Kɔlɔnikɔ Maa-ŋuŋ 22:9 - Ŋ̀âla Kɔlɔ Maa Waai

⁹ Kɛ́lɛ ya pâi lóŋ-surɔŋ maa sɔlɔ ƃôi nyíi lii-see a pâi kɛ̂i ǹyêei, kpɛ́ni fêi, ŋa pâi dɛɛ̂i bɔ́. Ŋa pâi gɛ̂i é víi tɔ́ɔ ŋɔkpɔara-ƃelai kélee yêei. Ǹáa ƃé pâi kɛ̂i a Saloma. À gâloŋ-laai sɔlɔ ƃô, ŋa lii-see tɛɛ̂i Eezuɛ-ŋai pɔ́ ŋá dímɛi káa.

Kɔlɔnikɔ Maa-ŋuŋ 22:9 ပူးပေါင်းရင်းမြစ်များ

Kâloŋ Maa-ŋuŋ 1:13

Lí Gâloŋ Deeƃé pɔ́-naa loníi ma í mò ma, ŋánuu-namui gâloŋ, ífe ífoo ní íyee mu-nuui yêei, ƃîɛi, íloŋ-surɔŋ Saloma a pâi kɛ̂i a kâloŋ ḿbɔɔ ŋá, ǹyaŋ a pâi seêi ŋákâloŋ see-sɛŋ ŋá? Gɛ̀ ní lé ƃé gɛ̀ Adoniza káa a kâloŋ?

Kâloŋ Maa-ŋuŋ 2:15

Ǹyɛɛ m̀ai, “Í gɔ́lɔŋ a gɛ́ɛ maa-nɛ̃ɛi kɛ̀ gâloŋ-laai é kɛ́ a ḿbɔɔ, ǹyaŋ Eezuɛ-ƃela kélee dí kɛ̀ gâai a gɛ́ɛ ŋa pâi lɛɛ̂i gâloŋ-laai mɛi. É máŋ kɛ́ tí, gâloŋ-laai a tínaŋ à lɛɛ ǹêɣe yêei, kpɛ́ni fêi, è kɛ̀ a bɔ́ɔ é kúla Yâwɛɛ yêei.

Kâloŋ Maa-ŋuŋ 3:7

Óo Yâwɛɛ Ŋáɣâlai, ya nâa íyee mu-nuui kɛ́ a kâloŋ ǹâŋ Deeƃé pɔ́ɔ ŋá. Ǹyaŋ ŋ́gaa nɔ́ a lôloŋ. Ḿve berei kɔ́lɔŋ ŋa pɔri lɔ̂i lai da berei ŋa pɔri kulâi lai.

Kâloŋ Maa-ŋuŋ 4:20

Zuda da Eezuɛ-ƃelai dí kɛ̀ a dítamaa yɛ̂ɛ yúo ma ŋɛya. Dí dílaa mìi, dí díkpele dí lii-nɛ̃ɛ kùla.

Kâloŋ Maa-ŋuŋ 4:24

Saloma è kɛ̀ ǹɔii kpiniŋ kélee mɛi kɛ̀ Yufeletii Ya-leei ma vóloi liî-pere, é síɣe Tafisa é tóo Geza. È kɛ̀ gâloŋ-ŋai kélee mɛi kɛ̀ Yufeletii Ya-leei ŋɔfólo liî-pere. È kɛ̀ lii-see su da gɔlɛ ma lɔii ŋuŋ-ŋai kélee.

Kâloŋ Maa-ŋuŋ 4:25

Saloma kɛ́ɛ ɣele mai, Zuda da Eezuɛ lɔii dí kɛ̀ lii-see su, é síɣe kpîŋ Daŋ é tóo máŋ Bɛɛsiba. Ǹaa-ƃelai kélee dí kɛ̀ díkpɔɔi díkpɔmɔ kpâlaŋ-ŋai da dífîi kpalaŋ-ŋai ŋá lii-see su.

Kâloŋ Maa-ŋuŋ 5:4

Kɛ́lɛ Yâwɛɛ ŋáɣâlai a nâa lii-see tɛ̀ɛ ḿbɔ ŋágɔyaŋ pere-ŋai kélee ma. Núu da fé ŋɔ́nɔ tɔɔ ní ḿâ mɛni kpɔ̂lu da fé tela lâai ŋɔ́nɔ ḿâ.

Kâloŋ Maa-ŋuŋ 8:56

“Laa-ma-tɛ é tɛ́ɛ Yâwɛɛ pɔ́ nyíi a fii tɔɔ tɛ̀ɛ ŋɔnûai Eezuɛ-ŋai pɔ́ yɛ̂ɛ berei è góno tèe lai. Vé tá wɔ́lɔ fɛɣɛ ní a dɔnɔ kpîŋ a gɛ́ɛ é ŋɔkono-têe lɛ́lɛɛ-ŋai ŋ̀aa-see kɛ́ nyíi è gɛ̀ ǹyée mu-nuui Mose sârai.

