Zɔ̂ŋ Maa-ŋuŋ 2:8 - Ŋ̀âla Kɔlɔ Maa Waai

⁸ É máŋ kɛ́ tí, ŋa tɔ̂ŋ nina pɔ̃yɛɛ̂i kápɔ naa nyíi gáa a tɔ̃yâ gbonôi da kákponôi, kpɛ́ni fêi, gbínii káa tɛ̂ɛi, dɔ̃yâ-kwaa-ponoɔi kɛ́ nâa fólo.

Zɔ̂ŋ Maa-ŋuŋ 2:8 ပူးပေါင်းရင်းမြစ်များ

Wule-woo-ŋa 27:1

Yâwɛɛ ƃa ŋá kwaa ponoɔɔi da ŋ́uŋ ma ƃó nuu. Fé pâi yaôi núu da kélee ma. Yâwɛɛ ƃa ḿaa kɔ̃ɔ mɛni nyɔ́mɔɔ sii kélee su. Gbɛ̂ɛ ƃé ŋa pɔ̂ri ŋɔ́nɔ yaôi mai?

Wule-woo-ŋa 36:9

Yá ƃa fúlu-laa kélee kɔ́ɔ pîlani. Yá ƃé kwa kwaa ponoɔɔ kàa ísarâi.

Wule-woo-ŋa 84:11

Ɣâla Yâwɛɛ káa a kwaa ponoɔɔ. Ǹyaa ƃa kú maa kɔ̃ɔ-nuui. A kúmɛi kâa a ǹɛ́lɛɛ a ƃaa kɛ́ maa pere. Diai da tûa sãa kɛ̀i, a dífela fè.

Azaya 9:2

Diai kɛ̀ siâi kpînii, daâ kwaa ponóɔɔ su-kɛ́tɛ káa. Diai kɛ̀ lɔii kpíniɛɛ maa pɔlɔ-pɔlɔɔ sui, díkaa nâa kwaa ponóɔɔ kɛ́tɛ su.

Malakai 4:2

Kɛ́lɛ káai ka yâo ḿâi ŋátɔ̃yâ-laai a pâi ƃêlai kâa yɛ̂ɛ fólo, gɛ́ pà a ƃálo-laa kápɔ yɛ̂ɛ fólo-kpã̂le. Ka pâi kɛ̂i a ká ŋuŋ-maa-ƃóɔɔ kálii kɛ́ nɛ̃ɛ yɛ̂ɛ da niŋa-lônii kula kóraŋ su díkɛ pìli-pili.

Maafîu 4:16

ǹûai nyii-ŋai kɛ̀ sêe ni kpînii, dí kwaa ponoɔ kɛ́tɛ kàa, nyii-ŋai kɛ̀ see ni saa-taa kpíni su da ŋɔninîŋ mui, kwaa-ponoɔ a kula a dia.”

Lûu 1:79

a gɛɛ e kwaa-ponoɔ tɛɛ dípɔ diai díkaa seêni kpini da saa-ninîŋ sui, e kúsia-pere lɛ kûa lii-sêe-pere su.”

Zɔ̂ŋ 1:9

Dɔ̃yâ kwaa-ponoɔi nyii a fôlo núu-kpune kélee mai, è kɛ̀ pâi ǹɔii su.

Zɔ̂ŋ 12:35

Zîsɛ e mò dîa, ǹyɛɛi, “Gwaa-ponoɔi káa kákɔlɛ a tãi su kôyaa kuro. Ka sia tãi gwaa-ponoɔi káa káyêei, kpíni fe làa pɛlɛ la kâa; ǹúui a sîa a kpinii, ve ƃɛi kɔ́lɔŋ a liî naai.

Zɔ̂ŋ 12:46

Ŋá pá yɛ̂ɛ kwaa-ponoɔ ǹɔii su, a gɛɛ ǹúui nyii kélee à làa a ńyãai, ve lɛɛ kpinîi.

Zɔ̂ŋ 13:34

Ŋa tɔ̂ŋ nina tɛɛ̂i kápɔ, a gɛɛ ka kákîe-ni wɛli; yɛ̂ɛ berei ŋa káwɛli lai, a gɛɛ káa máŋ ka kákîe-ni wɛli ti.

