Zɔ̂ŋ Maa-ŋuŋ 2:2 - Ŋ̀âla Kɔlɔ Maa Waai

² Ǹyaa kpîŋ ƃa kúsɔnyɔ̂ŋ maa-sala-sɛŋ. Vé nɔ́ kúa tɔnɔ kúsɔnyɔ̂ŋ mɛni ma, kɛ́lɛ, gáa ǹɔii kélee ŋɔsɔnyɔ̂ŋ mɛni ma.

Zɔ̂ŋ Maa-ŋuŋ 2:2 ပူးပေါင်းရင်းမြစ်များ

Levetekɔ 16:10

Kɛ́lɛ m̀olii nyii gbɛɣɛŋ a pâi ǹɛ̂i a gɛɛ gáa a vɛ̃ɛ-kpâlaŋ su nyînaŋ pɔ́ɔi, Eelɔŋ a pâi pâi la Yâwɛɛ ŋɛ́i-tuɛ sɔnyɔ̂ŋ su mɛni lɛɛ mɛni ma, a gɛɛ dí ƃó ma é ǹûai dí sɔnyɔ̂ŋ siɣe é lí la vɛ̃ɛ-kpâlaŋ su nyînaŋ pɔ́ naa.

Lûu 14:22

Ǹyée-mu-nuui e mò, ǹyɛɛi, ‘Ńâmu, mɛnii í mòi aâ kɛ́, kɛ́lɛ, núu-seei káa niî ƃɛ.’

Zɔ̂ŋ 1:29

Bôlu ma-ɣelei Zɔ̂ŋ e Zîsɛ kàa, gɛ pa bɔ-pere. E mò, ǹyɛɛi, “Ka Ɣâla Ŋɔƃála-loŋ káa, nyii a ǹɔii ŋɔsɔnyɔ̂ŋ sìɣei!

Zɔ̂ŋ 12:32

ǹyaŋ tãi da pâi ńdɛ̂i la ŋá kúla ǹɔii mai, ŋa pâi núu-kpune kélee ɣalâi ŋ́gbîŋ ma.”

Zɔ̂ŋ 4:42

Dí mò nɛnîi ma, dîyɛɛi, “Íwoôi ǹyaŋ mɛni ŋɔ́nɔ fe kúlâi la, kpɛ́ni fêi, kúa kpîŋ kwa ŋ̀óo mɛ́ni, ǹyaŋ ku gɔlɔŋ a gɛɛ ǹɔii Ŋɔƃálo-nuui kpîŋ ká ŋi.”

Ibulu 2:17

Mɛni ma fɛ̂ɛ é kɛ́ yɛ̂ɛ m̀arâai pere sii kélee su, a gɛɛ é kɛ́ a sâla láa soŋ-nuu kɛ́tɛ nyíi maloŋ-kâa káa ǹyêei zã́a Ɣâla ŋɔtíi su, a gɛɛ é ǹûai dísɔnyɔ̂ŋ maa-sala kula.

Pitɛ Maa-ŋuŋ 2:24

Ǹyaa kpîŋ è kúsɔnyɔ̂ŋ-ŋai síɣe gbonôi zaa-wurui mâ, a gɛɛ kú kpera kúɣeniɛi kɛ́ɛ ma sɔnyɔ̂ŋ mɛni ma, kú kúɣeniɛi kɛ́ tɔ̃yâ-laa mɛni ma. Ǹókwa-pala-ŋai dí káƃàlo.

Pitɛ Maa-ŋuŋ 3:18

Kpɛni fêi, Kôrai máŋ è sàa sɔnyɔ̂ŋ mɛni ma zu tɔnɔ. Dɔ̃yâ-nuui è sàa kúai kúkaa a zɔnyɔ̂ŋ-ƃelai kúmɛni ma a gɛɛ é pá a kúa Ɣâla pɔ́. Dí gbono pàa, kɛ́lɛ, è kɛ̀ a vúlu mɔlêŋ su.

Zɔ̂ŋ Maa-ŋuŋ 1:7

Kɛ́lɛ, à kɛ̀ kwa sìa gwaa-ponoɔi su yɛ̂ɛ berei gáa la a gwaa-ponoɔi, gɛ̀ ní kwa dai-ni kúlii káa tɔnɔ, gɛ̀ ní Nòŋ-nuui Zîsɛ Kôrai ŋɔŋãai a kúsɔnyɔ̂ŋ kélee wáa kûa.

Zɔ̂ŋ Maa-ŋuŋ 3:5

Ká gɔ̀lɔŋ è pà a gɛɛ é sɔnyɔ̂ŋ siɣe, ǹyaŋ sɔnyɔ̂ŋ fé gbonôi.

Zɔ̂ŋ Maa-ŋuŋ 4:10

Dɔ̃yâ-wɛli-kɛ-maai kpîŋ fa a gɛɛ kú Ɣâla wɛ́li ni. Kɛ́lɛ, dɔ̃yâ-wɛli-kɛ-maai kpîŋ ƃa Ɣâla è kúwɛli ni. Ǹyaŋ è Ǹóŋ tɛ̀ɛ a gɛɛ é kɛ́ a kúsɔnyɔ̂ŋ maa-sala-sɛŋ.

Zɔ̂ŋ Maa-ŋuŋ 4:14

Ǹyaŋ kwa gáa, kwa maa-sere-faa kɛ́ a gɛɛ Nàŋ-nuui è Nòŋ-nuui tɛ̀ɛ a gɛɛ é kɛ́ a ǹɔii-Ƃalo-nuu.

Zɔ̂ŋ Maa-ŋuŋ 5:19

Kú gɔ̀lɔŋ kúkaa a Ɣâla pɔ́ɔ, ǹɔii kélee káa ŋ̀wana-lɔ̂ɔ-nuui ŋɔwala-walai yée mu.

M̀ɛni-lɛɛi 12:9

Dí ǹyao maa sua kɛ́tɛi tòo ǹɔii ma, nyíi gáa a gali pɔlɔi nyíi da dòli a Dɛ̂ƃele da Sêtɔŋ. Gáa a ǹɔii kélee pɛlɛ nuu. Dí dòo ǹɔii mâ da ŋɔkéla-ŋai kélee.