Kɔlɔnikɔ Maa-ŋuŋ 13:3 - Ŋ̀âla Kɔlɔ Maa Waai

³ Dí pá a gɛɛ kú lí kú pá a Kúɣâlai Ŋɔkpanaŋ-woo-kɛ́ɛ maa Gãlai pôlu, kpɛ́ni fêi, kúfe kɛ́ ní kɛ̀ a kúkpaaŋɔɔ m̀aa mɛni ma Sɔ̂ɔ kɛ́ɛ a kâloŋ.”

Kɔlɔnikɔ Maa-ŋuŋ 13:3 ပူးပေါင်းရင်းမြစ်များ

Kɔlɔnikɔ Maa-ŋuŋ 13:2

Nya ƃe Deeƃé è mò Eezuɛ-ƃelai kélee dîa ǹyɛɛi, “À kɛ̀ gáa a kánîa mɛni, gɛ́ ƃò tela a Yâwɛɛ Kúɣâlai nîa mɛni, gɛ̀ ní tɔɔ kú kela-ŋa tɛɛ kwaa kélee ma kúnûai kpéli-ŋai pɔ́-naa dítaa-lêe-ŋai su da gbanâŋ-ŋai lá Eezuɛ lɔii sui, kú da-ŋa tɛɛ zâla láa soŋ-ƃelai da Liiva-ŋai pɔ́-naa a gɛ́ɛ dí pá ƃɛ́ kúpɔ naa.

Kɔlɔnikɔ Maa-ŋuŋ 13:4

Ǹûai kélee dí fàa Gâloŋ Deeƃé wóo ma, kpɛ́ni fêi, è kɛ̀ a mɛni lɛ́lɛɛ díkelee dímɛni ma.

Kɔlɔnikɔ Maa-ŋuŋ 15:13

Káfe kɛ́ ní naa a m̀aa-ŋuŋ ká ziɣe ǹya ƃé gɛ̀ Kúɣâlai Yâwɛɛ kɛ́ ǹíi ŋwàna kûa. Kúfe m̀arê kɛ́ ní a gɛ́ɛ é berei lɛ́ kûa kwa pɔ̂ri vɛlîi lai.”

Wule-woo-ŋa 132:6

Ɛfata ƃé kú Gbanaŋ-woo kɛ́ɛ Gãlai maa mɛ̂ni mɛ̀ni naa, ǹaa ƃé kú gàa naa Zeriŋ ŋɔsûai su.

Samia Maa-ŋuŋ 14:18

Aiza ƃe kɛ̀ a Zâla láa soŋ-nuui Eezuɛ kɔ kɔ́-ƃelai mɛni ma a ŋ̀ele-ŋai tí. Nya ƃe Sɔ̂ɔ è dòli ǹyɛɛ m̀ai, “Pá ƃɛ́ kú Ɣâla marê kɛ́ lé ƃé kwa pɔri gɛ̂i.”

Samia Maa-ŋuŋ 14:36

Sɔ̂ɔ è mò ǹûai dîa ǹyɛɛi, “Gbínii a pɛ̀lɛ, kwaa lí kwaa pɛ́lɛ Felesia-ŋai dîa. Kwa pɔri kɔ̂i dípɔ gbínii su kú díkelee páa kú díkɔ̃liŋ kélee síɣe kûɛ.” Ǹûai dîyɛɛ m̀ai, “M̀ɛnii kélee ǹɛ̂lɛɛi a ínîai, kwa pâi gɛ̂i.” Zâla láa soŋ-nuui Aiza è mò dîa ǹyɛɛi, “Ka tɔɔ kú Ɣâla marê kɛ́ é m̀ɛnii lɛ́ kûa kwa pɔri gɛ̂i.”

Samia Maa-ŋuŋ 22:10

Aimelɛ è lòno Yâwɛɛ pɔ́ m̀ɛni ma. Nya ƃe è mii-sɛŋ tɛ̀ɛ bɔ́. È ŋɔ́nɔ Felesia-nuui Golaya ŋɔƃóa-sɔkpɔi tɛ̀ɛ bɔ́.”

Samia Maa-ŋuŋ 22:15

Sâa nɔ́ ƃa maa ŋuŋ ŋá lóno Ɣâla pɔ́ m̀aa mɛni mai? Kpao, ǹyaŋ ífe niî ta ílii ŋwána ní! Ye kpera yɛ̂ ífe mɛni kɛ́ɛ tí pɛ̀lɛ a ńaa kpaa máŋ ŋánuu-suui-ŋai láa. Ḿve mɛni da kɔ́lɔŋ é pîlaŋ m̀ɛnii kɛ̂i ŋí ma!”

Samia Maa-ŋuŋ 23:2

Nya ƃe Deeƃé è Yâwɛɛ marê kɛ̀ ǹyɛɛi, “Ŋá kɔ́ pɛ́lɛ Felesia-ŋai ŋí dîa?” Yâwɛɛ è ŋ̀óo su tòo ǹyɛɛi, “Óoei, kɔ́ pɛ́lɛ dîa í Keila ŋuŋ ma ƃó.”