Kɔleŋtiɛŋ Maa-ŋuŋ 7:2 - Ŋ̀âla Kɔlɔ Maa Waai

² Kɛ́lɛ, kpɛ́ni fêi, su-kɔɔŋ a pâ núu pɔ wulu-wulu kɛ́ mɛni mai, m̀aa nɛɛ̂i surɔ̂ŋ tɛi-tɛi kélee e gbîŋ-nɛni kula, nɛnî tɛi-tɛi kélee e gbîŋ-surɔŋ kula.

Kɔleŋtiɛŋ Maa-ŋuŋ 7:2 ပူးပေါင်းရင်းမြစ်များ

Táre-woo-ŋa 18:22

Ƃà nɛnî kùla, ƃa mɛni lɛ́lɛɛ sɔlɔ ƃó, ƃa lûwa sɔlɔ ƃó Ɣâla Yâwɛɛ yêei.

Táre-woo-ŋa 19:14

Pɛ́rɛ da tɔɔ-sãa ƃa ínâŋ ŋɔpɔɔ-sãai nyii a ǹɛɛ ǹônii mɛni ma, kɛ́lɛ táre-nɛni ƃa Ɣâla Yâwɛɛ ŋɔƃɛlɛ-seei.

Malakai 2:14

Ká kɛ́ marê kɛ̀ a gɛɛ lé ƃé vé ŋɔ́nɔ ǹyée seêi la kúsama-sɛ̂ŋ-ŋai mui? Gáa tí, kpɛ́ni fêi, Yâwɛɛ è gɔ̀lɔŋ ƃa íkono-têei kara ínɛnîi yêei í gùla a ínaɣa-tãi. È kɛ̀ a ísia-gîe-pôlu-nuu, kɛ́lɛ ƃa íkono-têei kara ǹyêei, berei máŋ í íkono tèe la Ɣâla ŋɛ́i a gɛɛ ƃa pâi kɛ̂i a tɔ̃yâ-nuu m̀ɛni mai.

Maafîu 5:32

Kɛ́lɛ, ŋa m̀ôi kâa, ǹúui kélee a ŋɔnɛnîi lɛ̀ɛ mɛni da kpɛni ma é kúla wulu-wulu kɛ́ɛ pôlui, maa-nuui tí a gɛ̀ ŋɔnɛnîi é wulu-wulu kɛ́. Ǹyaŋ ǹúui kélee a ǹɛnîi nyíi ŋɔsurɔ̂ŋ a ǹɛɛ̂i kula a ŋɔnɛnii, maa-nuui tí a wulu-wulu kɛ́.

Kɔleŋtiɛŋ Maa-ŋuŋ 6:18

Káfe káyee pìli wulu-wulu kɛ́ɛ su. Sɔnyɔ̂ŋ da kpɛni kélee núu a gɛ̀i, gáa kpono ŋíni ŋa-pere; kɛ́lɛ, wulu-wulu kɛ-nuu a sɔnyɔ̂ŋ kɛ̀ a gbîŋ kpono.

Kɔleŋtiɛŋ Maa-ŋuŋ 7:1

M̀ɛni-ŋai ka bɔ̃̀yɛ ḿbɔ naai, ŋa pá nâa lônoi e pîlaŋ dîa. Ǹɛ́lɛɛ̂i a gɛ́ɛ surɔ̂ŋ fe lɛɣɛ nɛnî ma.

Kɔleŋtiɛŋ Maa-ŋuŋ 7:3

Fɛ̂ɛ nɔ́ ǹyaŋ zurɔ̂ŋ e ŋɔnɛnîi líi láa, nɛnîi ǹyaŋ e ŋɔsurɔ̂ŋ líi láa.

Kɔleŋtiɛŋ Maa-ŋuŋ 7:9

Kɛ́lɛ, à kɛ̀ lii-kpele fé díyêei, fɛ̂ɛ nɔ́ dí surɔ̂ŋ kula da nɛnî. Kpɛ́ni fêi, ǹɛ́lɛɛ̂i a gɛ́ɛ surɔ̂ŋ é nɛnî kula, kpaa máŋ nɛnî é surɔ̂ŋ kula, é tɛ́ɛ la nɛnî kélee wɛli kɛ́ɛ la maa surɔ̂ŋ ma, kpaa máŋ surɔ̂ŋ kélee wɛli kɛ́ɛ la maa nɛnî ma.

Ifisiɛŋ 5:28

Bere ƃe máŋ fɛ̂ɛ sinâa dí dínɛyâai wɛli la yɛ̂ɛ díkpono kpîŋ. Ǹúui nyíi ŋɔnɛnîi wɛli níi, è gbîŋ wɛli ni.

Ifisiɛŋ 5:33

Kɛ́lɛ, kákelee ka kánɛyâai wɛli tɔnɔ́-tɔnɔ́ yɛ̂ɛ kákpîŋ. Fɛ̂ɛ ǹyaŋ ǹɛyâai dí gáa a gɛ́ɛ dí ƃaa kɛ́-maa tɛɛ dísinâai pɔ.

Tɛsɛlôniɛŋ Maa-ŋuŋ 4:4

a gɛ́ɛ núu kélee é berei kɔ́lɔŋ a pɔ̂ri nɛnî kulâi la gbîŋ mɛni ma maa-waa-laa su da ƃaa kɛ́-maai,

Temete Maa-ŋuŋ 4:3

Ǹûai ŋí dísɛŋ-lɛɛi su da nɛ̀ a gɛ́ɛ tûa-laa fé kɛ̀ ɣele ma, díkɛ nɛ̀ a gɛ́ɛ nûa dífe mii-sɛŋ sii da-ni mii, nyíi-ŋai Ɣâla e díkpɛ̂tɛ a gɛ́ɛ diai laa-la káa díyêei dí ƃo a dɔ̃yâi kɔ́lɔŋɔɔ̂i dí zɔlɔ ƃó a sɛɣɛi-féi.

M̀ɛni-sâa Ƃó-ƃelai 21:22

À kɛ̀ dínâŋ-ni kpaa máŋ dísaaƃɔlɔ-ni da dílii ŋ̀wana kâa, dí m̀ó kûa, kwa pâi môi dîa kûɛi, ‘Ká kpera kâa, ka ǹɛɛ naa dí lɛ́ɛ díyêei, kpɛ́ni fêi, gɔ́i kpɛ́ɛi kúfe nɛyâa sɔlɔ ƃó ní dímɛni ma. Voo wôoi kú gɛ̀ Ɣâla ŋɛ́i túɛ é pîlaŋ Bɛŋsima nuu suui mai, vé pâi kásonîi, kpɛ́ni fêi, káa fé kálônii-nɛyãai tɛɛ ní dípɔ a nɛyâa.’ ”