Kɔleŋtiɛŋ Veerɛi 11:3 - Ŋ̀âla Kɔlɔ Maa Waai

³ Kɛ́lɛ, ŋ́gaa yaôi a gɛ́ɛ yɛ̂ɛ berei nɔ́ galii è Iî pɛ̀lɛ la a ŋɔwôyai, bere ƃe kákili-ŋa-siai a pâi kákulâi la Kôrai ŋɔsã́a-laai da ŋɔtɔ̃yâ laa-lai maa-wɛli-kɛ-maai ma.

Kɔleŋtiɛŋ Veerɛi 11:3 ပူးပေါင်းရင်းမြစ်များ

Zɛnɛse 3:1

Galii è kɛ̀ a dáreɛɛ, ŋ̀ôyaa é tɛ́ɛ lɔɔ fɛnɛ-sãa kélee dîa Yâwɛɛ Ɣâla è gbɛ̀tɛi. Nya ƃe è mò nɛnîi ma ǹyɛɛi, “Ɣâla è mò a tɔ̃yâ a gɛɛ káfe ŋ̀úru-ŋai ŋí zûai sui m̀á da mii?”

Zɛnɛse 3:13

Nya ƃe Yâwɛɛ Ɣâla è mò nɛnîi ma ǹyɛɛi, “Lé ƃé ŋí ƃa gɛ́i?” Nɛnîi ǹyɛɛ mai, “Galii ƃé ńdûmo ŋá mii.”

Zɛnɛse 3:20

Adaŋ è ŋɔnɛnîi láa sèe a Iî, kpɛ́ni fêi, è kɛ̀ a núu-kpune kélee nee.

Zɛnɛse 3:4

Kɛ́lɛ galii è mò ǹɛnîi ma ǹyɛɛi, “Káfe pâi saâi.

Wule-woo-ŋa 119:53

Tãi ŋa ŋ̀wana-lɔ̂ɔ-ƃelai kâa la díkɛ ítɔ̂ŋ kàrai, ńii a ŋwâna a ŋ̀ánaa.

Maafîu 24:24

Kpɛ́ni fêi, lɛ́ɛ-Kôrai-ƃela da Ɣâla-maa-wôya lono-kɛ-ƃela da pâi siɣêi dí tɔɔ, díkɛ ŋɛ́i-kɛ-maa kpaya-kpaya lɛ da mɛni kpaya-kpaya a gɛɛ, pɔ̂ri à kɛ̀ naa, dí díyee laa zu-ɣɛɛ-ƃelai dîa máŋ.

Zɔ̂ŋ 8:44

Ká kùla kánâŋ Dɛ̂ƃele kponôi, ǹyaŋ ka ŋ̀wɛ̂lii a gɛɛ ká kánâŋ nîa mɛnii kɛ́. E kɛ̀ a núu-paa-nuu a maa-ŋuŋ. Ǹyaŋ ŋɔmɛni fe tɔ̃yâ pôlu. Kpɛ́ni fêi, tɔ̃yâ kélee da fe gbonôi. A lɛ́ɛ kɛ̀, a lôno nɔ ŋɔkɛ-perei su, kpɛ́ni fêi, gáa a lɛ́ɛ-nuu, gɛ ƃo ŋɔ́nɔ a lɛ́ɛ ǹâŋ.

Lomaŋ 12:8

kpaa máŋ ǹúui a núu lia-woo ƃoi é m̀ó; kpaa máŋ ǹúui a ƃɛlɛ-sêe kɛ̂i é gɛ́ a lii-lɛlɛ; kpaa máŋ à kɛ̀ a nuu-tuɛ-nuu, e ŋɔtíi kɛ́ a ǹɛ́lɛɛ; kpaa máŋ ǹúui a maloŋ-kaa kɛ̀i, e gɛ a lii-nɛ̃ɛ.