Kɔlɔnikɔ Maa-ŋuŋ 17:11

Yà pâi sâai dí íloo ínûa-pɔlɔ-ŋai kɔlɛ, ŋa pâi íloŋ-surɔŋ dɔnɔ siɣêi zu ŋá gɛ́ a kâloŋ ípɔɔ ŋá. Ŋa pâi kɛ̂i bôlu ŋá gɛ́ a gɛ́ɛ ŋɔkâloŋ-laai mu é wuyɛ.

Kɔlɔnikɔ Maa-ŋuŋ 22:18

È mò dîa ǹyɛɛi, “Káɣâlai Yâwɛɛ è kɛ̀ kákɔlɛ. A lii see tɛ̀ɛ kápɔ ƃéla kélee ma, kpɛ́ni fêi, a ǹɔii kélee tɛ́ɛ ḿbɔ, zu-ƃela kélee da kɛ́ a Yâwɛɛ yée mu-ƃela.

Kɔlɔnikɔ Veerɛi 6:15

Yâ íyee sée gono-teei mu nyíi íwɔlɔ gɛ̀ ńâŋ Deeƃé yêei a íwooi. Ǹyaŋ, yâa ŋa-see kɛ́ a íkpɔɔi yèe yɛ̂ɛ berei kúkaa sâa gâai lai.

Zôo 34:29

“À kɛ̀ Ɣâla káa víi tɔ̂ɔi, gbɛ̂ɛ ƃa pɔ̂ri gɛ̂i é ǹíi maa fáleŋ? Maa-nuu fé mà. À kɛ̀ a ŋ̀ɛ́i lòo, màa-nuu fé mà é gáa.

Wule-woo-ŋa 72:1

Tɔ̃yâ mɛni ƃó táre tɛ̀ɛ gâloŋ pɔ́ a gɛɛ gɛ́ mɛni ŋá tée a tɔ̃yâ-pere óo Ɣâla. Ítɔ̃yâ-laai lɛ́ m̀a.

Wule-woo-ŋa 72:7

Tɔɔ teniŋ ƃô-laa mɛni da lii-see mɛni dí kɛ́ ŋɔfúlu-laai su. Tɔɔ m̀ɛnii kélee a ǹyée pìli zui, é ƃûu ƃó tãi nɔ́ ŋ̀áloŋ káa niî fôloi lai.

Azaya 26:12

Óo Yâwɛɛ, lûwa láa kúkɛ mɛni kélee dîa díƃûu ƃó. M̀ɛni lɛ́lɛɛ-ŋai kélee kwa zɔlɔ ƃôi da kûla ísɔŋ lɛ̂lɛ tuai su.

Azaya 45:7

Ńyãa ƃé kpíni da kwaa ponóɔɔ kpɛ̀tɛ. Ŋa lûwa làa nûa dîa, ŋ́gɛ mɛni kpɔ̂lu làa da-ŋa dîa. Ńyãa ƃa Yâwɛɛ. Ńyãa ƃa m̀ɛni-ŋai ŋí kɛ̀.

Azaya 57:19

Ŋa lii-sêe tɛ̀ɛ núu kélee pɔ́, diai díkaa kwaa kôyaa mai, da diai dílɛɣɛ̂ɛi a ńyãai. Ŋa pâi ŋánûai ƃâloi. Ńyãa Yâwɛɛ ƃé m̀o tí.

Azaya 66:12

Yâwɛɛ ǹyɛɛ, “Ŋa pâi gɛ̂i í ƃûu ƃó a zu kôyaa. Ǹɔii-ŋuŋ-ŋai su tɔɔ-sãai da pâi kɛ̂i pâi ípɔ yɛ̂ɛ yá nyii ɣilîŋ nii, va kpâlai. Ya pâi kɛ̂i yɛ̂ɛ lôloŋ ƃé ǹee è ŋwɛ̂lini, gɛ́ ŋákɔ̂ŋ, gɛ́ ǹaa ńyee tɔ̃ɔ̂i gɛ́ lí la.

Egaa 2:9

Bɛ́rɛ ninai a pâi fôloi é tɛ́ɛ bɔlɔi ma. Ŋa pâi tɔɔ-laa tɛɛ̂i ŋánûai pɔ́ da lii-sêe gwaa ŋí ma.”

M̀ɛni-sâa Ƃó-ƃelai 6:24

Gidiɔŋ è Ɣâla-teƃele tɔnɔ tɔ̀ɔ gwaai ŋí ma é ǹáa sée a, “Yâwɛɛ káa a Lii-see.” Gwaai ŋí ma káa a Abiezɛ nuu-suui pɔ́ɔ. È dɔɔ Ofura taa leei su. Gáa tɔ́ɔ ni naa sâa ƃa sâa.