Zɔ̂ŋ Maa-ŋuŋ 5:9 - Ŋ̀âla Kɔlɔ Maa Waai

⁹ À kɛ̀ kwa núu-kpune ŋɔsêre-faa-kɛɛ sìɣe, Ɣâla ŋɔsêre-faa-kɛɛi kɛ́tɛ̂i é tɛ́ɛ núu-kpune ŋɔi ma. Kpɛ́ni fêi, Ɣâla ŋɔsêre-faa-wooi ká ŋí a gɛɛ a Ǹóŋ maa-sere-faa kɛ́.

Zɔ̂ŋ Maa-ŋuŋ 5:9 ပူးပေါင်းရင်းမြစ်များ

Maafîu 17:5

Gɛ́ɛ niî lônoi, ɣele-kɔlɔŋ kole è dímɛi pɛ̂lɛ. Nya ƃe wóo è kùla ŋele-kɔlɔŋ kolei su, ǹyɛɛi, “Ŋáwɛli-kɛ-maa-Loŋ ká ŋí, nyii m̀aa-mɛni a ńii láai. Ka ŋ̀óo mɛni.”

Zɔ̂ŋ 10:38

Kɛ́lɛ, à kɛ̀ ŋà díkɛ̀, berei máŋ káfe lâai a ńyãai, ka láa a díi-ŋai, a gɛɛ ká gɔ́lɔŋ ká táre zu a gɛɛ Nàŋ-nuui káa ŋ́gbonôi ńyaŋ ŋ́gaa Nàŋ-nuui kponôi.”

Zɔ̂ŋ 5:39

Ka Ŋ̀âla-kɔlɔi su kɔ̀ri. Kpɛ́ni fêi, ka gàa kâa, nàa ƃe wɔlɔ-wɔlɔ fulu-laa káa naa, ǹyaŋ ǹyaa ƃe a ḿaa-sere-faa kɛ̀,

Zia-ƃelai Kɛ́-mɛni-ŋai 17:31

A vóloi lɛ́ a pâi ǹɔii ŋɔmɛnii ŋá teêi la a tɔ̃yâ pere ǹúui sârai è nɛ̀, é ŋ̀óo gbanaŋ tóo núu kélee yée ŋá nyíŋi mɛni ma a ǹúui kpîŋ mu siɣɛɛ saa yêei.”

Zia-ƃelai Kɛ́-mɛni-ŋai 5:32

Kúkaa a mɛni-ŋai ŋí maa sêre-ŋa kwa M̀ɔlêŋ Maa Waai ni, nyíi Ɣâla è dɛ̀ɛ diai pɔ́ da ŋ̀óo mɛnii, ǹyaa máŋ gáa la.”

Ibulu 2:4

Ɣâla è maa sere-faa kɛ̀ máŋ a ŋɛ́i-kɛ-maa-ŋa, da mɛni kpaya-kpaya, da wála-wala sii tamaa-ŋa, é pɛ́lɛ M̀ɔlêŋ Maa Waai ŋɔsama-sãai dîa nyíi-ŋai Ɣâla è díŋaa kɔ̀lɛ yɛ̂ɛ berei gbîŋ nia-mɛnii káa lai.

Ibulu 6:18

a gɛɛ kwa kɛ̀ ƃalo-laa sɔlɔ ƃoi, lii-kpele kpanaŋɔɔ é kɛ́ kúyêei, kú kúkili-kɛ-zui sóŋ a gbanaŋɔɔ nyíi gáa kúŋɛi-tuɛi mɛni feerɛ nyíi-ŋai dímaa fa fâleŋ dísarâi nyíi-ŋai dífa pɔ̂ri Ɣâla kɛ̂i é ŋɔkono-teei maa fáleŋ.

Zɔ̂ŋ Maa-ŋuŋ 5:10

Ǹúui a lâa a Ɣâla Ǹóŋ, sere-faa káa gbonôi. Ǹúui va lâa a Ɣâlai, a gɛ́ a lɛ́ɛ-nuu, kpɛ́ni fêi, vé niî laa ní a Ɣâla ŋɔsêre-faai è gɛ̀ Ǹóŋ mɛni mai.

Zɔ̂ŋ Maa-ŋuŋ 5:8

Sere-faa kɛ-ƃela saaƃa ƃe naa. Dia ƃa Mɔ̂leŋ, ǹyái, da ŋãai. Ǹyaŋ zere-faa kɛ-ƃela saaƃai ŋí díwoo káa zu tɔnɔ.