Zɔ̂ŋ Maa-ŋuŋ 1:9 - Ŋ̀âla Kɔlɔ Maa Waai

⁹ À kɛ̀ kwa kúsɔnyɔ̂ŋ-ŋai ƃô, gɛ̀ ní deniŋ m̀ôɔi, zɔŋ lɛ́lɛɛ, ǹyaŋ a pâi kúsɔnyɔ̂ŋ su-mɛni lɛɛ̂i, é ŋɔ́nɔ kúsɔnyɔ̂ŋ kélee wáa kûa.

Zɔ̂ŋ Maa-ŋuŋ 1:9 ပူးပေါင်းရင်းမြစ်များ

Kâloŋ Maa-ŋuŋ 8:30

Íyee mu-nuui ŋɔfɛli-wooi mɛni da ínûai Eezuɛ-ƃelai ŋ̀elei da tinaŋ la Ŋ̀âla-pɛrɛ Kɛ́tɛi ŋí naa pere dí ɣâla-fɛliɛɛ sui. Díɣâla fɛli-wooi mɛni, íɣâla-taa kaloŋ-laai su. Yà díɣâla-fɛli-wooi mɛni, dísu-mɛni lɛɛ.

Kâloŋ Maa-ŋuŋ 8:47

ǹyaŋ à kɛ̀ da dílii maa fàleŋ ŋɔ̃ya lɔii su da pâi liî naa a dia luɛ-laa sui, dí dípôlu tɔ̀ɔ dísɔnyɔ̂ŋ ma dí pɛ́lɛ a íkɔɔ ŋɔ̃ya lɔii tí su dîyɛɛi, ‘Kwa sɔnyɔ̂ŋ kɛ́, kwa mɛni nyɔ́mɔɔ kɛ́, kú tùa a ŋwana-lɔɔ-pere.’

Niɛmaya 1:6

M̀ɛni ma, íwoli tɔ́ɔ ḿâ. Ŋa í fɛlîi ítii kɛ́-ƃelai Eezuɛ-ŋai mɛni ma a fólo da kpíni. Ŋa m̀ôi yâ a gɛɛ kúai a Eezuɛ-ŋai kwa mɛni nyɔ́mɔɔ kɛ́ a yá. Ńyãa kpîŋ kwa ŋásuui su-ƃelai kélee kwa ímaa tĩa kara.

Wule-woo-ŋa 19:12

Núu da fa gbîŋ ŋɔpɔara maai kâa. Yâwɛɛ, ŋ́uŋ ma ƃó í ŋ́gula loo mɛni nyɔ́mɔɔ-ŋa kɛ́ɛ su.

Wule-woo-ŋa 32:5

M̀ɛni ma, ŋá ŋásɔnyɔ̂ŋ kélee ƃò yâ. M̀ɛni nyɔ́mɔɔ-ŋai ŋa gɛ̀i, fé da lòo ní yâ. Ŋá gbɛ̀tɛ a gɛɛ ŋá gélee ƃó yâ, ǹyaŋ í ńzu-mɛni lɛ̀ɛ.

Ɛsedɔ 34:7

Ŋa ŋákono-teei ŋa-see kɛ̀ núu wála (1,000) támaa yêei ŋá dísɔnyɔ̂ŋ su-mɛni lɛɛi. Kɛ́lɛ fé pâi wɔ́lɔ fɛɣɛ̂i a lóŋ naŋ-ŋa kélee dísɔnyɔ̂ŋ maa tɔ̂ŋ kpɛ̂i dílônii dîa da dílônii díwɔ̂ lonii.”

Táre-woo-ŋa 28:13

Ǹúui a ŋɔsɔnyɔ̂ŋ mɛi pɛ̂lɛi, va mɛni lɛ́lɛɛ sɔlɔ ƃô, kɛ́lɛ ǹúui a ŋɔsɔnyɔ̂ŋ ƃò, gɛ́ bôlu tɔ̀ɔ mài, Ɣâla a m̀alôŋ kàa.

Azaya 45:21

Ka lɛɣɛ a kákîe, ka kámɛni-ŋai pú gîe ma, ká pá a dia mɛni sâa ƃó kwaai ma. Diai pâi tɔɔ̂i kámɛni mai, dí díwoo ŋá lɛ́ díkîe ni dîa. Gbɛ̂ɛ ƃa m̀ɛnii ƃò kâa pâi kɛ̂i tínaa tuɛ-perei? Gbɛ̂ɛ ƃé wɔ́lɔ m̀ɛnii ŋí ƃò kâa ɣele kûu kpɛ́-kpɛ̂ɛ tɛɛ pôlu mai? Ńyãa Yâwɛɛ nyíi gáa a Ɣâla nyíi ŋɔnûai ŋuŋ ma ƃòi, fé m̀o ní kâa? Ŋ́gaa a teniŋ ƃô Ɣala. Ɣâla da kpɛ́ni fé naa é kúla ḿbôlu.

