Zɔ̂ŋ Maa-ŋuŋ 4:1 - Ŋ̀âla Kɔlɔ Maa Waai

¹ Ŋáwɛli-kɛ-maa-ƃelai, káfe làa a mɔ̂leŋ kélee, kɛ́lɛ, ka mɔ̂leŋ-ŋai kɔɔ̂ŋ, ká gáa à kɛ̀ díkaa a Ɣâla pɔ́ɔ. Kpɛ́ni fêi, Ɣâla-maa-wôya lono-kɛ-ƃela támaa da lí ǹɔii su.

Zɔ̂ŋ Maa-ŋuŋ 4:1 ပူးပေါင်းရင်းမြစ်များ

Tɛsɛlôniɛŋ Maa-ŋuŋ 5:21

Kɛ́lɛ, ka mɛni kélee maa kpɛ́ɛ. M̀ɛnii nyíi ǹɛ́lɛɛ̂i ka zoŋ a gbanaŋɔɔ.

Pitɛ Veerɛi 2:1

Ɣâla maa-wôya lono-kɛ́-ƃela dí dímu siɣe máŋ ǹûai sama, yɛ̂ɛ berei nɔ woya-sɛŋ lɛ-ƃela da pâi kɛ̂i la kásama, nyíi-ŋai pâi lɛ́ɛ-sɛŋ lɛ̂i a loo-pere, nyíi a pâ a su-karai. Da Mɛi-nuui maa-sia tòo máŋ nyíi díyài, díkɛ pâ a su-kara a maa félaa dia kpîŋ dîa.

Temete Maa-ŋuŋ 4:1

Mɔlêŋ a mò a zu ponoɔ a gɛ́ɛ tãi da káa pâi núu da-ni da pâi díyee kulâi naa-lai su dí díwoli tɔ́ɔ nuu-pɛlɛ mɔlêŋ-ŋa dîa da nyînaŋ nyɔ́mɔɔ-ŋa dísɛŋ-lɛɛ,

Zɔ̂ŋ Veerɛi 1:7

Núu-pɛlɛ ƃela támaa da lí ǹɔii sú, dia ƃa ǹûai dífa fâa Zîsɛ Kôrai pá mɛni ma núu-kpune kponôi. Ǹúu sii ŋai ŋí ƃe díkaa a ǹúu-pɛlɛ ƃelai da Kôrai ŋɔtɔɔ-maa ƃelai.

Táre-woo-ŋa 14:15

Diai dífa mɛni ŋá kaai, da mɛni kélee sìɣe a tɔ̃yâ, kɛ́lɛ táre-nuu a zia-pere maa kpɛ̂ɛ.

Kɔleŋtiɛŋ Maa-ŋuŋ 14:29

Tɔɔ Ɣâla ŋɔlóno kɛ́-ƃela feerɛ, kpaa máŋ saaƃa dí lóno nɔ́, ǹúu kpeli-ŋai dí díkili ŋá sía m̀ɛnii mâ díkaa m̀ôi.

Zɔ̂ŋ Maa-ŋuŋ 2:18

Nîa-pɛlɛɛ, tãi gbɛɛ ŋái káa yɛ̂ɛ berei ka mɛni la a gɛɛ Kôrai ŋɔtɔɔ-maa-nuu a pâi, ŋɔtɔɔ-maa-ƃela támaa da nâa pá. M̀aa mɛni ma kwa gɔ́lɔŋ a gɛɛ gáa a tãi gbɛɛ ŋái.

Lûu 12:57

“Kɛ́lɛ, lé ƃe kɛ̀ káfa mɛni ŋá tèe kákpîŋ ma nyii zã̂ai?

Lûu 21:8

E mò dîa, ǹyɛɛi, “Ka kámɛi káa a gɛɛ núu da fé kápɛlɛ. Kpɛ́ni fêi, núu támaa da pâi pâi ńaai su, dí kɛ́ mò dîyɛɛ, ‘Ńyãa ƃa ǹyaa!’ díkɛ mò ŋɔ́nɔ dîyɛɛ, ‘Tãi a seri!’ Káfe pìlaŋ dípôlu.

Temete Veerɛi 3:13

Ŋwana-lɔ̂ɔ-ƃela da wôya-ƃela da pâi kɛ̂i nɔ́ a núu nyɔ́mɔɔ-ŋa a tãi kélee, núu-pɛlɛ-ƃela díyaŋ, núu kɛ́ dípɛlɛ.

M̀ɛni-lɛɛi 2:2

“ ‘Ŋá ítii-ŋai kɔ́lɔŋ, ímɔ̃lɛi, da ílii-kpelei gáa íyeêi da berei ífa sɔnyɔ̂ŋ-ƃela maa nɛ̂ɛ lai, kɛ́lɛ, ka diai su kɔ̀ɔŋ da díkpîŋ tòli a Zîsɛ ŋɔsia-ƃela ǹyaŋ dífe lai, ǹyaŋ í gàa a gɛɛ díkaa a wôya-ƃela.

Kɔleŋtiɛŋ Maa-ŋuŋ 12:10

Ŋ́ɛi-kɛ-maa kɛ́ɛ tɛ̂ɛi dɔnɔ pɔ́, Ɣâla-woo ƃoɔɔ tɛ̂ɛi dɔnɔ pɔ́, mɔlêŋ-ŋa loai kɔ́lɔŋ-tare tɛ̂ɛi dɔnɔ pɔ́. È sii-woo da kpɛ́ni-ŋa ƃó pere lɛ̀ núu da ni dîa. É zîi-woo da kpɛ́ni-ŋai núu fa târe dísui dísu-kulâi tɛ̂ɛi da-ni pɔ́.

