Kɔlɔnikɔ Maa-ŋuŋ 13:8 - Ŋ̀âla Kɔlɔ Maa Waai

⁸ Deeƃé da ǹûai kélee díkɛ̀ lii-nɛ̃ɛ kulâi kpɔ́ a zu kɛ́tɛ díkɛ laa-maa tɛ̂ tɛ̀ɛ Ɣâla pɔ́. Dí kɛ̀ pêle kɛ̂i díkɛ mãla díkɛ ɣale-sãa kɛ́ɛ yɛ̂ɛ kɔnîŋ, gbuŋ-gbuŋ, nyɛ̃ŋ-nyɛ́ŋ ɣàle díkɛ túru fɛɛ.

Kɔlɔnikɔ Maa-ŋuŋ 13:8 ပူးပေါင်းရင်းမြစ်များ

Kâloŋ Veerɛi 3:15

Kɛ́lɛ ka pa ḿî a kɔnîŋ ɣale-nûu tɔnɔ.” Gɔnîŋ ɣale-nûui kɛ́ɛ ŋɔkɔnîŋ ɣalêi, Yâwɛɛ ŋɔmɔ̂leŋ è pà Ilasa kponôi.

Kɔlɔnikɔ Maa-ŋuŋ 15:28

Eezuɛ-ŋai kélee dí tɔ̀ɔ Yâwɛɛ Ŋɔkpanaŋ-woo kɛ́ɛ maa Gãlai ma dí pá la Zerusâlɛŋ díkɛ làɣi kpɔ́ a zu kɛ́tɛ, díkɛ lii-nɛ̃ɛ kùla, díkɛ sua-mĩla turu fɛ̀ɛ. Dí kɛ̀ nyɛ̃ŋ-nyɛ́ŋ ɣàlei, kɔnîŋ da pêle kɛ́-sãa da kpɛ́ni-ŋa.

Kɔlɔnikɔ Maa-ŋuŋ 16:42

Emaŋ da Zedutuŋ dítii ƃé kɛ̀ a gɛ́ɛ dí dúruii fɛ́ɛ, dí ǹyɛ-nyɛ́ŋ ɣále da ŋ̀ale-sãai da kpɛ́ni-ŋai da kɛ̀ ŋ̀ule maa waa-ŋai toôi. Zedutuŋ ǹônii-sinaai ƃé kɛ̀ Ŋ̀âla-pɛrɛ Kɛ́tɛi ŋɔsiɣãŋ lá.

Kɔlɔnikɔ Maa-ŋuŋ 16:5

Dí Asafa lɛ̀ a dílaa túɛ-nuu, dí Zɛkɛraya kɛ́ a gɔlɛ ma nuu. Dí Zeiɛ, Simiramɔ, Zeiɛ, Matitia, Ilia, Bɛnaya, Obɛɛ Idɔŋ, da Zeiɛ-ni sìɣe a gɛ́ɛ díkɛ gɔnîŋ bɛlɛ-pɛlɛɛi da gbaya-kpayai ɣàle. Asafa ŋɔtíi ƃé kɛ̀ a gɛ́ɛ gɛ́ ǹyɛ-nyɛ́ŋ ɣàle.

Kɔlɔnikɔ Maa-ŋuŋ 23:5

Dí wála náaŋ (4,000) ƃe pâi kɛ̂i ziɣãŋ láƃelei mɛi kâai. Dí wála náaŋ (4,000) ƃé pâi kɛ̂i laa-maa tɛ̂ tɛɛ̂i Yâwɛɛ pɔ́ a ŋ̀ále sãai ŋá gbɛtɛ a gɛ́ɛ ŋa laa-maa tɛ̂ tɛ̀ɛ la bɔ́i tíŋ.”

Kɔlɔnikɔ Veerɛi 20:28

Dí tɛ̀ Zerusâlɛŋ dí lí Ŋ̀âla-pɛrɛ Kɛ́tɛi lá díkɛ kɔnîŋ ɣâle. Díkɛ ɣale-sãa da kpɛ́ni ŋa nyíi moloŋɔɔ̂i kɔniŋ mai ɣale. Díkɛ túru fɛ̀ɛ Yâwɛɛ ma.

Wule-woo-ŋa 47:5

Ɣâla a tɛ́ a see ŋɔkâloŋ see-sɛŋ ŋá. Ka túru fɛ́ɛ ká láɣi a ɣelêi pere a koi-nɛ̃ɛ, tãi Yâwɛɛ a kɛ̂ tɛ̂i la ŋɔkâloŋ see-sɛŋ ŋái.

Wule-woo-ŋa 92:3

Kwa kɛ̀ ŋ̀ule-ŋai ŋí toôi m̀a, kú kɛ́ ƃɔɔ fɛ̂ɛi, kúkɛ kɔnîŋ ɣàle.

Emɔ 5:23

Ka kula ŋ́ôlii a ká wolii kâra wule-ŋai. Fe pâi ŋ́oli tɔɔ̂i káɣale-sãai wóo ma.

Emɔ 6:5

Ka wule-folo-ŋa tòo kákɔniŋ ma, kákɛ ɣale-sãa kpɛ̀tɛ kákpîŋ mɛni ma yɛ̂ɛ berei Deeƃé è kɛ̀ gɛ̂i lai.

Samia Maa-ŋuŋ 10:5

Ǹaa pôlu ma, lí Giƃia ƃɛ́i Felesia-ŋai da kɔ́ kɔ́-ƃelai díƃûui káa naai. Yà kɛ̀ pâi serîi daai su, yâ pâi Ɣâla ŋɔlóno kɛ́-ƃelai kpulu kâai naa díkɛ yèŋ da kûla ŋ̀âla fɛli kwaai ma. Dà kɛ̀ siâi, da pâi kɛ̂i tuɛ-mɛni ƃôi. Díƃarâai da pâi kɛ̂i dítuɛ pere díkɛ gɔnîŋ ɣàle, díkɛ gbuŋ-gbuŋ tua, díkɛ ŋɔ́nɔ ƃɔ̀ɔ fɛ̂ɛ.