Kɔleŋtiɛŋ Maa-ŋuŋ 8:3 - Ŋ̀âla Kɔlɔ Maa Waai

³ Kɛ́lɛ, à kɛ̀ núu a Ɣâla wɛ̀li, gɛ̀ ní Ɣâla è gɔ́lɔŋ.

Kɔleŋtiɛŋ Maa-ŋuŋ 8:3 ပူးပေါင်းရင်းမြစ်များ

Kâloŋ Maa-ŋuŋ 3:3

Saloma è kɛ̀ a Yâwɛɛ wɛ́liɛɛ gɛ́ sìa a ǹâŋ Deeƃé ŋɔlia-woo-ŋai. Kɛ́lɛ Saloma è sâla-ŋa kùla máŋ, é tela kéreŋ sala-ŋa kula kwa da kpɛ́ni-ŋa ma.

Wule-woo-ŋa 1:6

Yâwɛɛ ƃa dɔ̃yâ-ƃelai téniŋ tɔ̀ɔ gɛ́ dímaa kɔ̃ɔ. Kɛ́lɛ a ŋ̀wana-lɔ̂ɔ-ƃelai su-kara.

Wule-woo-ŋa 17:3

Í m̀ɛnii kélee kɔ́lɔŋ gáa ńii sui. Yà pà ḿbɔ a kpíni, yà ḿaa kpɛ̂ɛ, ífe pâi mɛni nyɔ́mɔɔ kélee da kâai ŋ́gbonôi. Wóo nyɔ́mɔɔ kélee da fa kûla ńa,

Ɛsedɔ 33:12

Mose è mò Yâwɛɛ ma ǹyɛɛi, “Gáa ƃa mó m̀â a gɛɛ ŋá pá a ǹûai ŋí. Kɛ́lɛ ífe niî ǹɛɛ ní naa ŋá ǹúui kɔ́lɔŋ ƃa pâi kútɛɛ̂i kwa ǹyaai. É máŋ kɛ́ tí, ƃa mó a gɛɛ í ŋ́gɔlɔŋ ǹaa ma, ǹyaŋ ŋa ƃɛlɛ-see sɔlɔ ƃó íyêei.

Ɛsedɔ 33:17

Nya ƃe Yâwɛɛ è mò Mose ma ǹyɛɛi, “Mɛnii ŋí ƃa lônoi é pîlaŋ mai, ŋa pâi gɛ̂i. Kpɛ́ni fêi, ǹíi lâai íyêei, ŋ́gɛ ƃò a íkɔlɔŋɔɔ a ǹɛ́lɛɛ.”

Zɛlemaya 1:5

“Ŋá lɛ́ɛ pâi íkpɛtɛ̂i ílee koo-ƃɔ̂lɔŋ su, ŋá kɛ̀ a íkɔlɔŋɔɔ. Ílee é lɛ́ɛ pâi ímaa sɔlɔ ƃôi, ŋá ísìɣe zu, ŋá ílɛ a ɣâla-woo ƃó núu ǹɔii ŋuŋ-ŋai dîa.”

Emɔ 3:2

“Káa nɔ ƃe ŋá kálɛ ǹɔii-ŋûŋ-ŋai kélee sama. M̀ɛni ma ŋa pâi tɔ̂ŋ kpɛ́i kâa kásɔnyɔ̂ŋ-ŋai kélee mɛni ma.

Neeuŋ 1:7

Yâwɛɛ sɔŋ lɛ̂lɛɛi, wála-wala kɛ́tɛ káa ǹyêei é diai kúla mɛnii dí láai lai, tãi mɛni kpɔ̂lu a pâ lai.

Maafîu 7:23

Nya ƃe ŋa pâi m̀ôi dîa, ‘Fe kákɔlɔŋ. Ka siɣe ŋ́ɛi, kákaa a ŋwana-lɔ̂ɔ ƃela.’