Zɔ̂ŋ 8:12

Zîsɛ e ŋɔ́nɔ lóno dípɔ, ǹyɛɛi, “Ńyãa ƃa ǹɔii ŋɔkwaa-ponoɔi; ǹúui nyii a pîlaŋ ḿbôlui ve pâi siâi kpinii. Kɛ́lɛ, gwaa-ponoɔ fulu-laai a pâi kɛ̂i ǹyêei.”

Zia-ƃelai Kɛ́-mɛni-ŋai 17:30

Ɣâla è ŋ̀ɛ́i nàɣiŋ mɛni-ŋai mɛi ká gɛ̀ a tãi káfe kɛ́ ní a gɔ́lɔŋɔɔ lai. Kɛ́lɛ, a nâa núu kélee tóli a gɛ́ɛ dí dílii pene.

Zia-ƃelai Kɛ́-mɛni-ŋai 26:18

a gɛ́ɛ í díŋɛi lá ƃo í díkula kpinîi í pa a dia kwaa-ponoɔ su í díkula Sêtɔŋ ŋɔwála-walai su í pa a dia Ɣâla pɔ, a gɛ́ɛ dí sɔnyɔ̂ŋ su-mɛni-lɛɛ maa sɔlɔ ƃo. A gɛɛ ŋɔ́nɔ dí kwaa ma sɔlɔ ƃo diai sama, nyíi-ŋai dímaa waâi a naa-laai gáa díyêei ḿɛni mai.’

Lomaŋ 13:12

gbínii a gbâa tɛɛ, ŋele-ƃɔɔi a nâa lɛɣɛ. Mɛni ma kwaa ku gbini tii píli ku ŋele-ƃɔɔi ŋɔtii-kɛ sãai siɣe.

Kɔleŋtiɛŋ Veerɛi 8:9

Kpɛ́ni fêi, ka Kúnuu-namui Kôrai ŋɔƃɛlɛ-sêei kɔ́lɔŋ a gɛ́ɛ berei máŋ è kɛ̀ a dɔɔ lai, é máŋ kɛ́ ti è kɛ̀ a kôlo-nuu kámɛni ma a gɛ́ɛ ŋɔkôlo-laai sârai ká kɛ́ a tɔɔ-ƃela.

Ifisiɛŋ 5:8

kpɛ́ni fêi, ká kɛ̀ a kpini a tãi da, kɛ́lɛ, kákaa nâa a kwaa-ponoɔ Kúnuu-namui kponôi. Ka sia yɛ̂ɛ kwaa-ponoɔɔ su-nia-pɛlɛɛ.

Temete Veerɛi 1:10

A nâa ńɛ Kúƃalo-nuui Zîsɛ Kôrai ŋɔpâi sarâi nyíi saa kpera é pá a wɔlɔ-wɔlɔ fulu-laa fíeŋ ŋá Duŋ Lɛ́lɛɛi sarâi.

Pitɛ Maa-ŋuŋ 1:21

Ŋ̀âlai nyíi m̀u siɣe saa yêei é fólo-laa tɛ̀ɛ bɔi, ká láa la Zîsɛ sarâi a gɛɛ kálaa-lai da kákili-kɛ-zui káa Ɣâla kponôi.

Zɔ̂ŋ Maa-ŋuŋ 3:23

Ŋɔtɔ̂ŋ ká ŋí a gɛɛ fɛ̂ɛ kú láa a Ǹóŋ Zîsɛ Kôrai láa, kú kúkîe-ni wɛ́li yɛ̂ɛ berei è mò la kûai.

Zɔ̂ŋ Maa-ŋuŋ 4:11

Ŋáwɛli-kɛ-maa-ƃelai, à kɛ̀ Ɣâla è kúwɛ̀li a bere-sii ti, fɛ̂ɛ kúa máŋ kú kúkîe-ni wɛ́li.

Zɔ̂ŋ Maa-ŋuŋ 4:21

Ǹyaŋ kú dɔ̂ŋ ŋí kùla ǹyêei, a gɛɛ ǹúui à Ɣâla wɛ̀li, fɛ̂ɛ nɔ́ é gɔlɛ-ma-nuui wɛli máŋ.