Kɔlɔnikɔ Maa-ŋuŋ 11:5 - Ŋ̀âla Kɔlɔ Maa Waai

⁵ Nya ƃe Zɛbusi-ŋai dí mò Gâloŋ Deeƃé ma dîyɛɛi, “Ífa pɔ̂ri serîi daai ŋí su.” Kɛ́lɛ Deeƃé è Zãiyɔŋ Yeei ŋɔkili tɔɔ maa kwaai ma sòŋ dí nàa láa sèe a Deeƃé ŋɔtaa-lêei.

Kɔlɔnikɔ Maa-ŋuŋ 11:5 ပူးပေါင်းရင်းမြစ်များ

Samia Veerɛi 5:9

Deeƃé è sèe naa é ǹaa láa sée a Deeƃé ŋɔtaa-lêei. È siɣâŋ tɔ̀ɔ é dínaŋ naa ma é kúla Milo é lí daa-leei su-pere.

Samia Veerɛi 6:10

Ǹalôŋ ŋí kɛ́ɛ a saai, Deeƃé è yào kpɔ́ a ŋ̀ánaa. Vé pɔri ní liî a gãlai ŋí ŋɔtaai su. Kɛ́lɛ è lì la Gâa taa-lee su naloŋ Obɛ Idɔŋ ŋɔpɛ́rɛi lá.

Samia Veerɛi 6:12

Dí mò Deeƃé ma dîyɛɛi, “Yâwɛɛ aâ lûwa láa Obɛ Idɔŋ ma da ŋɔpɛ́rɛi mu-ƃelai kélee ŋɔkpanaŋ-woo kɛ́ɛ maa gãlai mɛni ma.” Nya ƃe Deeƃé è lì é Ɣâla ŋɔkpanaŋ-woo kɛ́ɛ maa gãlai kúla naa é pá la Zerusâlɛŋ a lii-nɛ̃ɛ.

Kâloŋ Maa-ŋuŋ 8:1

Gâloŋ Saloma è Eezuɛ nuu-pɔlɔ-ŋai tòli Zerusâlɛŋ taa-lêei su, zîi-ŋai láa túɛ-ƃelai kélee da Eezuɛ kaa-laa-ŋai láa túɛ-ƃelai, a gɛ́ɛ dí pá a Yâwɛɛ ŋɔkpanaŋ-woo-kɛ́ɛ Gãlai dí gula Zãiyɔŋ, Deeƃé ŋɔtaa-lêei su a gɛ́ɛ dí pá la Ŋ̀âla-pɛrɛ Kɛ́tɛi mu.

Kɔlɔnikɔ Maa-ŋuŋ 11:4

Naa kɛ́ɛ tíi, Deeƃé da Eezuɛ kɔ kɔ́-ƃelai dí lì dí kɔ́ pɛ́lɛ Zerusâlɛŋ taa-leei ma. Zerusâlɛŋ láa ƃé kɛ̀ a Zɛbusi. Naa ƃé Zɛbusi-ŋai kɛ̀ ǹɔii tí sui díseɛɛ è kɛ̀ naa.

Kɔlɔnikɔ Maa-ŋuŋ 11:6

Gɛ́ɛ tí, Deeƃé è mò ŋɔkɔ́ kɔ́-ƃelai dîa ǹyɛɛi, “Ǹúui pâi tɔɔ̂i gɔ́-kuluƃa-ŋai túɛ dí kɔ́ pɛ́lɛ Zɛbusi-ƃelai diai ǹyaa ƃé pâi kɛ̂i a ŋákɔ-kuluƃa-ŋai mɛi-nuu kɛ́tɛi.” Nya ƃe Zeruia ǹóŋ Zoa è kɛ̀ a m̀aa-ŋuŋ é lí é pɛ́lɛ ǹûai ŋí dîa. M̀ɛni ma dí nâa gɛ̀ a ǹúu kɛ́tɛi.

Kɔlɔnikɔ Maa-ŋuŋ 11:7

Deeƃé è lì é sée daai su. M̀ɛnii ŋí ƃé gɛ̀ díkɛ daai ŋí láa sèe a “Deeƃé Ŋɔtaa-lêei.”

Kɔlɔnikɔ Veerɛi 5:2

Saloma è ǹúu pɔlɔ-ŋai, ǹúu-laa túɛ-ƃelai da Eezuɛ kaloŋ-ŋai kélee tòli Zerusâlɛŋ a gɛ́ɛ dí lí dí pá a Yâwɛɛ ŋɔkpanaŋ-woo kɛ́ɛ maa Gãlai. Gãlai ŋí è kɛ̀ Zãiyɔŋ Deeƃé ŋɔtaa-lêei su.

Wule-woo-ŋa 122:5

Ƃɛ́ ŋí ƃé Eezuɛ kaloŋ-ŋai, da sêe naa díkɛ dínûai dímɛnii ŋá tèe.

