ̂i ŋa Ipafulɔditɔ tɛɛ kápɔ naa. Gáa a ḿarâŋ nuu, gɛ ƃo a ḿarâŋ tii-kɛ-nuu. Gáa ŋɔ́nɔ a ḿarâŋ-kɔkuluƃa. Gáa a kákela da ŋákpɔŋ-mâa-nuu.

Tɛsɛlôniɛŋ Maa-ŋuŋ 2:6

Kúfe laa-maa-tɛ kɔri ni núu-kpune yêei, káyêei, kpaa máŋ núu da kpɛni-ŋa, berei máŋ kûi pɔ̂ri tɔɔ̂i la kútɔ̃yâi mɛni ma yɛ̂ɛ Kôrai ŋɔsia-ƃelai.

Tɛsɛlôniɛŋ Maa-ŋuŋ 2:9

Tɔ̃yâ ma, ŋánûa, kútii da kúmɔ̃lɛi maa-mɛni káa kákili ŋá. Kú tíi kɛ̀ a kpini da folo a gɛ́ɛ tãi ku kɛ̀ Ɣâla ŋɔtuŋ lɛ́lɛɛi ƃôi la kâai, kúfe kátà tɔnɔ kpîŋ kpàaŋ.

Ibulu 11:37

Dí dísɔ̂ɔ a kɔni dí díƃela-ƃela gîei feerɛ dí dísu kɔɔ̀ŋ dí dípaa a ƃóa-sɔkpɔ. Da-ni dí kɛ̀ sia-siai ƃála-kɔlɔ su da ƃoli-kɔlɔ, da-ni dí díkɔ̃liŋ kélee láŋ. Da-ni dí mɛni-kpɔ̂lu kàa, dí ŋwana-lɔ̂ɔ-tua kɛ́ a da-ni.