Kɔlɔnikɔ Maa-ŋuŋ 11:3 - Ŋ̀âla Kɔlɔ Maa Waai

³ Eezuɛ nuu-pɔlɔ-ŋai dí pà Gâloŋ Deeƃé pɔ́ Iburɔŋ, è kpanaŋ-woo kɛ́ díyêei Yâwɛɛ ŋɛ́i-tuɛ. Dí nâa wúlɔ pú ŋ̀ûa dí gɛ̀ a díkâloŋ yɛ̂ɛ berei Yâwɛɛ è wɔ́lɔ góno tèe la Samia sarâi.

Kɔlɔnikɔ Maa-ŋuŋ 11:3 ပူးပေါင်းရင်းမြစ်များ

Samia Veerɛi 2:4

Nya ƃe Zuda-ƃelai dí pà Iburɔŋ dí wúlɔ pú naa Deeƃé ŋûa a gɛ́ɛ é kɛ́ a díkâloŋ Zuda lɔii mɛi. Gɛ́ɛ da mò Deeƃé ma a gɛ́ɛ Zaƃɛ-gilia-ƃelai ƃé Sɔ̂ɔ looi,

Samia Veerɛi 5:3

Eezuɛ nuu-pɔlɔ-ŋai kélee dí pà Deeƃé pɔ́-naa Iburɔŋ. È kpanaŋ-woo kɛ̀ naa díyêei Yâwɛɛ ŋɛ́i, dí wúlɔ pù ŋ̀ûa a gɛ́ɛ é kɛ́ a kâloŋ Eezuɛ lɔii mɛi.

Samia Veerɛi 5:5

Gɛ́ɛ Iburɔŋ è kâloŋ-laa kɛ̀ Zuda lɔii mɛi a kóraŋ lɔ́ɔlu mɛi feerɛ ɣáloŋ lɔ́ɔlu mɛi da. Gɛ́ɛ Zerusâlɛŋ, è kâloŋ-laa kɛ̀ Eezuɛ da Zuda lɔii mɛi a kóraŋ buu saaƃa káo saaƃa.

Kâloŋ Veerɛi 11:17

Zâla láa-soŋ-nuui Zioada è Gâloŋ Zoasi da ǹûai marê kɛ̀ a gɛɛ dí kpanaŋ-woo kɛ́ da Yâwɛɛ-ni dí loai a gɛɛ da pâi kɛ̂i a Yâwɛɛ ŋɔnûa, dí tela gɛ́ díkîe-ni loai.

Kâloŋ Veerɛi 23:30

Zosaya yée-mu-ƃelai da-ni dí boma pîli gɔ́-kɔ-keleŋ dɔnɔ su dí lí la pôlu Zerusâlɛŋ taa-leei su dí nòo naa gbîŋ ƃoloŋ su. Naa pôlu ma Zuda-ƃelai dí Zosaya ǹóŋ Zoazi kàa dí ɔle wulɔ pú ŋûa dí gɛ́ a kâloŋ ǹâŋ pɔ́ɔ ŋá a díkâloŋ ninai.

Kɔlɔnikɔ Maa-ŋuŋ 11:10

Diai ŋí ƃé kɛ̀ a Deeƃé ŋɔkɔ-kûluƃa-ŋai láa túɛ-ƃelai. Ǹûai ŋí da Eezuɛ-ƃelai kélee ƃé wɔ́lɔ tɔ̀ɔ bôlu a gɛ́ɛ pɔri é kɛ́ mì é ǹɔii kélee sóŋ yɛ̂ɛ berei Yâwɛɛ è wɔ́lɔ mò la é pîlaŋ Eezuɛ mai dí gɛ́ ŋɔkâloŋ-laai su é kpanâŋ.

