Kɔlɔnikɔ Maa-ŋuŋ 13:2 - Ŋ̀âla Kɔlɔ Maa Waai

² Nya ƃe Deeƃé è mò Eezuɛ-ƃelai kélee dîa ǹyɛɛi, “À kɛ̀ gáa a kánîa mɛni, gɛ́ ƃò tela a Yâwɛɛ Kúɣâlai nîa mɛni, gɛ̀ ní tɔɔ kú kela-ŋa tɛɛ kwaa kélee ma kúnûai kpéli-ŋai pɔ́-naa dítaa-lêe-ŋai su da gbanâŋ-ŋai lá Eezuɛ lɔii sui, kú da-ŋa tɛɛ zâla láa soŋ-ƃelai da Liiva-ŋai pɔ́-naa a gɛ́ɛ dí pá ƃɛ́ kúpɔ naa.

Kɔlɔnikɔ Maa-ŋuŋ 13:2 ပူးပေါင်းရင်းမြစ်များ

Kâloŋ Maa-ŋuŋ 12:7

Dîyɛɛ m̀ai, “À kɛ̀ ya pâi sâa íkpîŋ kɛ̂i a ǹûai ŋí dítii kɛ́-nuu, ye tíi kɛ́ dîɛ. Yà díwoo su tòo a ǹɛ́lɛɛ, da pâi kɛ̂i a íyee mu-ƃela a ɣele kélee.”

Kâloŋ Veerɛi 9:15

Gâloŋ Zoraŋ è nâa kɛ̀ ƃâloi Zariɛɛ mɛni ŋánaai yêei Siria kɔ-kuluƃa-ŋai dí gɛ̀ lai. Tãi tí yée mu, Zewu è kɛ̀ Lemɔ gɛ́ mɛni kpɛtɛɛ kɛ̀ a gɛɛ é Zoraŋ paa. È mò ŋɔkɔ-kûluƃa-ŋai túɛ-ƃelai dîa ǹyɛɛi, “À kɛ̀ ká ŋ̀wɛ̂lii a gɛɛ ŋá kɛ́ a kâloŋ, gɛ̀ ní, káfe nɛ̀ɛ naa núu da kélee fé kùla daa-lêei ŋí su é lí a mɛnii ŋí tuŋ Zariɛɛ é mó Zoraŋ ma.”

Kɔlɔnikɔ Maa-ŋuŋ 10:7

Tãi Eezuɛ-ŋai nyii-ŋai kɛ̀ Zariɛɛ tiŋ-tiŋ su dí m̀ɛni la a gɛ́ɛ Eezuɛ kɔkuluƃa-ŋai dí pú Felesia-ŋai yêei, Sɔ̂ɔ da ǹônii-sinaai da lɛ́ɛ gɔ́i sui, dia máŋ dí kùla dítaa-ŋai su dí pú. Nya ƃe Felesia-ŋai dí pà dí sée naa.

Kɔlɔnikɔ Maa-ŋuŋ 13:1

Naa kɛ́ɛ tíi, Deeƃé da ŋɔnûai mɛi-ƃelai dí díŋuŋ pîlaŋ. Ǹûai kɛ̀ ŋuŋ-pilaŋ ŋí sui dia ƃé kɛ̀ a ǹûai kɛ̀ núu wála tɔnɔ-tɔnɔ da núu ŋuŋ tɔnɔ-tɔnɔ mɛi.

Kɔlɔnikɔ Maa-ŋuŋ 13:3

Dí pá a gɛɛ kú lí kú pá a Kúɣâlai Ŋɔkpanaŋ-woo-kɛ́ɛ maa Gãlai pôlu, kpɛ́ni fêi, kúfe kɛ́ ní kɛ̀ a kúkpaaŋɔɔ m̀aa mɛni ma Sɔ̂ɔ kɛ́ɛ a kâloŋ.”

Ɛsedɔ 18:23

À kɛ̀ ƃà m̀ɛni-ŋai ŋí kɛ̀ nyii-ŋai díkaa a Ɣâla nîa-mɛnii, gɛ̀ ní a pâi wála-wala tɛɛ̂i ípɔ ífe pâi kɔlɔ kpɛ̂ɛ íkpîŋ ma. Ǹyaŋ gɛ̀ ní ǹûai kélee da pâi liî pôlu lii-see su.”

Táre-woo-ŋa 15:22

Ƃɛ́i núu lia-woo-ƃo-nuu fé naai, mɛni a kâra naa, kɛ́lɛ ƃɛ́i núu lia-woo ƃó-nuu tâmaai naai, mɛni fa kâra naa.

Azaya 37:4

Tãi ta, Káɣâlai Yâwɛɛ aâ Asiria kaloŋ ŋɔkɔ-kuluƃa-ŋai láa-tuɛ nuui wóo mɛ́ni gɛ́ ɣɛ́lɛ-maa kûla gɛ̀-ɣele mâ Ɣalai kponôi. Tɔ́ɔ Yâwɛɛ Káɣâlai é m̀ɛni-ŋai ŋí mɛ́ni, é ǹuui nyii kélee m̀aa-kula ḿaa-woo-ŋai ŋí ƃoi kúla maa kɛ́. M̀ɛni m̀a, ka Ɣâla fɛli kúnûai nyii-ŋai lɛ̂ɛi, dímɛni ma.”

Samia Maa-ŋuŋ 31:1

Felesia-ŋai da Eezuɛ-ŋai dí kɔ̀ Giboa Yeei ma. Eezuɛ kɔ-kuluƃa-ŋai dí pù Felesia-ŋai yêei. Dí Eezuɛ-ŋai dámaa pàa. Gâloŋ Sɔ̂ɔ, ŋɔkɔ-kuluƃa-ŋai da ǹúui gbeli-ŋai dí pù.