Kɔleŋtiɛŋ Veerɛi 10:7 - Ŋ̀âla Kɔlɔ Maa Waai

⁷ Zɛŋ gáa káŋɛi tuɛi ka gáa. À kɛ̀ núu da lâai la a gɛ́ɛ gáa a Kôrai pɔ́ɔ, tɔɔ é gbîŋ kíli ŋá pono a gɛ́ɛ berei gáa la a Kôrai pɔ́ɔi, bere nɔ́ ƃe kúa máŋ kúkaa la.

Kɔleŋtiɛŋ Veerɛi 10:7 ပူးပေါင်းရင်းမြစ်များ

Maafîu 23:5

Da dítii-ŋai kélee kɛ̀ a gɛɛ nûa dí díkaa. Da Díɣâla-fɛli ɣɛli-ŋai kɛ́ a ḿela-ŋa kɛ́tɛ díŋiri díŋuŋ-mâ da díyee-mâ a tɛ̀ɛ ŋàa. Dí díyokpo-ŋai maa ɣiri-sãai kɛ́ a gbaya-kpaya.

Lûu 16:15

Kɛ́lɛ, e mò dîa, ǹyɛɛi, “Káa ƃa ǹûai ka kákpîŋ sãa núu ŋɛi, kɛ́lɛ, Ɣâla e kálii su kɔlɔŋ; kpɛ́ni fêi, sɛŋ nyii a ǹûai ŋɛi soŋ, mɛlɛ kpɛɛ̂i Ɣâla koi.

Zɔ̂ŋ 7:24

Káfe mɛni ŋá tèe sɛŋ ŋɔkáa-pere ma. Kɛ́lɛ, ka mɛni ŋá tée a zã́a.”

Kɔleŋtiɛŋ Maa-ŋuŋ 1:12

M̀ɛnii ŋa môi, zu-kulai ƃa kátà-ni ka mò kâa, “Ŋ́gaa a Pɔ̂ɔ pɔ́ɔ,” da-ni dîyɛɛ, “Ŋ́gaa a Apolo pɔ́ɔ,” da-ni dîyɛɛ, “Ŋ́gaa a Sîfa pɔ́ɔ,” da-ni dîyɛɛ, “Ŋ́gaa a Kôrai pɔ́ɔ.”

Kɔleŋtiɛŋ Maa-ŋuŋ 14:37

A kɛ̀ gáa núu da kíli ŋá a gɛ́ɛ gáa a Ɣâla ŋɔlóno-kɛ-nuu, kpaa máŋ M̀ɔlêŋ ŋɔsama-sãai díkaa gbonôi, gɛ̀ ní, fɛ́ɛ é gɔ́lɔŋ a gɛ́ɛ m̀ɛnii ŋ́gaa bɔ̃yɛɛ̂i kápɔ-naai, gáa a Kúnuu-namui ŋɔtɔ̂ŋ.

Kɔleŋtiɛŋ Maa-ŋuŋ 15:23

Kɛ́lɛ, núu kélee ŋɔtãi a pâi tɛi-tɛi. Kôrai ƃa ǹúui maa-ŋuŋ é m̀u siɣe saa yeei, ǹyaŋ tãi à pà lai, diai díkaa a Kôrai pɔ́ɔi da pâi dímu siɣêi saa yêei.

Kɔleŋtiɛŋ Maa-ŋuŋ 3:23

ǹyaŋ kákaa a Kôrai pɔ́ɔ; Kôrai ǹyaŋ kɛ́ ƃo a Ɣâla pɔ́ɔ.

Kɔleŋtiɛŋ Maa-ŋuŋ 9:1

Ŋuŋ ma fé ƃó ni? Sia-nûu fa ńyãa? Fe niî Kúnuu-namui Zîsɛ káa ni? Káfe a ŋátii m̀aa sêre-faa Kúnuu-namui sârai?

Kɔleŋtiɛŋ Veerɛi 10:1

Ńyãa Pɔ̂ɔ, ńyãa kpîŋ ŋa môi kâa Kôrai ŋɔmaa-yêŋ da ŋɔsɔŋ-lɛ̂lɛi sarâi, ŋà kɛ̀ ká ŋɛ́i ḿaa yeŋɔɔ̂i, kɛ́lɛ, ŋà wàla kɛ́ ká ŋɛ́i, ńii kpelêɛi!