Zɔ̂ŋ 10:14

Ŋ́gaa a m̀ála mɛi-kaa-nuu lɛ́lɛɛi; ŋá ḿbɔɔ kɔ́lɔŋ, ǹyaŋ ḿbɔɔ kɛ́ ƃo a ŋ́gɔlɔŋɔɔ,

Zɔ̂ŋ 21:17

È mò ŋɔ́nɔ ma a zaaƃa-ɣelei, ǹyɛɛi, “Samaŋ, Zɔ̂ŋ ǹóŋ, í ŋ́wɛli ni?” Malôŋ è tòo Pitɛ ma, kpɛ́ni fêi, è m̀arê kɛ̀ a zaaƃa-ɣelei, ǹyɛɛ ma, “Í ŋ́wɛli ni?” Nya ƃe è mò ma, ǹyɛɛi, “Ŋánuu-namui, í mɛni kélee kɔ́lɔŋ. Í gɔ́lɔŋ a gɛɛ ŋá íwɛli ni.” Zîsɛ è mò ma, nyɛɛi, “Ŋáƃala-ŋai ŋá kɔ́ŋ.

Lomaŋ 11:2

Ɣâla fe bôlu tɔ̂ɔni ŋɔnûai dîa, nyíi-ŋai e díkɔ̀lɔŋ a maa-ŋuŋ. Káfe mɛnii kɔ́lɔŋ Ŋ̀âla-kɔlɔi a mò é pîlaŋ Ilaiza ma, berei è Eezuɛ-ŋai maa ŋ̀wana-lɔ̂ɔ lɔ̀ la Ɣâla mai?

Kɔleŋtiɛŋ Maa-ŋuŋ 13:12

Tãi ŋí su kúfa kwaa kâa a zu ponoɔɔ. Gáa nɔ́ yɛ̂ɛ núu à kɛ̀ sɛŋ da kâai mɛ̃lɛ-mɛ̃lɛ su. Kɛ́lɛ, nàa pôlu ma, kwa pâi mɛni-ŋai kpîŋ kâai yɛ̂ɛ berei díkaa lai. Tãi ŋí su ŋámɛni-kɔlɔŋɔɔi káa nɔ́ a gbua. Kɛ́lɛ, tãi tí sú ŋa pâi gélee kɔ́lɔnîi yɛ̂ɛ berei máŋ Ɣâla è ŋ́gɔlɔŋ la a ǹɛ́lɛɛi.

Kɔleŋtiɛŋ Maa-ŋuŋ 2:9

Kpɛ́ni fêi, yɛ̂ɛ berei bɔ̃yɛɛ̂i lai, “M̀ɛnii nuu ŋɛ́i fé niî gáa niî, kpaa máŋ núu wóli fé niî mɛni níi, kpaa máŋ vé niî lɔ́ ní núu líi sui, m̀ɛnii Ɣâla a gbɛtɛ diai dí ŋ̀wɛ́li níi dímɛni mai.”

Galesiɛŋ 4:9

Kɛ́lɛ, ka nâa Ɣâla kɔ́lɔŋ, ǹyaŋ m̀ɛnii gbanaŋɔɔ̂i ƃa, Ɣâla a nâa kákɔlɔŋ. Ka pɔ̂ri tínaŋ-pere kɛ̂i leŋ ŋɔ́nɔ ŋ̀éniɛi-su-ƃelai tua-pere fii-kpɛɛ-ŋai dîa nyíi-ŋai díkaa nɔ́ kpɛ́ni-kpɛni, ká kɛ́ ŋ̀wɛli a gɛ́ɛ ká kɛ́ ŋɔ́nɔ a díluɛ-ŋai?

