Kɔleŋtiɛŋ Maa-ŋuŋ 14:2 - Ŋ̀âla Kɔlɔ Maa Waai

² Kpɛ́ni fêi, ǹúui a lôno a sîi-wooi nyíi núu fa târe zui, gɛ̀ ní maa-nuui fé lóno ní núu-kpune pɔ́, gáa lônoi Ɣâla pɔ́, kpɛ́ni fêi, núu fa târe ŋ̀óo su, kɛ́lɛ, a loo-mɛni-ŋa ƃò ŋɔmɔlêŋ su.

Kɔleŋtiɛŋ Maa-ŋuŋ 14:2 ပူးပေါင်းရင်းမြစ်များ

Zɛnɛse 11:7

Tɔɔ kú lí naa kú dísîi-wooi sumo a gɛɛ dífe díkîe-ni lá-woo mɛni ŋɔ́nɔ.”

Zɛnɛse 42:23

Dífe kɛ́ ní a gɔ́lɔŋɔɔ a gɛɛ Zosɛ è díwoo mɛ̀ni, kpɛ́ni fêi, núu da è kɛ̀ naa gɛ̀ díwoo su-kula Zosɛ m̀â.

Kâloŋ Veerɛi 18:26

È kɛ̀ tí, Ɛɛkea ǹóŋ Iliakiŋ, Sibina da Zoa dí mò Asiria-ŋai dí kɔ́-kɔ-ƃela mɛi-nuu kɛ́tɛi ma dîyɛɛi, “Ńâŋ, lóno kú pɔ́ Aramee sii-wooi su, kwa ŋá kàa a ǹɛ́lɛɛ. Ífe Ibulu-woo ƃò, kpɛ́ni fêi, ǹûai kélee lɛɛ̂i ziɣãŋ ma díwoli tɔɔ̂i.”

Wule-woo-ŋa 78:2

M̀ɛni-ŋai da wɔ́lɔ kɛ́i, ŋa pâi môi kâa a táre woo-ŋa, ŋá m̀ɛni mĩli-mĩli-ŋai ŋáa lɛ́ kâa kɛ̀ tãi su kôyaa tɛɛ pôlu mai.

Maafîu 13:11

È díwoo su tòo, ǹyɛɛ diai, “Káa ƃe Ŋ̀âla-taa kâloŋ-laai su loo-mɛni-ŋai kɔ́lɔŋɔɔ tɛɛ̂i kápɔ. Kɛ́lɛ, ve tɛɛ ni dípɔ.

Mâki 16:17

Diai da lâa lai, wála-wala laa a pâi kɛ̂i díyêei ŋɛi-kɛ-maa-ŋa kɛ́ mɛni ma ńaai su. Wála-wala a pâi kɛ̂i díyêei nyînaŋ nyɔ́mɔɔ-ŋa kpɛ́ mɛni ma, sîi-woo da kpɛ́ni-ŋa ƃó táre kɛ́ ƃò díyêei.

Mâki 4:11

È mò dîa, ǹyɛɛi, “Káa ƃé Ɣâla a ŋɔkâloŋ-laai su loo-mɛnii lɛ́ kâa. Kɛ́lɛ, m̀ɛni pɔ̂lɔi ŋí káa nûa da kpɛ́ni-ŋa mɛni ma,

Zia-ƃelai Kɛ́-mɛni-ŋai 10:46

Dí díkàa lônoi a sîi-woo da kpɛni-ŋa díkɛ díwoo mɛni, díkɛ Ɣâla ŋɔkɛ́tɛ-laai maa mɛni ƃo. Nya ƃe Pitɛ è mò, ǹyɛɛi,

Zia-ƃelai Kɛ́-mɛni-ŋai 19:6

Pɔ̂ɔ kɛ́ɛ a ǹyée pɛ̀lɛ diai, M̀ɔlêŋ Maa Waai è pà dípɔ. Dí kɛ̀ lônoi a sîi-woo da kpɛ́ni-ŋa díkɛ mɛni-ŋa ƃo naa túɛ nyíi pâi kɛ̂i.