Kɔleŋtiɛŋ Veerɛi 11:18

Núu támaa da ŋ̀éniɛi ŋí su-sãai maa-yoŋka tèe, mɛni ma ńyãa máŋ ŋa pâi yoŋka têei.

Kɔleŋtiɛŋ Veerɛi 11:23

Díkaa a Kôrai yée-mu-ƃela? Berei máŋ ŋ́gaa ƃoo lôno kɛ̂i lai, ńdɛɛ̂i dîa kpɔ́ a ŋ̀ánaa tíi kɛ́ɛ su, kpini-pɛrɛ siɣeɛ su, lókwa su, ŋá kɛ̀ pâi saâi máŋ.

Kɔleŋtiɛŋ Veerɛi 11:4

Kpɛ́ni fêi, à kɛ̀ núu da à pà é Zîsɛ da kpɛ́ni maa-mɛni ƃó káa é kúla nyíi pôlu kú maa-mɛni ƃò kâa a maa-ŋuŋ, kpaa máŋ kà mɔlêŋ da kpɛ́ni sɔlɔ ƃô é kúla nyíi pôlu ká zɔlɔ ƃô a maa-ŋuŋ, kpaa máŋ kà káyee sèe tuŋ da kpɛ́ni mu é kúla nyíi pôlu ká káyee sèe mu a maa-ŋuŋ, gɛ̀ ní káyee-see-mui a pâi kɛ̂i a nàa fii kpɛ̂ɛ.

Kɔleŋtiɛŋ Veerɛi 12:11

Ŋá ŋ́gbîŋ kùla a ƃoo-nuu! Kɛ́lɛ, káa ƃe ŋ́gɛ ŋá gɛ́ ti, kpɛ́ni fêi, káa ƃêi pɔ̂ri ńɛ̂i. Kpɛ́ni fêi, fé a núu-doo-mu pere sii kélee da su zia-ƃelai ŋí sama nyíi-ŋai da díkpîŋ kɛ́tɛ̂i, berei máŋ ŋ́gaa la nɔ́ kpɛ́ni-kpɛnii.

Kɔleŋtiɛŋ Veerɛi 13:3

tãi nɔ́ ka ŋ̀wɛ̂lii la ká zɛŋ káa a nɛ̀ a gɛ́ɛ Kôrai káa lônoi ŋ́gbonôi. Víi fé kpɛɛ ni a berei a tûa la a káai, kɛ́lɛ, wála-wala káa ǹyêei kákponôi.

Kɔleŋtiɛŋ Veerɛi 5:12

Kúfe kúkpîŋ lɛ̂i káa ŋɔ́nɔ, kɛ́lɛ, kúkaa sâpo lɛ̂i káa a gɛ́ɛ kálii é nɛ̃ɛ kúmɛni ma a gɛ́ɛ diai da yoŋka tèe núu-tɔɔi mɛni ma, kɛ́lɛ, dífa yoŋka tèe núu líi mɛni mai, pɔ̂ri é kɛ́ káa a gɛ́ɛ ká dímarê-kɛɛi su kula.

Galesiɛŋ 3:29

Ǹyaŋ à kɛ̀ kákaa a Kôrai pɔ́ɔ, gɛ̀ ní kákaa a Eberaɣɛ̃ɛ ŋɔsuui da ŋɔpɔɔ-sɛŋ mɛi-ƃela gono-teei lá-woo ma.

Zɔ̂ŋ Maa-ŋuŋ 4:6

Kúkaa a Ɣâla pɔ́ɔ. Ǹúui kélee Ɣâla kɔ́lɔŋ, a ŋ̀óli tɔ̀ɔ kûa, ǹyaŋ ǹúui vé a Ɣâla pɔ́ɔi, va ŋ̀óli tɔ̀ɔ kûa. Nyíŋi su ƃe kwa dɔ̃yâ-mɔleŋ da ǹɛ́ɛ-mɔleŋ kɔ̀lɔŋ naa.

Samia Maa-ŋuŋ 16:7

Yâwɛɛ ǹyɛɛ m̀ai, “Samia, íkili fé kɛ̀ Ilai ma, kpɛ́ni fêi, ǹɛ̂lɛɛi, mu siɣeɛɛi. Ǹyaa fêi. Nûa da núu ŋɔmɛni ŋá tèe berei ma da gàa lai, kɛ́lɛ ŋa nûa dímɛnii ŋá tèe yɛ̂ɛ berei dílii káa lai.”