Temete Veerɛi 2:19

Kɛ́lɛ, Ɣâla ŋɔmɛni kɔ́ɔ pîlaŋɔɔi káa tɔ̂ɔni a gbanaŋɔɔ ŋ̀óo-ŋai ŋí pɔ̃yɛɛ ma: “Kúnuu-namui e dîai kɔ́lɔŋ díkaa a bɔ́ɔi.” “Tɔɔ dîai kélee da Kúnuu-namui láa tòlii dí disu kula ŋwana-lɔɔ ma.”

Zĩi 1:12

Lûwa káa ǹúui ma a ǹíi kpèle su-kɔɔ̂ŋ yêei, kpɛ́ni fêi, à tɔ̀ɔ zu-kɔɔ̂ŋ tí su, gɛ̀ ní a pâi fulu-laa ŋɔkâloŋ-ƃɔrɔi sɔlɔ ƃôi, nyíi Ɣâla a góno tée la diai yêei dí ŋ̀wɛli nii.

Zĩi 2:5

Ka káwoli tɔ́ɔ, ŋáwɛli-kɛ-maa ƃelai. Ɣâla fé gôlo-ƃelai lɛ́ ní ŋ̀éniɛi ŋí su a gɛɛ dí tɔ́ɔ laa-la su dí kɛ́ a Gâloŋ-laai sɔlɔ-ƃo-ƃela, nyíi è maa-kono-tee kɛ̀ diai yêei dí ŋ̀wɛli níi?

Pitɛ Maa-ŋuŋ 1:8

Ǹúui káfe niî gáa níi, ka ŋ̀wɛ̂lii. Berei máŋ káfe gaâi la tãi ŋí su, kɛ́lɛ, kalaâi lai. Ka lii-nɛ̃ɛ su kɛ́tɛ kúla nyíi ǹáa fɛɛ̂i kpɔ́ a folo-laa a ŋ̀ánaai.

Zɔ̂ŋ Maa-ŋuŋ 4:19

Wɛli-kɛ-maa káa kúyêei, kpɛ́ni fêi, ǹyaa fulɔi è kúwɛ̀li.

Zɔ̂ŋ Maa-ŋuŋ 4:7

Ŋáwɛli-kɛ-maa-ƃelai, kwaa kúkîe-ni wɛ́li. Kpɛ́ni fêi, wɛli-kɛ-maa káa a Ɣâla pɔ́ɔ, ǹyaŋ ǹúui wɛli-kɛ-maa káa gbonôi, gáa a Ɣâla ǹóŋ, gɛ ƃô a Ɣâla kɔ́lɔŋɔɔ.

M̀ɛni-lɛɛi 2:13

“ ‘Ŋá ƃɛi kɔ́lɔŋ íkaa naai, nyíi naa ƃa ƃɛi Sêtɔŋ ŋɔkâloŋ see-sɛŋ káa naai, ya ńaai sóŋ a gbanaŋɔɔ. Ífe ŋálaa-lai maa sia too ní Aŋtipa ŋɔtãi ma máŋ, nyíi kɛ̀ a ŋásêre gɛ̀ ƃò a núu sã́ai, nyíi dí bàa kásama ƃɛi Sêtɔŋ káa naai.

M̀ɛni-lɛɛi 2:19

“ ‘Ŋá ítii-ŋai kɔ́lɔŋ, íwɛli-kɛ-maai, ílaa-lai, ítii, da nii-kpelei gáa íyeêi, a gɛɛ ŋɔ́nɔ ítii nɛ̀ɛ pôlui tɛɛ̂i duɛ-tuɛi ma.

M̀ɛni-lɛɛi 2:9

“ ‘Ŋá ímɛni-kpɔ̂lui kɔ́lɔŋ da íkôlo-laai kɛ́lɛ, íkaa a tɔɔ-nuu é pɛ́lɛ tɛ-ŋɛi-ƃela dîa nyíi-ŋai da díkpîŋ tòli a Zûu-ŋa, ǹyaŋ dífe lai, kɛ́lɛ, dí ƃo a Sêtɔŋ ŋɔnúu-kpului.