Kɔlɔnikɔ Maa-ŋuŋ 27:2 - Ŋ̀âla Kɔlɔ Maa Waai

² Dílaa túɛ-ƃelai ká kɛ̀ ŋí ŋ̀áloŋ tɛi-tɛi mɛni ma: Ŋ̀áloŋ m̀aa-ŋuŋ: Zadiyɛ ǹóŋ-surɔŋ Zasobeaŋ ƃé kɛ̀ gɔ-kuluƃa kpului mɛi. È kɛ̀ a Pɛrɛzi ŋɔkáayɔɔ gɛ́ ƃò Zuda sii nuui da. Ŋ̀áloŋ veerɛi: Aoi ŋɔsuui su-nuui Dodai ƃé kɛ̀ gɔ-kuluƃa-ŋai láa túɛ. (Gɔlɛ ma-nuui láa ƃé kɛ̀ a Mikilɔ.)

Kɔlɔnikɔ Maa-ŋuŋ 27:2 ပူးပေါင်းရင်းမြစ်များ

Kɔlɔnikɔ Maa-ŋuŋ 11:11

M̀aa-ŋuŋ ƃé kɛ̀ a Zasobeaŋ. È kɛ̀ a Akimoŋ suui su nuu. Ǹalôŋ ŋí ƃé kɛ̀ a “Gɔ-kuluƃa wála-wâla ǹuu-kpulu Saaƃai” wála-wâla-ŋai láa túɛ-nuui. È kɔ̀ kpakolo ŋuŋ saaƃa pɔ́ a ŋɔƃóa-sɔkpɔi é gélee páa kɔ́ tɔnɔ su. Ǹúu saaƃai ŋí ƃé kɛ̀ a Deeƃé ŋɔkɔ-kuluƃa wála-wala-ŋai.

Samia Veerɛi 23:8

Deeƃé ŋɔkɔ́ kɔ́-ƃela kpaya-kpayai láa ká ŋí: Tasimɔna naloŋ Zosɛ-basebɛ. È kɛ̀ gɔ́ kɔ́-ƃela gbului láa túɛ nyíi da kâa dítòli a Saaƃai. È núu ŋuŋ lɔ́ɔlu mɛi saaƃa pàa a ŋɔkpálai kɔ́ tɔnɔ su.

Kɔlɔnikɔ Maa-ŋuŋ 27:1

Eezuɛ-ŋai kɛ̀ a gɔ-kûluƃa-ŋai láa túɛ-ƃelai láa ká ŋí. Ǹûai ŋí da-ŋa díkɛ̀ núu wála tɔnɔ (1,000) mɛi, da-ŋa díkɛ ƃò a núu ŋ̀uŋ tɔ̂nɔ (100) mɛi ƃela. Díkɛ̀ tíi kɛ̂i kɔ-kûluƃa kpulu tɛi-tɛi mɛi gâloŋ yée mu. Núu wála buu feerɛ káo náaŋ (24,000) ƃé kɛ̀ ǹúu kpului dɔnɔ su. Da kâa tíi kɛ̀ a ɣáloŋ tɛi-tɛi díkɛ díkîe-ni maa fâleŋ a ŋ̀áloŋ kélee kpɛɛ-ŋa.

Kɔlɔnikɔ Maa-ŋuŋ 27:3

È kɛ̀ a Pɛrɛzi ŋɔsuui su-nuui dɔnɔ, gɛ́ ƃò ŋɔ́nɔ a gɔ-kuluƃa-ŋai láa túɛ-ƃelai mɛi-nuu.