Wule-woo-ŋa 132:13

Yâwɛɛ a Zãiyɔŋ siɣe zu. A ŋ̀wɛ̂lii é ǹaa kɛ́ a bɔ́-taai.

Wule-woo-ŋa 2:6

“Ŋâa ŋákâloŋ sée Zãiyɔŋ Yeei ma nyii gáa a ŋáyee maa waai.”

Wule-woo-ŋa 48:2

Ɣâla ŋɔyéei Zãiyɔŋ tɔɔ̂i a ŋ̀ánaa, maa waa. Gâloŋ kɛ́tɛi ŋɔtaa-leei a pâ a lii-see ŋ̀éniɛi su-ƃelai pɔ́, díkɛ koi-nɛ̃ɛ kula.

Wule-woo-ŋa 78:68

È Zuda ŋɔsîi sìɣe zu da Zãiyɔŋ Yeei ma ƃɛ́i è naa wɛ́lini a ŋ̀ánaai.

Wule-woo-ŋa 87:2

È Zerusâlɛŋ taa-leei tí wɛ́lini é tɛ́ɛ Eezuɛ taa-lee-ŋai kélee dîa.

Wule-woo-ŋa 87:5

Da pâi lônoi é pîlaŋ Zãiyɔŋ ma dîyɛɛi, “Ǹɔii-ŋuŋ-ŋai kélee dí kùla gbonôi.” Ŋ̀âla Kɛ́tɛi ǹyaa kpîŋ a pâi dí kɛ̂i a lɔii-ŋuŋ wála-walaa.

Wule-woo-ŋa 9:11

Ka laa ma tɛ̂ wule-ŋa too Yâwɛɛ ma. Zeêi ƃa Zãiyɔŋ Yeei ma. Ka gɛ́-mɛni kpaya-kpayai maa mɛ̂ni ƃó ǹûai dîa.

Lomaŋ 9:33

yɛ̂ɛ berei bɔ̃yɛɛ̂i lai, “Ka gáa, ŋa kɔni lâai Zãiyɔŋ su nyíi pâi núu-kpune kɛ̂i é gɔ́ɔ tuai, gɔnii nyíi pâi díkɛ̂i dí tóoi; ǹyaŋ ǹúui a lâa lai ve pâi ŋumɛ̂i.”

Ibulu 12:22

Kɛ́lɛ, ka pá Zãiyɔŋ Yeei ma da Vulu-laa Ɣalai ŋɔtaa-lee kɛ́tɛi, ǹyaa ƃa Zerusâlɛŋ nyíi gáa a Ɣâla-taai. Ka seri ŋ̀âla-taa kela-kpɔŋ kɛ́tɛ ma nyíi-ŋai dí ŋá tɛ̀ díkîe ma kúu kɛ́-mɛni ma.

M̀ɛni-lɛɛi 14:1

Ŋá Zãiyɔŋ Yeei ma kàa, M̀ála-loŋ è kɛ̀ tɔɔ̂ni naa, da núu wála ŋuŋ tɔnɔ pôlu buu náaŋ kao náaŋ (144,000), nyíi-ŋai M̀ála-loŋ da Ǹâŋ dílaa è kɛ̀ a bɔ̃yɛɛ dítôŋ lai.

M̀ɛni-sâa Ƃó-ƃelai 19:10

Kɛ́lɛ Liiva naloŋ fé fáa ní. È ŋɔwɛlɛ soo feerɛi pôlu sãai pɛ̀lɛ dípôlu, dí sée dímɛi dí lí a Zerusâlɛŋ perei. Dí seriɛɛ Zɛbusi taa leei (bere ƃé da kâa Zerusâlɛŋ taa leei tôli la) kɔlɛ ma, Liiva naloŋ yée mu nuui è mò ma ǹyɛɛ, “Kwaa nyíi sâa Zɛbusi taa leei ŋí su, kpɛ́ni fêi, vóloi aâ lí.”

Samia Maa-ŋuŋ 17:26

Deeƃé è gɔ-kuluƃa-ŋai kɛ̀ tɔɔni gɔlɛi m̀arê kɛ̀ ǹyɛɛi, “Lé ƃé núu a pâi zɔlɔ ƃôi a kɛ̀ a Felesia nuui ŋí pàa é kpéra kúnûai larânii? Felesia naloŋ kpɛ́ni-kpɛnii tí. Vé fúlɔi máŋ kpɛtɛ ní. A gbîŋ kâai yɛ̂ɛ gbɛ̂ɛ a pɔri kɛ̂i Ɣâla ŋɔkɔ́ kɔ́-ƃelai maa fooi!”

Samia Maa-ŋuŋ 17:36

Galoŋ, ŋa yala-sulu da ditala támaa páa a bere sîi ŋí. Ǹyaŋ ŋa pɔri Felesia naloŋ kpɛ́ni-kpɛnii ŋí vé kpɛtɛ níi paâi a bere sîi tɔnɔi ŋí, nyíi a gɛ-ɣele ma Ɣalai ŋɔkɔ́ kɔ́-ƃela maa fôoi!