Kɔleŋtiɛŋ Veerɛi 1:12

Kpɛ́ni fêi, kúyoŋka téɛɛ ká ŋí, kúkili-ŋa-siai m̀aa sêre-faai ƃa a gɛ́ɛ kwa tûa lɛ́lɛɛ kɛ́ ŋ̀éniɛi su a Ɣâla ŋɔmaa-waa-laai da ŋɔtɔ̃yâ laa-lai. Kútûa lɛ́lɛɛi dámaa káa kápɔ-pere. Kúfe gɛ̀ ní a ǹɔii ŋí su-tarei, kɛ́lɛ, kú gɛ̀ a Ɣâla ŋɔƃɛlɛ-sêei.

Kɔleŋtiɛŋ Veerɛi 11:20

Ka fâa ma à kɛ̀ núu à ká kɛ̀ a ŋɔluɛ-ŋa, é ǹîa kɛ́ kákɔ̂liŋ su, núu à wôya kɛ̀ a káa, núu à gbîŋ kɛ̀tɛ kámɛi, núu à tela kálôkwa káŋɛi.

Kɔleŋtiɛŋ Veerɛi 11:29

Gbɛ̂ɛ ƃe víi à kpɛ̀ɛ, ḿvii fa kpɛ̂ɛ ńyãa máŋ? Gbɛ̂ɛ ƃa pîli mɛni-kpɔ̂lu su, ǹyaŋ fa pîli zu a dámaai?

Kɔleŋtiɛŋ Veerɛi 2:17

Kpɛ́ni fêi, kúfe yɛ̂ɛ núu támaa nyíi-ŋai da Ɣâla ŋɔwóoi kàrai; kɛ́lɛ, kúkaa yɛ̂ɛ ǹûai díkaa a tɔ̃yâ-ƃela, Ɣâla a dímaa wáa ŋɔtíi mɛni ma, kwa lôno Kôrai kponôi Ɣâla ŋɛi.

Kɔleŋtiɛŋ Veerɛi 4:2

Kwa kúyee kúla noo-mɛni-ŋai su nyíi-ŋai díkaa a ŋumɛ-mɛnii. Kúfe fâa ma a gɛ́ɛ kú wôya maa kɔ́ri, kpaa máŋ kú Ɣâla ŋɔwóoi ƃó a maa-faleŋɔɔ. Kɛ́lɛ, kwa kúkpîŋ lɛ̀ nuu-kpune ŋɔkili-ŋa-siai ma Ɣâla ŋɛi a Ɣâla ŋɔtɔ̃yâ-wooi ƃóɔɔ pono ŋá.

Galesiɛŋ 1:6

Gulaâi a ńyãa a gɛ́ɛ kákaa káyee kulâi Kôrai mu a maa félaa nyíi kátòli ŋɔƃɛlɛ-sêei sui, kakɛ tinaŋ tuŋ da kpɛni pɔ́naa pere.

Galesiɛŋ 2:4

Dífe nyíŋi kɛ́ ni, berei máŋ diai díkpîŋ kɛ̀ a káƃarâa wôya-pere sui dí pà la loo-pere su a gɛ́ɛ dí kúŋuŋ mâ-ƃoi káa nyíi gáa kúyêei Zîsɛ Kôrai kponôi a gɛ́ɛ dí li a kúa luɛ-laa sui.

Galesiɛŋ 3:1

Óo káƃoɔɔ̂i káai a Galesia-ŋai! Gbɛ̂ɛ ƃe wúlu kɛ̀ kâa, káai dí Zîsɛ kpamo-mɛnii ƃò káŋɛi pono ŋái?

Galesiɛŋ 4:11

Ŋ́gaa ŋ́gili ŋá siâi a gɛ́ɛ mɛni-ŋai ŋá tɛ̀ɛ zu kámɛni mai, tãi da, da pâi kɛ̂i nɔ́ kpɛ́ni-kpɛni.

Ifisiɛŋ 4:14

Gɛ̀ ní kúfe ŋɔ́nɔ pâi kɛ̂i yɛ̂ɛ nîa-pɛlɛɛ. Sɛŋ-lɛɛ nina kélee maa-fãai fé pâi kulâi ƃɛ-pere kpaa manaa-pere, kpaa máŋ é kútinâŋ-tinaŋ. Zɛŋ-lɛɛ ninai ŋí a kûla nûa díwôya-pere su, dítare-kiri, da dínuu-pɛlɛ lɛ̂ɛ-ŋai.