Zia-ƃelai Kɛ́-mɛni-ŋai 22:9

Diai kwa dîa-ni kú kɛ̀ naai, dí gwaa ponoɔi kàa, kɛ́lɛ, dífe ŋ̀óoi mɛni ní kɛ̀ lônoi ḿbɔi.

Lomaŋ 16:25

Laa-maa-tɛ é tɛ́ɛ Ɣâla pɔ nyíi pɔ̂ri è kɛ̀ mì a gɛ́ɛ e kasu kpanaŋ yɛ̂ɛ berei ŋátuŋ lɛ́lɛɛi a mò la da berei ŋa Zîsɛ Kôrai maa-mɛni ƃo lai. Ŋorɛ-wooi ká ti nyíi wɔ́lɔ kɛ̀ noo-perei a tãi su kôyaa,

Kɔleŋtiɛŋ Maa-ŋuŋ 12:10

Ŋ́ɛi-kɛ-maa kɛ́ɛ tɛ̂ɛi dɔnɔ pɔ́, Ɣâla-woo ƃoɔɔ tɛ̂ɛi dɔnɔ pɔ́, mɔlêŋ-ŋa loai kɔ́lɔŋ-tare tɛ̂ɛi dɔnɔ pɔ́. È sii-woo da kpɛ́ni-ŋa ƃó pere lɛ̀ núu da ni dîa. É zîi-woo da kpɛ́ni-ŋai núu fa târe dísui dísu-kulâi tɛ̂ɛi da-ni pɔ́.

Kɔleŋtiɛŋ Maa-ŋuŋ 12:28

Ɣâla a sia-ƃela lɛ́ Ŋɔkôrai-toli-kpɔŋ su a maa-ŋuŋ, veerɛi Ɣâla a ŋɔlóno kɛ́-ƃela lɛ́, zaaƃai sɛŋ-lɛ-ƃela, ŋɛi-kɛ-maa kɛ-ƃela, núu ƃálo-ƃela, kpɔŋ-mâa-ƃela, núu-mɛi-ƃela, sii-woo ƃó-ƃela nyíi núu fa târe dísui.

Kɔleŋtiɛŋ Maa-ŋuŋ 13:1

A kɛ̀ máŋ ŋà lòno a núu-kpune da Ɣâla-taa kela-ŋa lá-sii woo-ŋa, ǹyaŋ wɛli-kɛ-maa fé ńyêei, gɛ̀ ní ŋ́gaa nɔ́ lônoi yɛ̂ɛ taya-saa ɣale-woo, kpaa máŋ kóno ɣale-woo.

Kɔleŋtiɛŋ Maa-ŋuŋ 13:2

À kɛ̀ máŋ wála-wala káa ńyêei a gɛ́ɛ ŋá Ɣâla-woo ƃó, ŋ́gɛ tàre kili-ŋa-tɛi mɛni kélee su, táre kélee kɛ́ ƃo ńyêei, a kɛ̀ máŋ laa-la kélee káa ńyêei a gɛ́ɛ ŋa pɔ̂ri yée-ŋa siɣêi dítɔɔ̂i, kɛ́lɛ, wɛli-kɛ-maa fé ńyêei, ŋ́gaa nɔ́ kpɛni-kpɛni.

Kɔleŋtiɛŋ Maa-ŋuŋ 14:16

A wàla kɛ́ tí, à kɛ̀ kà sɛɣɛi-fei tɛ̀ɛ Ɣâla pɔ a kámɔlêŋ, gɛ̀ ní a pɔ̂ri kɛ̂i leŋ ǹúui nyíi táre fé ǹyêei é kɛ́ kâa, “É kɛ́ tí” kásɛɣɛ̂i-fei mɛni ma, à kɛ̀ à wàla m̀ɛnii kɔ́lɔŋ kákaa m̀ôi?

