Kɔlɔnikɔ Maa-ŋuŋ 27:1 - Ŋ̀âla Kɔlɔ Maa Waai

¹ Eezuɛ-ŋai kɛ̀ a gɔ-kûluƃa-ŋai láa túɛ-ƃelai láa ká ŋí. Ǹûai ŋí da-ŋa díkɛ̀ núu wála tɔnɔ (1,000) mɛi, da-ŋa díkɛ ƃò a núu ŋ̀uŋ tɔ̂nɔ (100) mɛi ƃela. Díkɛ̀ tíi kɛ̂i kɔ-kûluƃa kpulu tɛi-tɛi mɛi gâloŋ yée mu. Núu wála buu feerɛ káo náaŋ (24,000) ƃé kɛ̀ ǹúu kpului dɔnɔ su. Da kâa tíi kɛ̀ a ɣáloŋ tɛi-tɛi díkɛ díkîe-ni maa fâleŋ a ŋ̀áloŋ kélee kpɛɛ-ŋa.

Kɔlɔnikɔ Maa-ŋuŋ 27:1 ပူးပေါင်းရင်းမြစ်များ

Maka 5:2

Yâwɛɛ è mò ǹyɛɛi, “Óo Bɛpeleɣɛ̃ɛ Ɛfata, yáai Ifiraŋ lɔii-kpiniŋ sui, íkaa a daa kuro-tei dɔnɔ Zuda taa-ŋai sáma, kɛ́lɛ ǹaa ƃé ǹúu-ŋuŋ túɛ-nuui a pâi kulâi naa Eezuɛ mɛni ma nyii ŋɔnûa pɔlɔ-ŋai dísuu kɔ́ɔ a wɔ́lɔ pìlaŋ kpɔ́ a tãi su kôyaai.”

Kɔlɔnikɔ Maa-ŋuŋ 28:1

Gâloŋ Deeƃé è Eezuɛ tii kɛ́-ƃela kpaya-kpayai tòli, ǹúu-suu-ŋai láa túɛ-ƃelai, diai kɛ̀ ǹúu-kpulu-ŋai mɛi kɛ̀ tíi kɛ̂i gâloŋ m̀ii, diai kɛ̀ ǹúu wála-ŋai da ǹúu ŋuŋ tɔnɔ-tɔnɔ mɛi, ŋɔtaa-tulɛ-ŋai mɛi káa-ƃelai, ǹônii-sinaai, diai kélee kɛ̀ tii kɛ̂i ŋɔpɛ́rɛ kɛ́tɛi lái, gɔ-kuluƃa kpaya-kpayai da ǹúu ŋuŋ-ŋai dí díŋa tɛ́ ma Zerusâlɛŋ.

Kɔlɔnikɔ Maa-ŋuŋ 13:1

Naa kɛ́ɛ tíi, Deeƃé da ŋɔnûai mɛi-ƃelai dí díŋuŋ pîlaŋ. Ǹûai kɛ̀ ŋuŋ-pilaŋ ŋí sui dia ƃé kɛ̀ a ǹûai kɛ̀ núu wála tɔnɔ-tɔnɔ da núu ŋuŋ tɔnɔ-tɔnɔ mɛi.

Kâloŋ Maa-ŋuŋ 5:14

È dítɛ̀ɛ Lɛƃanɔŋ. A kâa núu wála puu tɛ̀ɛ Lɛƃanɔŋ a ɣáloŋ kélee tíi kɛ̂i naa. Da kâa lène pôlu dípɔ-taai dí ɣáloŋ feerɛ kɛ́ naa. Adoniraŋ ƃé kɛ̀ díi kɛ́ mɛnii láa-tuɛ.

Kâloŋ Maa-ŋuŋ 4:27

Ŋɔlɔii-kpiniŋ puu káo feerɛ mɛi-ƃela puu káo feerɛi, ɣáloŋ tɛi-tɛi è kɛ̀ díyêei a gɛ́ɛ dí pá a mii-sãa Gâloŋ Saloma da diai kélee da kâa mii-sɛŋ mìi Gâloŋ Saloma ŋɔpɛ́rɛi mui mɛni ma. Dífa ǹɛɛ naa zãai da é kpɛ́ɛ.

Kâloŋ Maa-ŋuŋ 4:7

Saloma è kpakolo puu káo feerɛ sèe Eezuɛ lɔii kpiniŋ-ŋai mɛi. M̀aa nɛ̃ɛi kɛ̀ dí mii-sɛŋ kula dí kpiniŋ-ŋai su dí dɛ́ɛ a gâloŋ da ŋɔpɛ́rɛi mu-ƃelai kɔ́nɔŋ. Dítɛi-tɛi kélee da kâa ɣáloŋ tɔnɔ mii-sɛŋ tɛ̀ɛ kóraŋ tɔnɔ su.

Samia Maa-ŋuŋ 8:12

Díta-ni da pâi kɛ̂i a núu kpaya-kpaya-ŋa kɔ́ kɔ́-ƃela wála tɛi-tɛi mai. Díta ni-ŋaa da pâi kɛ̂i kɔ́ kɔ́-ƃela buu lɔ́ɔlu mɛi. Dí-ni da pâi kɛ̂i máŋ gâloŋ ŋɔkpâlaŋ ŋá díkɛ ŋɔmii-sãai ŋáa tɛ̀ gîe ma. Da-ni da pâi kɛ̂i ŋɔkɔ́ kɔ́-sãai kpɛtɛ̂i da ŋɔkɔ́ kɔ́-keleŋ-ŋai.