Ifisiɛŋ 4:22

a gɛ́ɛ ká tée kátûa-pere pɔlɔi ma, nyíi pâi karâi, kpɛ́ni fêi, ŋɔmɛni-wɛliɛi káa a pɛlɛ.

Ifisiɛŋ 6:24

Ƃɛlɛ-sêe é kɛ́ diai kélee dîa dí Kúnuu-namui Zîsɛ Kôrai wɛli ni a wɛli-kɛ-maa nyíi va sâai.

Kolasiɛŋ 2:18

Káfe ǹɛɛ naa núu da é mɛni ŋá tee a káa a nyɔ́mɔɔ a gɛ́ɛ fɛ̂ɛ ka tɔ̂ŋ kpɛ́ kákpîŋ ma ka Ɣâla-taa kela-ŋai fɛli. Ǹúui a zĩai maa-mɛni ƃo kásamâi, káfe laa a maa-nuui ti. Maa-nuui ŋí líi kɛ́tɛ̂i nɔ́ kpɛni. Ŋɔkili-ŋa-siai maa-sâpo fé ma. Gáa nɔ́ a núu-kpune kpîŋ-tua-pere-nyɔŋ maa-kili-ŋa-sia.

Kolasiɛŋ 2:4

Ŋa nyíŋi ƃôi a gɛ́ɛ núu da fé kápɛlɛ a la-nɛ̃ɛ-maa-lono.

Kolasiɛŋ 2:8

Ka kámɛi káa a gɛ́ɛ núu da fé káƃòo a táre-lono-ŋa da núu pɛlɛ-woo kpɛ́ni-kpɛni-ŋa yɛ̂ɛ berei núu-kpune tua-pere káa lai, yɛ̂ɛ bere ŋɔ́nɔ ŋ̀éniɛi su tua-perei káa lai. Dífa Kôrai ŋɔsɛŋ-lɛɛi maa-tua kɛ̀.

Tɛsɛlôniɛŋ Maa-ŋuŋ 3:5

Nyíŋi mɛni ma tãi lii-kpele fé ŋɔ́nɔ kɛ́ ni la ńyêei, ŋá núu tɛ̀ɛ naa a gɛ́ɛ ŋá kálaa-lai káa, kpɛ́ni fêi, ŋá kɛ̀ yáôi a gɛ́ɛ tãi da zu-kɔɔŋ-nuui a kákponôi kɔɔ̂ŋ a gɛ́ɛ tãi da kútii-kɛɛi a pâi kɛ̂i kpɛni-kpɛni.

Temete Maa-ŋuŋ 1:3

Yɛ̂ɛ berei ŋá mò la yâ tãi ŋa kɛ̀ liî la Masadoniai, lɛɛ Ɛfesɛ a gɛ́ɛ í m̀ó zɛŋ-lɛ-ƃelai da-ni dîa a gɛ́ɛ dífe mɛni sii da kpɛni lɛ̀,

Temete Maa-ŋuŋ 2:14

Ǹyaŋ Sêtɔŋ fé Adaŋ pɛlɛ ni, kɛ́lɛ, è ǹɛnîi pɛ̂lɛ, ǹɛnîi é kɛ́ a tɔŋ-kara-nuu.

Temete Veerɛi 3:13

Ŋwana-lɔ̂ɔ-ƃela da wôya-ƃela da pâi kɛ̂i nɔ́ a núu nyɔ́mɔɔ-ŋa a tãi kélee, núu-pɛlɛ-ƃela díyaŋ, núu kɛ́ dípɛlɛ.

Taitɔ 1:10

Kpɛ́ni fêi, nûa támaa, ŋ̀uŋ kpɔ-kpɔɔi ƃa diai díkaa a Zûu-ɣala-woo ƃó ƃelai díkaa nɔ́ naa woo-mɛni fé díyêei. Díkaa nɔ́ a lóno-folo kɛ-ƃela da nuu-pɛlɛ-ƃela.

