Zɔ̂ŋ Maa-ŋuŋ 2:1 - Ŋ̀âla Kɔlɔ Maa Waai

¹ Nónîi, ŋa m̀ɛnii ŋí pɔ̃yɛɛ̂i ká pɔ́naa a gɛɛ káfe sɔnyɔ̂ŋ kɛ̀. Kɛ́lɛ, à kɛ̀ núu da à sɔnyɔ̂ŋ kɛ̀, kúmɛi-woo ƃo-nuu káa naa Nàŋ-nuui pɔ́naa, ǹyaa ƃa dɔ̃yâ-nuui Zîsɛ Kôrai.

Zɔ̂ŋ Maa-ŋuŋ 2:1 ပူးပေါင်းရင်းမြစ်များ

Wule-woo-ŋa 4:4

Káfe nɛ̀ɛ naa kálii-ŋwânai é gɛ́ ká píli sɔnyɔ̂ŋ su. Ka kákili ŋá sía kpɔ́ a gbanaŋɔɔ é pîlaŋ m̀ɛnii ŋí ma tãi ka kɛ̀ lâani la kágbìŋ-ŋai ŋá kámɛi saai.

Izikiɛ 3:21

Kɛ́lɛ, à kɛ̀ ya deniŋ ƃô nuui lia-woo ƃò a ɣɛɛ é kpéra ŋɔsɔnyɔ̂ŋ mâ, a ŋ̀óli tɔ̀ɔ yâ vé sɔnyɔ̂ŋ kɛ́ ní, a pâi lɛɛ̂i ɣele ma. Kpɛ́ni fêi è ŋ̀óli tɔ̀ɔ ília-wooi ma. À kɛ̀ tí yá máŋ ya pâi lɛɛ̂i ɣele ma.”

Zɛkɛrâya 9:9

Óo lii-nɛ̃̂ɛ kúla Zãiyɔŋ-loŋ-nɛnii! Óo Zerusâlɛŋ ǹóŋ-nɛnii, láɣi ɣelêi! Gáa, íkâloŋ káa pâi ípɔ! Zã̂ai ƃálo-laa kɛ́ ƃò ǹyêei, ǹíi maa yeŋɔɔ, gɛ́ ƃò seêni wɛlɛ-sôo-loŋ mɛi.

Lûu 10:22

Ńâŋ a sɛŋ kélee tɛ́ɛ ḿbɔ; núu da fé Nòŋ-nuui kɔlɔŋ fɛ̂ɛ Nàŋ-nuui, kpaa núu da fé Nâŋ-nuui kɔlɔŋ fɛ̂ɛ Nòŋ-nuui, bɛlɛɛ la ǹúui ma nyii Nòŋ-nuui a ziɣe a gɛɛ e ǹɛ mai.”

Zɔ̂ŋ 10:15

yɛ̂ɛ berei Nàŋ-nuui e ŋ́gɔlɔŋ lai, ńyaŋ ŋ́gɛ ƃo a gɔlɔŋɔɔ̂i. Ǹyaŋ ŋá ŋáfulu-laai tɛ̀ɛ m̀ála-ŋai mɛni ma.

Zɔ̂ŋ 13:33

Nîa-pɛlɛɛ, ŋ́gaa kákɔlɛ a guro. Ka pâi ŋ́gɔrîi; ǹyaŋ yɛ̂ɛ berei ŋá mò la Zûu-ŋai diai ŋa nâa môi ti kâa, a gɛɛ, ‘Ƃɛi ŋa liî naai káfa pɔ̂ri pâi naa.’

Zɔ̂ŋ 14:16

Ǹyaŋ ŋa pâi Nàŋ-nuui fɛlîi, a pâi Kpɔŋ-maa-nuu da kpɛni tɛɛ̂i kápɔ é kɛ́ kákɔlɛ nɔ wɔlɔ-wɔlɔ.

Zɔ̂ŋ 14:6

Zîsɛ e mò ma, ǹyɛɛi, “Ńyãa ƃa berei, dɔ̃yâi, da vulu-laai; núu da fa pâ Nàŋ-nuui pɔ fɛ̂ɛ ńzârai.

Zɔ̂ŋ 21:5

Zîsɛ è dímarê kɛ̀, “Ńônii, kâa nyɛ̃ɛ soŋ?” Dí ŋ̀óo su tòo, dîyɛɛi, “Kpao.”

Zɔ̂ŋ 5:14

Nàa pôlu ma Zîsɛ è gàa Ŋ̀âla-pɛrɛ Kɛ́tɛi mu. È mò ma, ǹyɛɛi, “Gáa, ya nâa ƃálo! Ífe ŋɔ́nɔ sɔnyɔ̂ŋ kɛ̀, mɛni nyɔ́mɔɔ fé lâa ŋɔ́nɔ íkɛ la.”

