Zɔ̂ŋ Maa-ŋuŋ 2:3 - Ŋ̀âla Kɔlɔ Maa Waai

³ Nyíŋi a nɛ̀ a tɔ̃yâ a gɛɛ kú gɔ́lɔŋ, à kɛ̀ kwa ŋɔtɔ̂ŋ ŋai mɛi kâa.

Zɔ̂ŋ Maa-ŋuŋ 2:3 ပူးပေါင်းရင်းမြစ်များ

Wule-woo-ŋa 119:32

Ŋa pâi ítɔ̂ŋ-ŋai mɛi kâai, kpɛ́ni fêi, ya pâi táre támaa tɛɛ̂i ḿbɔ.

Wule-woo-ŋa 119:6

Ŋà sìa a ítɔ̂ŋ-ŋai wóo, gɛ̀ ní fé pâi ŋumɛ̂i.

Azaya 53:11

Ŋɔmɔ̃́lɛ-laai pôlu ma, lii-nɛ̃̂ɛ a pâi kɛ̂i m̀a. Ŋɔmɔ̃́lɛ-laai fé pâi kɛ̂i kpɛ́ni-kpɛni. Ńii lâai ŋátíi kɛ́-nuui mɛ̂ni ma. A pâi núu támaa dímɛni kula maa kɛ́ɛi maa mɛni solii siɣêi. Ŋa pâi núu támaa dísɔnyɔ̂ŋ su mɛni lɛɛ̂i zarâi.

Lûu 6:46

“Le ƃe kɛ̀ ka ńdòli a Kúnuu-namui, Kúnuu-namui? Kɛ́lɛ, káfa mɛni-ŋai kɛ̂ ŋa mòi.

Zɔ̂ŋ 14:15

“À kɛ̀ ká ŋ́wɛli ni, ka pâi ŋátɔ̂ŋ-ŋai mɛi kâai.

Zɔ̂ŋ 15:10

À kɛ̀ kà ŋátɔ̂ŋ-ŋai mɛi kâa, ka pâi kɛ̂i ŋáwɛli-kɛ-maai su, yɛ̂ɛ berei ŋa Ńâŋ ŋɔtɔ̂ŋ-ŋai mɛi káa lai, ŋ́gɛ ƃo ŋɔwɛli-kɛ-maai sui.

Zɔ̂ŋ 15:14

Kákaa a ŋáwɛli-kɛ-maa ƃela, à kɛ̀ kà mɛnii kɛ̀ ŋa mò kâai.

Zɔ̂ŋ 17:3

Ǹyaŋ wɔlɔ-wɔlɔ fulu-laa ká ŋi a gɛɛ dí íkɔlɔŋ a Dɔ̃yâ Ɣala tɔnɔi, ka Zîsɛ Kôrai nyii ya dɛɛi.

Kɔleŋtiɛŋ Veerɛi 4:6

Ŋ̀âlai ŋí ƃé m̀o, ǹyɛɛi, “Tɔɔ kwaa-ponoɔ é folo gbínii su,” nyíi a fólo kúlii su a gɛ́ɛ e Ɣâla ŋɔfólo-laai maa-tarei ŋɔkwaa-ponoɔi tɛ́ɛ kúpɔ volo-laai su nyíi gáa Kôrai mai.

Ibulu 5:9

Gɛɛ kɛ̀ a núu maa waai è kɛ̀ a wɔlɔ-wɔlɔ fúlu-laa diai kélee mɛni mà ŋ̀óo mɛnii.

Zɔ̂ŋ Maa-ŋuŋ 2:13

Ŋa kɔlɔ pɔ̃yɛɛ̂i kápɔ naa, ńâŋ-ni, kpɛ́ni fêi, ka ǹúui kɔ́lɔŋ é kùla gɔ́ɔ pîlanii. Ŋa kɔlɔ pɔ̃yɛɛ̂i kápɔ naa, nyaŋkpa-ŋa, kpɛ́ni fêi, káyee a tɛɛ ŋwana-lɔ̂ɔ-nuui ma. Ŋa kɔlɔ pɔ̃yɛ kápɔ naa, nîa-pɛlɛɛ, kpɛ́ni fêi, ka Nàŋ-nuui kɔ́lɔŋ.