Kɔlɔnikɔ Veerɛi 23:3

Díkelee dí kpanaŋ-woo kɛ̀ da gâloŋ-ni Ɣâla ŋɔpɛ́rɛ kɛ́tɛi lá. Zioada è mò dîa ǹyɛɛi, “Gâloŋ ǹóŋ-surɔŋ a pâi kɛ̂i ǹɔii mɛi yɛ̂ɛ berei Yâwɛɛ è wɔ́lɔ góno tèe la é pîlaŋ Deeƃé ŋɔsuui mai.

M̀ɛni-sâa Ƃó-ƃelai 11:11

Zafita da Gilia láa túɛ-ƃelai dí lì. Dí liɛ́ɛi, ǹûai dí gɛ̀ a gɔ-kuluƃa-ŋai láa túɛ-nuu. Gilia-ƃelai kélee dí lì Mizipa a gɛ́ɛ dí Ɣâla fɛli naa. Naa ƃé Zafita è m̀ɛni-ŋai kélee ƃò naa Yâwɛɛ ŋɛ́i túɛ nyíi da Gilia-ƃelai dí gbɛ̀tɛi.

Samia Maa-ŋuŋ 11:15

Díkelee kpɔ́ dí lì ŋ̀âla fɛli kwaai ma Geega. Dí liɛ́ɛi, dí fàa ma a gɛ́ɛ Sɔ̂ɔ é kɛ́ a díkâloŋ. Da Sɔ̂ɔ ni dí laoi-laa sâla kùla a taa-tulɛ-ŋa Nuu-namui ma. Dí kúu kɛ́tɛ kɛ̀ naa a m̀aa ɣelei tí.

Samia Maa-ŋuŋ 15:28

Samia è mò ma ǹyɛɛi, “Yâwɛɛ aâ gâloŋ-laai kúla íyêei Eezuɛ mɛni ma sâa. A pâi dɛɛ̂i núu da kpɛ́ni pɔ́ nyíi ǹɛ̂lɛɛi é tɛ́ɛ yâi.

Samia Maa-ŋuŋ 16:1

Malôŋ è tòo Yâwɛɛ ma a gɛ́ɛ è Sɔ̂ɔ sìɣe a kâloŋ Eezuɛ mɛni ma. Ɣele tɔnɔ ta è mò ǹyɛɛ, “Samia, ŋaâ nâa ńyee kúla Sɔ̂ɔ mu. Fé fáa ní ma a gɛ́ɛ é kɛ́ ŋɔ́nɔ a kâloŋ. Ífe ŋɔ́nɔ m̀alôŋ sèe. Ye wúlɔ pú sɛŋ-folo loŋ su í lí í naloŋ tɔnɔ naa káa nyíi da dòli a Zɛsei. Zeɛ́ɛ káa Bɛpeleɣɛ̃ɛ. Ŋaâ ǹóŋ dɔnɔ siɣe zu a gɛ́ɛ é kɛ́ a ŋákâloŋ.”

Samia Maa-ŋuŋ 16:3

À kɛ̀ tí, í Zɛse tóli zâla kuláai su. Ŋa pâi ǹóŋ dɔnɔ lɛ̂i yâ nyíi ŋa zìɣe zui. À kɛ̀ tí, gɛ̀ ní ye Ɔle wulɔi pú ŋûa.”

Samia Maa-ŋuŋ 23:18

Dífeerɛ dí díkono tèe díkîe-ni yêei a gɛ́ɛ da pâi kɛ̂i a díteniŋ ƃoɔɔ díkîe-ni mɛni ma. Nya ƃe Zonetaŋ è lì pôlu bɔ́-naa. Kɛ́lɛ Deeƃé è lɛ̀ɛ Ɔrɛ.

Samia Maa-ŋuŋ 28:17

Yâwɛɛ a m̀ɛnii kɛ̂i nyíi è mò yâ ńzarâi naa túɛi. Yâwɛɛ a gâloŋ-laai kúla íyêei a dɛɛ íkɔlɛ ma-nuui Deeƃé pɔ́.