Ibulu 13:9

Káfe nɛ̀ɛ naa sɛŋ-lɛɛ nina sii da kpɛni-ŋa díka kásiɣe pere ma. Kpɛ́ni fêi, ǹɛ́lɛɛ̂i a gɛɛ Ɣâla ŋɔƃɛlɛ-sêei é núu líi su kpanaŋ, kɛ́lɛ, zu fé kpànaŋ a mii-sɛŋ sii da miɛɛ, nyíi mii-ƃela dífa mɛni lɛ́lɛɛ kùla zui.

Pitɛ Veerɛi 3:17

Mɛni ma, ŋáwɛli-kɛ-maa ƃelai, yɛ̂ɛ berei ká nyíŋi kɔ́lɔŋ la nàa tuɛi, ka kámɛi káa, à wàla kɛ̀ tí ŋ̀wana-lɔ̂ɔ-ƃelai dítûa-pere nyɔŋ a pâi kákulâi berei ma é kákili-tɔɔ maa tɔnɔi láŋ káyêei.

Pitɛ Veerɛi 3:3

Maa-ŋuŋ fɛ̂ɛ ká táre nyíŋi su a gɛɛ ɣɛlɛ-maa-ƃela da pâi pâi a ɣɛlɛ-maa a ŋelei gbɛɛ ŋái, díkɛ pîlaŋ díkpîŋ-tua-pere-nyɔŋ maa-sɛŋ-wɛliɛi pôlu,

Zɔ̂ŋ Maa-ŋuŋ 2:18

Nîa-pɛlɛɛ, tãi gbɛɛ ŋái káa yɛ̂ɛ berei ka mɛni la a gɛɛ Kôrai ŋɔtɔɔ-maa-nuu a pâi, ŋɔtɔɔ-maa-ƃela támaa da nâa pá. M̀aa mɛni ma kwa gɔ́lɔŋ a gɛɛ gáa a tãi gbɛɛ ŋái.

Zɔ̂ŋ Maa-ŋuŋ 4:1

Ŋáwɛli-kɛ-maa-ƃelai, káfe làa a mɔ̂leŋ kélee, kɛ́lɛ, ka mɔ̂leŋ-ŋai kɔɔ̂ŋ, ká gáa à kɛ̀ díkaa a Ɣâla pɔ́ɔ. Kpɛ́ni fêi, Ɣâla-maa-wôya lono-kɛ-ƃela támaa da lí ǹɔii su.

Zûu 1:4

Kpɛ́ni fêi, núu da-ni da lɔ́ kúsama loo-pere su nyíi-ŋai dítɔ̂ŋ-pu-maai maa-mɛni è ƃò nàa tuɛi. Maa ƃelai díkaa a ŋwana-lɔ̂ɔ-ƃela nyíi-ŋai Kúɣâlai ŋɔƃɛlɛ-sêei pène wolii-kpɔlɔ su. Dí Kúmɛi-nuu tɔnɔi Kúnuu-namui Zîsɛ Kôrai maa-sîa tòo.

M̀ɛni-lɛɛi 12:15

Nya ƃe galii è yà-lee kɛ́tɛ kùla ǹá gɛ bili ǹɛnîi ma a gɛɛ ǹya-leei é ziɣe.

M̀ɛni-lɛɛi 12:9

Dí ǹyao maa sua kɛ́tɛi tòo ǹɔii ma, nyíi gáa a gali pɔlɔi nyíi da dòli a Dɛ̂ƃele da Sêtɔŋ. Gáa a ǹɔii kélee pɛlɛ nuu. Dí dòo ǹɔii mâ da ŋɔkéla-ŋai kélee.

M̀ɛni-lɛɛi 20:2

È ǹyao maa suai sôŋ, nyíi kɛ̀ a ŋwɔlɔ-wɔlɔ kálii. Ŋwɔlɔ-wɔlɔ-kálii ŋí ƃe kɛ̀ a Dɛ̂ƃele, nyíi ǹáa è kɛ̀ a Sêtɔŋ, é ŋ̀iri kóraŋ wála tɔnɔ (1,000) mɛni ma,