Zɔ̂ŋ Maa-ŋuŋ 3:14

Kú gɔlɔŋ a gɛɛ kwa pá fúlu-laa su. Kpɛ́ni fêi, kú ǹûai wɛ̂li ni. Ǹúui wɛli-kɛ-maa fé ǹyêei a lɛ̂ɛ saa su.

Zɔ̂ŋ Maa-ŋuŋ 3:19

Nyíŋi su ƃe kwa pâi gɔ́lɔnîi naa a gɛɛ kúkaa a dɔ̃yâi pɔ́ɔ. Lii-kpele a pâi kɛ̂i kúlii su ŋ̀ɛ́i,

Zɔ̂ŋ Maa-ŋuŋ 3:6

Ǹúui kélee a kɛ̂ gbonôi, va sɔnyɔ̂ŋ kɛ̀. Ǹúui kélee a sɔnyɔ̂ŋ kɛ̀i, vé niî gáa ni, kpaa máŋ, vé niî gɔlɔŋ ni.

Zɔ̂ŋ Maa-ŋuŋ 4:13

Bere-sii ŋí ƃe kwa gɔ̀lɔŋ la a gɛɛ kúkaa Ɣâla kponôi, ǹyaŋ gɛ ƃo kúkponôi, kpɛ́ni fêi, a Ŋɔmɔ̂leŋ kpîŋ tɛɛ kúpɔ.

Zɔ̂ŋ Maa-ŋuŋ 4:7

Ŋáwɛli-kɛ-maa-ƃelai, kwaa kúkîe-ni wɛ́li. Kpɛ́ni fêi, wɛli-kɛ-maa káa a Ɣâla pɔ́ɔ, ǹyaŋ ǹúui wɛli-kɛ-maa káa gbonôi, gáa a Ɣâla ǹóŋ, gɛ ƃô a Ɣâla kɔ́lɔŋɔɔ.

Zɔ̂ŋ Maa-ŋuŋ 5:19

Kú gɔ̀lɔŋ kúkaa a Ɣâla pɔ́ɔ, ǹɔii kélee káa ŋ̀wana-lɔ̂ɔ-nuui ŋɔwala-walai yée mu.

Zɔ̂ŋ Maa-ŋuŋ 5:2

Nyíŋi su ƃe kwa gɔ́lɔŋ naa a gɛɛ kú Ɣâla ǹônii wɛ́li ni, tãi kwa Ɣâla wɛ̀li la kú ŋɔtɔ̂ŋ-ŋai mɛi káai.

Zɔ̂ŋ Maa-ŋuŋ 5:3

Ɣâla ŋɔwɛli-kɛ-maai ká ŋí a gɛɛ kú ŋɔtɔ̂ŋ-ŋai mɛi káa. Ŋɔtɔ̂ŋ-ŋai dífe wuyɛ ni.

M̀ɛni-lɛɛi 12:17

Nya ƃe ǹyao maa suai líi è ŋwàna ǹɛnîi ma, é lí a gɛɛ é kɔ́ pɛ́lɛ ǹônii kpéli-ŋai dîa nyíi-ŋai Ɣâla ŋɔtɔ̂ŋ-ŋai mɛi kâa dí Zîsɛ maa sêre faa kɛi.

M̀ɛni-lɛɛi 14:12

Ŋ̀âla-ƃelai dílii-kpelei maa-toli ká ŋí, nyíi-ŋai Ɣâla ŋɔtɔ̂ŋ-ŋai mɛi káa da Zîsɛ ŋɔlaa-lai.

M̀ɛni-lɛɛi 22:14

Lûwa káa diai dîa da díyokpo-ŋai wâa, a gɛɛ é kɛ́ a sɛŋ dí vulu-laa-wurui m̀á da sɔlɔ ƃó a gɛɛ dí tɛɛ ziɣãŋ láƃelei dí tɛ́ daa-leei sui.