Zɔ̂ŋ 5:36

Kɛ́lɛ, zêre-wooi gáa ńyêei, dɛɛ̂i Zɔ̂ŋ ŋɔi ma, kpɛ́ni fêi, díi-ŋai nyii Nàŋ-nuui e dɛ̀ɛ ḿbɔ a gɛɛ ŋá gɛ́i, díi-ŋai ŋi kpîŋ nɔ nyii ŋa gɛ́i, díkaa a ŋásêre a gɛɛ Nàŋ-nuui ƃe ńdɛ̀ɛ.

Zɔ̂ŋ 6:27

Káfe mii-sɛŋ maa-tii kɛ̀ nyii a kàra, fɛ̂ɛ mii-sɛŋ nyii gáa wɔlɔ-wɔlɔ fulu-laa mɛni ma, nyii núu-kpune Ǹóŋ a pâi dɛɛ̂i kápɔi, kpɛ́ni fêi, Ɣâla Nàŋ-nuui a gɛ́ a gɛɛ e nyíti kɛ́.”

Zɔ̂ŋ 8:11

Ǹɛnîi è mò ma, ǹyɛɛi, “Núu da fé gɛ̀ ní ti, Ŋánuu-namui.” Nya ƃe Zîsɛ è mò ma, ǹyɛɛi, “Ńyãa máŋ fé tɔ̂ŋ pûi yâ. Lí, ífe ŋɔ́nɔ sɔnyɔ̂ŋ kɛ̀.”]

Zia-ƃelai Kɛ́-mɛni-ŋai 7:52

Ɣâla ŋɔlóno kɛ́-ƃelai nênɛ ƃé vé mɛni-soli káa ní kánâŋ-ni yêei? Kánâŋ-ni dí Ɣâla ŋɔworɛ̂-woo ƃó-ƃelai kélee pàa a nyíi-ŋai kɛ̀ Dɔ̃yâ Nuui pá mɛni ƃôi nàa túɛi. Káa kpîŋ ka káyee kúla Dɔ̃yâ Nuui ŋí mu ka bàa.

Lomaŋ 5:10

À kɛ̀ tãi kú kɛ̀ la a Ɣâla kpɔara-ƃelai, Ǹóŋ ŋɔsaai è pà a kúa pôlu Ɣâla pɔ́, gɛ̀ ní gáa a tɔ̃yâ a gɛ́ɛ Ǹóŋ ŋɔfúlu-laai a pâi kúƃalôi, kpɛ́ni fêi, a nâa pá a kúa pôlu Ɣâla pɔ́.

Lomaŋ 6:15

Lé ƃé ŋaŋ? M̀aa nɛ̃ɛ̂i kú sɔnyɔ̂ŋ kɛ́, kpɛ́ni fêi, kúfe tɔ̂ŋ mu, fɛ̂ɛ m̀ɛlɛ-seei? Vé tí a dɔnɔ kpîŋ!

Lomaŋ 8:34

gbɛ̂ɛ ƃa mɛni lɛ̂ɛ núu mai? Zîsɛ Kôrai ƃe nyíi sàa e ŋɔ́nɔ mu siɣe máŋ saa yêei, nyíi gáa seêni Ɣâla laa-mii-yee mɛi, nyíi a tɔ̂ɔ kúmɛni ma Ɣâla ŋɛi tuɛi?

Kɔleŋtiɛŋ Maa-ŋuŋ 15:34

Ka pá pôlu ŋɔ́nɔ kákili-ŋa-sia lɛ́lɛɛ-ŋai su, káfe ŋɔ́nɔ sɔnyɔ̂ŋ kɛ̀. Kpɛ́ni fêi, Ɣâla maa-tarei fé ǹúui da-ni yêei. Ŋa nyíŋi ƃôi a gɛ́ɛ ŋa káŋumɛ.

Kɔleŋtiɛŋ Veerɛi 5:21

Kpɛ́ni fêi, Kôrai nyíi ve kɛ́ ni a sɔnyɔ̂ŋ kɔ́lɔŋɔɔ̂i, Ɣâla e sɔnyɔ̂ŋ pu mà kúmɛni ma a gɛ́ɛ ku kɛ́ a ǹyaa Ɣâla ŋɔtɔ̃yâ-ƃela Kôrai kponôi.

Galesiɛŋ 4:19

Ŋánîa-pɛlɛɛi, ŋ́gaa ŋɔ́nɔ mɛni-soli su kámɛni ma, é lɛ́ɛ la zu Kôrai é kɛ́ kákponôi a ǹɛ́lɛɛ!

Ifisiɛŋ 2:18

Kpɛ́ni fêi, zarâi ƃe Zûu-ŋai da Zɛ̃tai-ŋai da pere kâa naa a gɛ́ɛ dí pa Nàŋ-nuui pɔ kili-ŋa-sia tɔnɔ su.

Ifisiɛŋ 4:26

Kálii à ŋwàna, káfe sɔnyɔ̂ŋ kɛ̀. Kálii-ŋwanai fé lɛ̀ɛ zu fólo é li.