Zɛlemaya 3:13

Kɛ́lɛ, m̀ɛnii nɔ́ ya pɔ̂ri gɛ̂i ƃá fɛ̂ɛ í gɔ́lɔŋ a gɛɛ ya sɔnyɔ̂ŋ kɛ́ a Íɣâlai Yâwɛɛ. Í mó a gɛɛ íkɛ̀ ɣâla da kpɛ́ni-ŋa fɛlîi ŋ̀úru-ŋai mu ífe íwoli tɔɔ ní ŋ̀óo ma. Ńyãa Yâwɛɛ ƃé mò tí.”

Zɛlemaya 33:8

Ŋa pâi zɔnyɔ̂ŋ-ŋai dí gɛ̀ a ńyãai kulâi dia, ŋá dísu-mɛni lɛɛ dísɔnyɔ̂ŋ-ŋai da dítɔɔ mâ tuai kélee mɛni ma.

Zerusâlɛŋ Karáa Maa Wɔ̂lɔ-wooi 3:23

Ŋɔwɛli kɛ́-maai da ŋɔmaloŋ kâai káa nɔ́ a nina a ɣele kélee. Ŋɔteniŋ ƃô-laai kɛ̂tɛi.

Izikiɛ 36:25

Ŋa pâi yá lɛ́lɛɛ kpɛ́mɛnîi kâa. À kɛ̀ tí, gɛ̀ ní ka pâi kɛ̂i a ká maa-waa. Gɛ̀ ní, ŋa pâi ńyee seêi ká mu. Ŋa pâi ká maa waâi ŋa ká kúla m̀ɛni nyɔ́mɔɔ-ŋai su nyii-ŋai gɛ̀ ká maa fé waa nii. Ŋa pâi ká maa waâi ŋa ká kúla ŋ̀âla da kpɛ́ni-ŋai fɛli mɛ̂ni-ŋai su.

Izikiɛ 37:23

Dífe ŋɔ́nɔ pâi dí maa tĩa karâi a ɣâla da kpɛ́ni fɛliɛɛ nyii m̀ɛlɛ fé ŋ́goi da sɔnyɔ̂ŋ da kpɛ́ni-ŋa kɛ́ɛ. Kɛ́lɛ, ŋa pâi díƃalôi ŋa díkula dífii kpɛɛ̂i su nyii gɛ̀ díkɛ pìli sɔnyɔ̂ŋ sui. Ŋa pâi dímaa wáai. À kɛ̀ tí, da pâi kɛ̂i a ŋánûa, ńyaŋ ŋ́gɛ ƃò a Díɣâla.

Zɛkɛrâya 9:9

Óo lii-nɛ̃̂ɛ kúla Zãiyɔŋ-loŋ-nɛnii! Óo Zerusâlɛŋ ǹóŋ-nɛnii, láɣi ɣelêi! Gáa, íkâloŋ káa pâi ípɔ! Zã̂ai ƃálo-laa kɛ́ ƃò ǹyêei, ǹíi maa yeŋɔɔ, gɛ́ ƃò seêni wɛlɛ-sôo-loŋ mɛi.

Maafîu 3:6

Dí dísɔnyɔ̂ŋ-ŋai ƃò é díbatâi kɛ́ Zɔdiŋ Ya-Leei su.

Mâki 1:5

Nya ƃe Zuda-ƃelai da Zerusâlɛŋ-ƃelai kélee dí pà bɔ́. Dí dísɔnyɔ̂ŋ-ŋai ƃò m̀a, é díbatâi kɛ́ Zɔdiŋ Yai su.

Lûu 22:57

Kɛ́lɛ, è zia ma, ǹyɛɛi, “Nɛnîi, fé gɔlɔŋ.”

Zɔ̂ŋ 17:25

Óo zɔŋ-lɛlɛ-Naŋ, ǹɔii fe niî íkɔlɔŋ ni, kɛ́lɛ, ŋa íkɔlɔŋ; ǹyaŋ nyii-ŋai ŋi dí gɔ́lɔŋ a gɛɛ yá ƃe ńdɛ̀ɛ.

Zia-ƃelai Kɛ́-mɛni-ŋai 19:18

Ǹúui dámaa ɣele, nyíi-ŋai làa lai, dí pà dí dísɔnyɔ̂ŋ-ŋai ƃó, dí díkɛ-mɛni-ŋai lɛ́.

