Kɔleŋtiɛŋ Veerɛi 11:2 - Ŋ̀âla Kɔlɔ Maa Waai

² Ɣâla-tolo káa ńii su kámɛni ma, kpɛ́ni fêi, ŋá kátɛ̀ɛ Kôrai pɔ́ a gɛ́ɛ ŋá ká lɛ́ yɛ̂ɛ núu à kɛ̀ nɛnî maa-waa tɛɛ̂i ŋɔsurɔ̂ŋ pɔ́ nyíi gɔli-kao lai.

Kɔleŋtiɛŋ Veerɛi 11:2 ပူးပေါင်းရင်းမြစ်များ

Azaya 54:5

Íkpɛtɛ-nuui a pâi kɛ̂i yɛ̂ɛ ípɔ̂ŋ. Íkpɛtɛ-nuui kpîŋ láa ƃa Ŋ̀wála-wâla kélee Yâwɛɛ. Eezuɛ Ŋɔɣâla Maa Waai ƃa íŋuŋ ma ƃó nuui. Ǹyaa ƃa ŋ̀éniɛi kélee kpɛtɛ Ɣâlai.

Izikiɛ 44:22

Zâla láa-soŋ nuui da fé nɛnî da kùla nyii da ŋɔsurɔ̂ŋ da táai. Fɛ̂ɛ nɔ́ dí Eezuɛ nɛnî kula nyii gáa a nɛnî-kpelai, kpaa máŋ zâla láa-soŋ nuui nyii a saai ŋɔpɔɔ nɛnî.

Zɔ̂ŋ 3:29

Ǹúui nyii nɛnî káa ǹyêei, ǹyaa ƃe gáa a nɛnî-kula-nuui. Ǹɛnî-kula-nuui ǹaoi nyii a tɔɔ̂ni, gɛ ŋ̀óo mɛni, nɛnî-kula-nuui wóo a ǹíi nɛ̀ɛ a dámaa. À kɛ̀ ti, gɛ̀ ní, ŋálii-nɛɛi ŋi lá a nâa fɛɛ.

Lomaŋ 7:4

Ŋánûa, ka kpera káɣeniɛi kɛ́ɛ ma dɔ̂ŋ mɛni ma a berei tɔnɔi ti Kôrai kponoi sârai, a gɛ́ɛ ká kɛ́ a núu da kpɛni pɔ́ɔ, nyíi Ɣâla e mu siɣe saa yêei, a gɛ́ɛ ku ƃá Ɣâla mɛni ma.

Kɔleŋtiɛŋ Maa-ŋuŋ 4:15

Kpɛ́ni fêi, berei máŋ sɛŋ-lɛ-ƃela wála támaa káa la káyêei Kôrai kponôi, kánâŋ-ni dífe tama ni. Kpɛ́ni fêi, ŋá kɛ̀ a kánâŋ Zîsɛ Kôrai kponôi Duŋ Lɛ́lɛɛi sarâi.

Kɔleŋtiɛŋ Veerɛi 4:14

Ku gɔ́lɔŋ a gɛ́ɛ ǹúui Kúnuu-namui Zîsɛ mu siɣe saa yêei, a pâi kúmu siɣêi saa yêei máŋ kwa Zîsɛ-ni é pá a kúa kwa kaa-ni ŋ̀ɛi tuɛ.

Galesiɛŋ 4:11

Ŋ́gaa ŋ́gili ŋá siâi a gɛ́ɛ mɛni-ŋai ŋá tɛ̀ɛ zu kámɛni mai, tãi da, da pâi kɛ̂i nɔ́ kpɛ́ni-kpɛni.

Felepiɛŋ 1:8

Ɣâla káa a ŋásêre a berei ŋa kákelee káwɛ̂lii la a Zîsɛ Kôrai ŋɔwɛli kɛ́-maai.

Kolasiɛŋ 1:28

Kwa maa-mɛni ƃò, kúkɛ núu kélee lia-woo ƃo, kúkɛ sɛŋ lɛ̂ núu kélee ma táre kélee su, a gɛ́ɛ kú núu kélee lɛ́ a ǹáa fɛ́ɛ Kôrai kponôi.

Tɛsɛlôniɛŋ Maa-ŋuŋ 2:11

Ka gɔ́lɔŋ berei kú kália-woo ƃò la tɛi-tɛi, yɛ̂ɛ berei nîa-pɛlɛɛ dínâŋ a dília-woo ƃò lai. Kú kálii kpele kú m̀ó kâa

M̀ɛni-lɛɛi 14:4

Ǹûai ŋí ƃe dífe niî díkpîŋ kàra ni a lɔ-pɔrɔŋ kɛɛ, kpɛ́ni fêi, dí maa waai. Dia ƃe da lɛ̀ɛ M̀ála-loŋ pôlu dí li ƃɛi kélee a lî naai. Dí dímaa têe núu-kpune yêei yɛ̂ɛ sí-sɛŋ ƃá maa-ŋuŋ Ɣâla mɛni ma da M̀ála-loŋ.