Temete Maa-ŋuŋ 2:5

Kpɛ́ni fêi, Ɣâla káa nɔ́ tɔnɔ, ǹyaŋ nuu-loai-nuu tɔnɔ nɔ́ ƃe naa nyíi gáa Ɣâla loai da núu-kpunei. Maa-nuui ƃa Zîsɛ Kôrai,

Temete Maa-ŋuŋ 3:14

Kili-kɛ-zu káa ńyêei a gɛ́ɛ ŋá pá kápɔ a maa-félaa, kɛ́lɛ, ŋ́gaa deniŋ-tɔɔ mɛni-ŋai ŋí pɔ̃yɛɛ̂i kápɔ naa a gɛ́ɛ,

Ibulu 9:24

Kpɛ́ni fêi, Kôrai fé lì ní gwaa maa waai ma nyíi dí gbɛtɛ a díyêei, nyíi gáa a dɔ̃yâ-kwaa maa waai ŋɔpɔkɔɔŋ, kɛ́lɛ, è lì Ɣâla-taa kpîŋ a gɛɛ é nâa kùla é tɔ́ɔ Ɣâla ŋ́ɛi kúmɛni ma.

Zĩi 1:27

Ɣâla mɛni kɛ́ɛ nyíi maa waai, maa fé kara ni Ɣâla Nàŋ-nuui ŋɛ́i-tuɛi, ǹyaa ká ŋí, a gɛɛ núu é tee-lonii naa káa da pɔɔ-nɛyaa a tãi da kɛ̂ la mɛni-kpɔ̂lu sui, a gɛɛ ŋɔ́nɔ é gbîŋ kɛ́ a ǹúui nyíi zɔŋ fé kɛ̀ m̀a ŋ̀éniɛi su.

Zĩi 3:9

Kúnɛŋ nɔ́ ƃe kwa lûwa làa la Kúnuu-namui ma da Kúnâŋ Ɣâla, ǹyaa nɔ́ ƃe kwa núu-kpune naɣâŋ làa la, nyíi-ŋai díkpɛtɛɛ̂i a Ɣâla pɔkɔɔŋ.

Pitɛ Maa-ŋuŋ 2:22

Vé sɔnyɔ̂ŋ kɛ́ ní. Núu-pɛlɛ-woo da kélee máŋ fé kúla ní ǹá.

Pitɛ Maa-ŋuŋ 3:18

Kpɛni fêi, Kôrai máŋ è sàa sɔnyɔ̂ŋ mɛni ma zu tɔnɔ. Dɔ̃yâ-nuui è sàa kúai kúkaa a zɔnyɔ̂ŋ-ƃelai kúmɛni ma a gɛɛ é pá a kúa Ɣâla pɔ́. Dí gbono pàa, kɛ́lɛ, è kɛ̀ a vúlu mɔlêŋ su.

Zɔ̂ŋ Maa-ŋuŋ 3:18

Nîa-pɛlɛɛ, kúfe wɛli-kɛ-maa kɛ̀ nɔ́ a wóo-folo da kúlono-pere. Kɛ́lɛ, fɛ̂ɛ kú gɛ́ kútûa-pere su da tɔ̃yâ-laa.

Zɔ̂ŋ Maa-ŋuŋ 3:5

Ká gɔ̀lɔŋ è pà a gɛɛ é sɔnyɔ̂ŋ siɣe, ǹyaŋ sɔnyɔ̂ŋ fé gbonôi.

Zɔ̂ŋ Maa-ŋuŋ 3:7

Nîa-pɛlɛɛ, káfe nɛ̀ɛ naa núu da é ká pɛ̀lɛ. Ǹúui a mɛni-sãa kɛ̀i, zã́âi yɛ̂ɛ berei ǹyaa Kôrai zãâi lai.

Zɔ̂ŋ Maa-ŋuŋ 4:4

Nîa-pɛlɛɛ, kákaa a Ɣâla pɔ́ɔ. Ka díyee mɛi ɣále. Kpɛ́ni fêi, ǹúui gáa kákponôi, gɛ́tɛ̂i é tɛɛ ǹúui mâ gáa ǹɔii sui.

Zɔ̂ŋ Maa-ŋuŋ 5:17

Mɛni nyɔ́mɔɔ kélee káa a sɔnyɔ̂ŋ, kɛ́lɛ, sɔnyɔ̂ŋ da káa naa nyíi vé a núu paa sɔnyɔ̂ŋ.

Zɔ̂ŋ Maa-ŋuŋ 5:21

Nîa-pɛlɛɛ, ka kákpîŋ mɛi káa ɣâla-pɔkɔɔŋ ŋa mɛni ma.

Zɔ̂ŋ Zaaƃai 1:4

Lii-nɛ̃ɛ kɛ́tɛ da fé ńyêei é tɛ́ɛ nyíŋi ma a gɛɛ ŋá mɛni a gɛɛ ńônii díkaa dɔ̃yâi pôlu.