Dutɛrɔnome 1:15

Nya ƃe ŋá ǹûai ŋí sìɣe ŋá dítɔɔ dílaa-tuɛ. Da-ŋa dí kɛ̀ núu wála tɔnɔ (1,000) mɛi, da-ŋa dí ƃò núu ŋuŋ tɔ̂nɔ (100) mɛi, da-ŋa dí ƃò núu buu lɔ́ɔlu mɛi, da-ŋa dí ƃò núu puu mɛi.

Ɛsedɔ 18:25

Mose è ténîŋ ƃô kpakolo-ŋa kùla Eezuɛ-ŋai sáma é dítɔɔ ǹûai mɛi. É dítɔ̀ɔ núu wála tɔnɔ (1,000), ŋuŋ tɔnɔ (100), buu lɔ́ɔlu da núu puu mɛi.

Kɔlɔnikɔ Maa-ŋuŋ 26:32

Zeria ŋɔkáayɔɔ-ŋai kɛ̀ a dínûai láa túɛ-ƃelai díkɛ̀ a núu wála feerɛ, ŋ̀uŋ lɔ́ɔlu mɛi feerɛ (2,700). Gâloŋ Deeƃé è dítɔɔ Lubiŋ, Gâa da Manasɛ ŋɔnuu-suui gbulu dɔnɔ kɛ̀ Zɔdiŋ Ya-leei pôlu perei láa túɛ mɛni-ŋai mɛi bîlaŋɔɔi Ɣâla mɛni ma da ǹyaa gâloŋ maa mɛni.

Kɔlɔnikɔ Maa-ŋuŋ 27:2

Dílaa túɛ-ƃelai ká kɛ̀ ŋí ŋ̀áloŋ tɛi-tɛi mɛni ma: Ŋ̀áloŋ m̀aa-ŋuŋ: Zadiyɛ ǹóŋ-surɔŋ Zasobeaŋ ƃé kɛ̀ gɔ-kuluƃa kpului mɛi. È kɛ̀ a Pɛrɛzi ŋɔkáayɔɔ gɛ́ ƃò Zuda sii nuui da. Ŋ̀áloŋ veerɛi: Aoi ŋɔsuui su-nuui Dodai ƃé kɛ̀ gɔ-kuluƃa-ŋai láa túɛ. (Gɔlɛ ma-nuui láa ƃé kɛ̀ a Mikilɔ.)

Kɔlɔnikɔ Maa-ŋuŋ 29:6

Nya ƃe è m̀o ǹúu-suu-ŋai, ǹûai laa-tuɛ-ƃelai da gɔ-kuluƃa-ŋai mɛi-ƃelai da ǹúu-kpaya-kpayai kɛ̀ gâloŋ ŋɔsãai mɛi dîa máŋ dí dísama-sãai tɛɛ.

Zasua 23:1

Tãi su-kôyaa tɛɛ́ pôlu ma, Yâwɛɛ è gɛ̀ Eezuɛ-ŋai díkɛ ƃò ŋɔ́nɔ lii-sêe su. Tãi ŋí yée mu, Zasua è nâa kɛ̀ a bɔlɔɔ kpɔ́ a ŋ̀ánaa.

Samia Veerɛi 23:8

Deeƃé ŋɔkɔ́ kɔ́-ƃela kpaya-kpayai láa ká ŋí: Tasimɔna naloŋ Zosɛ-basebɛ. È kɛ̀ gɔ́ kɔ́-ƃela gbului láa túɛ nyíi da kâa dítòli a Saaƃai. È núu ŋuŋ lɔ́ɔlu mɛi saaƃa pàa a ŋɔkpálai kɔ́ tɔnɔ su.

Kɔlɔnikɔ Maa-ŋuŋ 11:10

Diai ŋí ƃé kɛ̀ a Deeƃé ŋɔkɔ-kûluƃa-ŋai láa túɛ-ƃelai. Ǹûai ŋí da Eezuɛ-ƃelai kélee ƃé wɔ́lɔ tɔ̀ɔ bôlu a gɛ́ɛ pɔri é kɛ́ mì é ǹɔii kélee sóŋ yɛ̂ɛ berei Yâwɛɛ è wɔ́lɔ mò la é pîlaŋ Eezuɛ mai dí gɛ́ ŋɔkâloŋ-laai su é kpanâŋ.

Kɔlɔnikɔ Veerɛi 1:2

Gâloŋ Saloma è lòno Eezuɛ-ŋai kélee pɔ́. È lòno diai kɛ̀ ǹúu wála támaa-ŋai da diai kɛ̀ núu ŋuŋ tɛi-tɛi-ŋai mɛi pɔ́. È ŋɔ́nɔ lòno m̀ɛni-sâa ƃó-ƃelai, Eezuɛ láa túɛ-ƃelai da ǹúu-suu-ŋai mɛi-ƃelai pɔ́.