Lomaŋ 3:26

È gɛ̀ a tãi ŋí a gɛ́ɛ é ǹɛ́ a gɛ́ɛ ǹyaa kpîŋ gáa a tɔ̃yâ Ɣala a gɛ́ɛ ŋɔ́nɔ a diai tòli a tɔ̃yâ-ƃela nyíi-ŋai da lâa a Zîsɛ.

Kɔleŋtiɛŋ Maa-ŋuŋ 1:9

Ɣâla sãâi, nyíi kátòli Ǹóŋ Zîsɛ Kôrai Kúnuu-namui ŋɔkɛ-naai sui.

Kɔleŋtiɛŋ Maa-ŋuŋ 6:11

Ǹyaŋ bere ƃe kata-ni ká kɛ̀ la. Kɛ́lɛ, dí kámaa waa, dí kálɛ, dí kákɛ a tɔ̃yâ-ƃela Kúnuu-namui Zîsɛ Kôrai láai su da Kúɣâlai Ŋɔmɔ̂leŋ.

Ifisiɛŋ 5:26

a gɛ́ɛ é m̀aa waai. È m̀aa wâa a yá da ŋ̀óoi,

Dutɛrɔnome 7:9

Ka gɔ́lɔŋ a gɛɛ Káɣâlai Yâwɛɛ káa a Ɣâla. Gáa a kili-kɛ-zu Ɣâla nyii a ŋɔwɛli-kɛ-maa kono-teei ŋ̀aa-see kɛ̀ núu wála-wala seêi támaa mì nyii-ŋai da ŋ̀wɛli dí kɛ́ ŋɔkono-teei ŋ̀aa-see kɛi.

Temete Maa-ŋuŋ 1:15

M̀ɛnii da mòi gáa a tɔ̃yâ. Maa nɛ̃ɛ̂i kú kúyêei see mu a gɛ́ɛ Zîsɛ Kôrai è pà ǹɔii su ƃɛ a gɛ́ɛ é sɔnyɔ̂ŋ-ƃela ƃálo. Ǹyaŋ ńyãa ƃa zɔnyɔ̂ŋ gɛ́tɛ-kɛ-nuu.

Taitɔ 2:14

nyíi gbîŋ tɛ̀ɛ kúmɛni ma a gɛɛ é kúmaa tée sɔnyɔ̂ŋ kélee sui, é kúmaa wáa gbîŋ mɛni ma a gɛɛ kú kɛ́ a ŋɔnûa kpîŋ-ŋa tíi lɛ́lɛɛ kɛ́ mɛni ma.

Ibulu 10:23

Kwaa kúkili-kɛ-zui sóŋ a gbanaŋɔɔ nyíi kwa mòi, kúfe siɣe kútɔɔ̂i, kpɛ́ni fêi, ǹúui gono-teei kɛ̀i, zã́âi.

Ibulu 11:11

Laa-la sarâi Seera ǹyaa kpîŋ è wala-wala sɔlɔ ƃô a gɛɛ é koo siɣe, berei máŋ è kɛ̀ la a núu pɔlɔi, kpɛ́ni fêi, è Ɣâla kàa a núu sã́a nyíi góno tèe ǹyêei.

Ibulu 6:10

Ɣâla fé fíli ní a gɛ́ɛ a pɔ̂ri ŋ̀ɛ́i naɣînii kátii mɛi da káwɛli-kɛ-maai ká ǹɛ zarâi a tíi-kɛɛ Ŋ̀âla-ƃelai diɛ yɛ̂ɛ berei ka niî gɛ̂i lai.

Zɔ̂ŋ Maa-ŋuŋ 1:7

Kɛ́lɛ, à kɛ̀ kwa sìa gwaa-ponoɔi su yɛ̂ɛ berei gáa la a gwaa-ponoɔi, gɛ̀ ní kwa dai-ni kúlii káa tɔnɔ, gɛ̀ ní Nòŋ-nuui Zîsɛ Kôrai ŋɔŋãai a kúsɔnyɔ̂ŋ kélee wáa kûa.

M̀ɛni-lɛɛi 15:3

Dí kɛ̀ Mose ŋɔwulei toôi, nyíi kɛ̀ a Ɣâla yée-mu-nuui, díkɛ M̀ála-loŋ ŋɔwulei tôo, díyɛɛi, “Ítûa-perei kɛ́tɛ̂i maa pɔlɔ-pɔlɔɔ, Óo Kúnuu-namui Ŋ̀wála-wâla kélee Ɣalai! Ítûa-perei sã́âi, gɛ ƃo a tɔ̃yâ, Óo ǹɔii-ŋuŋ kélee mɛi Kaloŋ!