Kɔleŋtiɛŋ Maa-ŋuŋ 14:26

Lé ƃe ŋaŋ, ŋánûa? Kà pà kákîe ma, ǹúui da-ni wule káa díla, da-ni sɛŋ lɛ́ɛ kɛ́ ƃo díyêei, da-ni sii-woo da kpɛni ƃó pere kɛ́ ƃo díyêei nyíi núu fa târe zui, da-ni la-woo su-kulaa kɛ́ ƃo díyêei. Tɔɔ mɛni kélee é kɛ́ mɛni lɛ́lɛɛ mɛni ma.

Kɔleŋtiɛŋ Maa-ŋuŋ 15:51

Ka káwoli tɔ́ɔ! Ŋa loo-mɛ̂ni ƃôi kâa. Kúkelee kúfe pâi saâi, kɛ́lɛ, kúkelee kúmaa a pâi fálenîi,

Kɔleŋtiɛŋ Maa-ŋuŋ 2:10

Ɣâla a gélee lɛ́ kûa M̀ɔlêŋ sârai. Kpɛ́ni fêi, M̀ɔlêŋ a sɛŋ kélee kɔ̀ri é tóo máŋ Ɣâla ŋɔtárei kpóŋ seêi ma.

Kɔleŋtiɛŋ Maa-ŋuŋ 2:7

Kɛ́lɛ, kwa Ɣâla ŋɔtáre loo-mɛni-ŋai lɛ̀, nyíi Ɣâla è gbɛ̀tɛ nàa tuɛ ŋ̀éniɛi ŋí kɔ́ɔ é lɛ́ɛ pâi pîlanii kúfolo-laai mɛni mai.

Ifisiɛŋ 6:19

Ka Ɣâla fɛli máŋ ḿɛni ma a gɛ́ɛ ŋá m̀ɛnii kɔlɔŋ ŋa pâi m̀ôi tãi ŋà ńâ ƃò-la a gɛ́ɛ ŋa Duŋ Lɛ́lɛɛi su loo-mɛnii ƃo a lii-kpelei.

Dutɛrɔnome 28:49

Yâwɛɛ a pâi núu kulâi ǹɔii-ŋuŋ kpóŋ ma lɔii-ŋuŋ da su é pá la gɛ́ ƃò kámɛi. A pâi kásonîi a maa félaa yɛ̂ɛ berei kuɛ a yêŋ la é gɔ́nɔŋ sóŋ. A pâi kɛ̂i a yao-maa nuu. Káfe pâi kɛ̂i ǹá-woo mɛnîi.

Kolasiɛŋ 2:2

a gɛ́ɛ dílii su é kpanaŋ yɛ̂ɛ berei díɣiriɛi la díkîe-ni dîa a wɛli-kɛ-maai, a gɛ́ɛ Ɣâla ŋɔloo-mɛnii su-tɔɔ-laai maa-tarei é kɛ́ káyêei a gbanaŋɔɔ, nyíi gáa a Kôrai, ká ŋá káa,

Temete Maa-ŋuŋ 3:16

Kwa mò a gɛ́ɛ Kúɣâla-mɛnii ŋɔloo-mɛnii kɛ́tɛ̂i a tɔ̃yâ. È gbîŋ lɛ̀ núu-kpune kɛ-pere su, Ɣâla è fâa Ŋɔmɔlêŋ ma, Ɣâla-taa kela-ŋa dí gáa, nûa dí maa-mɛni ƃò ǹɔii-ŋai su, ǹɔii-su-ƃelai dí láa la, Ɣâla é tɛ̀ la fólo-laa su.

Temete Maa-ŋuŋ 3:9

Fɛ̂ɛ dí ǹaa-lai ŋɔloo-mɛnii kélee soŋ a díkili-ŋa-siai kélee.

M̀ɛni-lɛɛi 10:7

Kɛ́lɛ, a gɛɛ, tãi Ŋ̀âla-taa-kelai mɛi feerɛ-ɣelei à ŋɔturui fɛ̀ɛ lai, Ɣâla a pâi gɛ̂i ŋɔloo-mɛnii ŋa-see é kɛ́ yɛ̂ɛ berei è Duŋ Lɛ́lɛɛi maa-mɛni ƃo la ǹyée-mu-ƃelai dîa, nyíi-ŋai díkaa a ŋɔlóno-kɛ-ƃelai.