Zɔ̂ŋ Maa-ŋuŋ 2:7 - Ŋ̀âla Kɔlɔ Maa Waai

⁷ Ŋáwɛli-kɛ maa-ƃelai, fé tɔ̂ŋ nina pɔ̃yɛɛ̂i kápɔ naa, kɛ́lɛ, dɔ̂ŋ pɔlɔi nyíi kɛ̀ káyêei é kúla gɔ́ɔ pîlanii mai ƃê. Dɔ̂ŋ pɔlɔi ƃa ŋ̀óoi nyíi ka m̀ɛnii.

Zɔ̂ŋ Maa-ŋuŋ 2:7 ပူးပေါင်းရင်းမြစ်များ

Levetekɔ 19:18

Káfe mɛni kpâ kùla, kpaa máŋ mɛni nyɔ́mɔɔ é kɛ́ kálii su káƃarâŋ nuu mɛni ma, kɛ́lɛ ka kákɔlɛ ma ǹúui wɛ́li yɛ̂ɛ káa kpîŋ. Ńyãa ƃa Yâwɛɛ.

Levetekɔ 19:34

Ka ŋ̀ɔ̃ya-ŋai síɣe a káta, ká díwɛli yɛ̂ɛ káa kpîŋ, kpɛni fêi, káa máŋ ka kɛ̀ a ŋɔ̃ya-ŋa Ize lɔii su. Ńyãa ƃa Káɣâlai, Yâwɛɛ.

Maafîu 5:43

“Ká nyiŋi mɛ̀ni dí mòi, ‘Íkɔlɛ-ma-nuui wɛ́li í íkpɔara-nuui kpɔara.’

Zɔ̂ŋ 13:34

Ŋa tɔ̂ŋ nina tɛɛ̂i kápɔ, a gɛɛ ka kákîe-ni wɛli; yɛ̂ɛ berei ŋa káwɛli lai, a gɛɛ káa máŋ ka kákîe-ni wɛli ti.

Zia-ƃelai Kɛ́-mɛni-ŋai 17:19

Nya ƃe dí Pɔ̂ɔ sòŋ dí pá la Ɛreɔpagɔ kɔyaŋ su-ƃelai ŋɛ́i-tuɛ, dîyɛɛ mài, “Kwa ŋ̀wɛ̂lii kú ísɛŋ-lɛɛ ninai kɔ́lɔŋ, nyíi íkaa ǹɛ̂i.

Dutɛrɔnome 6:5

Ka ŋ̀wɛ́li a kálii kélee, kámɔlêŋ kélee da káwala-walai kélee.

Ibulu 6:9

Berei máŋ kwa lônoi la a bere sii ŋí, ŋáwɛli-kɛ-maa ƃelai, à kɛ̀ a kápɔ-pere, kúlaâi la kpɔ́ a gbanaŋɔɔ a gɛɛ mɛni lɛ́lɛɛ-ŋa da pâi kulâi kákponôi, nyíi-ŋai díkaa a ƃalo-laa pɔ́ɔi.

Zɔ̂ŋ Maa-ŋuŋ 2:24

M̀ɛnii ká mɛ̀ni gɔ́ɔ pîlanii, tɔɔ é kɛ́ kákponôi. À kɛ̀ m̀ɛnii ká mɛ̀ni gɔ́ɔ pîlanii à kɛ̀ kákponôi, gɛ̀ ní, káa kpîŋ ka pâi kɛ̂i Nòŋ-nuui kponôi da Nàŋ-nuui.

Zɔ̂ŋ Maa-ŋuŋ 3:11

Ŋ̀orɛ̂-wooi ká ŋí nyíi ká mɛni é kúla gɔ́ɔ pîlanii a gɛɛ fɛ̂ɛ kú kúkîe-ni wɛ́li.

Zɔ̂ŋ Maa-ŋuŋ 3:2

Ŋáwɛli-kɛ-maa-ƃelai kákaa nâa a Ɣâla ǹônii. Vé niî lɛ́ ní kûa berei kwa pâi kɛ̂i lai. Kɛ́lɛ, kú gɔlɔŋ tãi a pâi pâi lai, kwa pâi kɛ̂i yɛ̂ɛ ǹyaa, kpɛ́ni fêi, kwa pâi gaâi nɔ́ yɛ̂ɛ berei gáa lai.

Zɔ̂ŋ Maa-ŋuŋ 3:21

Ŋáwɛli-kɛ-maa ƃelai, kúlii à wàla mɛni lɛ́ɛ kûa, gɛ̀ ní kúlii kpelêɛi Ɣâla ma.

Zɔ̂ŋ Maa-ŋuŋ 3:23

Ŋɔtɔ̂ŋ ká ŋí a gɛɛ fɛ̂ɛ kú láa a Ǹóŋ Zîsɛ Kôrai láa, kú kúkîe-ni wɛ́li yɛ̂ɛ berei è mò la kûai.

Zɔ̂ŋ Maa-ŋuŋ 4:1

Ŋáwɛli-kɛ-maa-ƃelai, káfe làa a mɔ̂leŋ kélee, kɛ́lɛ, ka mɔ̂leŋ-ŋai kɔɔ̂ŋ, ká gáa à kɛ̀ díkaa a Ɣâla pɔ́ɔ. Kpɛ́ni fêi, Ɣâla-maa-wôya lono-kɛ-ƃela támaa da lí ǹɔii su.

Zɔ̂ŋ Maa-ŋuŋ 4:11

Ŋáwɛli-kɛ-maa-ƃelai, à kɛ̀ Ɣâla è kúwɛ̀li a bere-sii ti, fɛ̂ɛ kúa máŋ kú kúkîe-ni wɛ́li.

Zɔ̂ŋ Maa-ŋuŋ 4:21

Ǹyaŋ kú dɔ̂ŋ ŋí kùla ǹyêei, a gɛɛ ǹúui à Ɣâla wɛ̀li, fɛ̂ɛ nɔ́ é gɔlɛ-ma-nuui wɛli máŋ.

Zɔ̂ŋ Maa-ŋuŋ 4:7

Ŋáwɛli-kɛ-maa-ƃelai, kwaa kúkîe-ni wɛ́li. Kpɛ́ni fêi, wɛli-kɛ-maa káa a Ɣâla pɔ́ɔ, ǹyaŋ ǹúui wɛli-kɛ-maa káa gbonôi, gáa a Ɣâla ǹóŋ, gɛ ƃô a Ɣâla kɔ́lɔŋɔɔ.