Zia-ƃelai Kɛ́-mɛni-ŋai 20:29

Ŋa gɔ́lɔŋ a gɛ́ɛ ŋà kùla kásama, kɔ́li kpeɣeɛ-ŋa da pâi pilîi kásama, dífe pâi kámaa nɛ̃ɛ̂i;

Mâki 13:21

Gɛ̀ ní, núu da kélee à mò kâa, ǹyɛɛi, ‘Ka gáa, Kôrai káa ƃɛ́!’ kpaa ‘Ka gáa, gáa naa!’ káfe zìɣe a tɔ̃yâ,

Zɛlemaya 5:31

Ɣâla ŋɔlóno kɛ́-ƃelai dífa ŋɔ́nɔ mɛni da kpɛ́ni ƃò, fɛ̂ɛ dílɛɛ kɛ́. Zâla láa-soŋ-ƃelai da tûa nɔ́ yɛ̂ɛ ƃerei Ɣâla ŋɔlóno kɛ́-ƃelai da kɛ́ dîa ka tûa lai, ǹyaŋ ŋánûai dífa díyee kùla díwoo mu. Kɛ́lɛ, lé ƃé da pâi gɛ̂i à kɛ̀ m̀ɛni-ŋai ŋí kélee a seri gɔ̃yɛŋ mai?”

Zia-ƃelai Kɛ́-mɛni-ŋai 17:11

Zûu-ŋai kɛ̀ daai ŋí sui, wɛli-kɛ-maa è kɛ̀ díyêei é tɛ́ɛ Tɛsɛlonaika Zûu-ŋai dîa. Dí díyêei sèe Ɣâla ŋɔwóoi mu a dílii kélee. Dí kɛ̀ Ŋ̀âla-kɔlɔi su kâai a ɣele kélee a gɛ́ɛ dí gáa à kɛ̀ m̀ɛnii ŋí dí mò diai è kɛ̀ a tɔ̃yâ.

Kâloŋ Maa-ŋuŋ 13:18

Ɣâla ŋɔlóno kɛ́-nuu pɔlɔi è zu tòo ǹyɛɛ m̀ai, “Ńyãa máŋ ŋ́gaa a Ɣâla ŋɔlóno kɛ́-nuu nɔ́ yɛ̂ɛ berei íkaa lai. Ɣâla-taa kela tɔnɔ è lòno ḿbɔ a Yâwɛɛ wóo ǹyɛɛi, ‘Pá la pôlu ípɛrɛi lá a gɛ́ɛ é mii-sɛŋ mii, é yá kpéle.’ ” Kɛ́lɛ è kɛ̀ lɛ́ɛ kɛ̂i ma.

Zɛlemaya 14:14

Kɛ́lɛ Yâwɛɛ è mò ḿâ ǹyɛɛi, “Ɣâla ŋɔlóno kɛ́-ƃelai tí da lɛ́ɛ kɛ̂i a ńaa. Ḿve dítɛɛ ní, kpaa máŋ ŋá mɛni da ƃó dîa a gɛɛ dí m̀ó ńaai su. Zĩ̂a-ŋai díkaa lônoi é pîlaŋ mai, ńyãa fé dɛ̀ɛ ní. M̀ɛnii da m̀ôi, tɔ̃yâ fé zu. Díkpɔɔi kili-ŋa-sia ká tí da m̀ôi.

Zɛlemaya 23:16

Ŋ̀wála-wâla kélee Yâwɛɛ è mò Zerusâlɛŋ-ƃelai dîa ǹyɛɛi, “Káfe káwoli tɔ̀ɔ Ɣâla ŋɔlóno kɛ́-ƃelai dîa. Díkaa kili-kɛ-zu fòlo tɛɛ̂i kápɔ. Díkaa nɔ́ lônoi é pîlaŋ m̀ɛnii ma da díkili ŋá siâi lai. Kɛ́lɛ, m̀ɛnii da môi kâa, vé a ŋ́oo.

Tɛsɛlôniɛŋ Maa-ŋuŋ 5:20

Káfe káŋɛi naɣîŋ Ɣâla-woo-ƃoɔɔ mɛi.

Tɛsɛlôniɛŋ Veerɛi 2:2

a gɛ́ɛ kálii fé kpɛ̃liŋ, kpaa máŋ káfe yao à kɛ̀ kà mɛ̀ni a gɛ́ɛ Kúnuu-namui pá tãi aâ seri, a tãi kúkɛ lonoi lai, kpaa máŋ kú kúwoo tɛ̀ɛ, kpaa máŋ kú kɔlɔ tɛ̂ɛ a gɛ́ɛ é ŋ̀elei lɛ́ Kúnuu-namui è pà lai.

Zɔ̂ŋ Maa-ŋuŋ 2:7

Ŋáwɛli-kɛ maa-ƃelai, fé tɔ̂ŋ nina pɔ̃yɛɛ̂i kápɔ naa, kɛ́lɛ, dɔ̂ŋ pɔlɔi nyíi kɛ̀ káyêei é kúla gɔ́ɔ pîlanii mai ƃê. Dɔ̂ŋ pɔlɔi ƃa ŋ̀óoi nyíi ka m̀ɛnii.

Zɔ̂ŋ Zaaƃai 1:11

Ŋáwɛli-kɛ-maa nuui, ífe mɛni nyɔ́mɔɔ pɔ́ɔ kɔ̀ɔŋ, kɛ́lɛ, mɛni lɛ́lɛɛ pɔ́ɔ kɔɔ̂ŋ. Ǹúui a mɛni lɛ́lɛɛ kɛ̀i, gáa a Ɣâla pɔ́ɔ. Ǹúui a mɛni nyɔ́mɔɔ kɛ̀i, vé niî Ɣâla káa ní.