तीतुस 3:8 - पुना गच्छरना NT (BSI)

⁸ इबड़ा कत्‍था गुट्ठी मानिम हिके। अरा ऎन बेद्ददन का आलर इबड़ा कत्‍था गुट्ठी ही पत्त नू बड़ियर लगे बुझ्रनर। होले एकार धर्मेसिन पत्त'अनर, आर दौ नलख नू ल‍इक्‍का र'आ गे चिहुंक ननोर। इबड़ा कत्‍था गुट्ठी बॆस अरा ओर्मर गे धार'ई।

तीतुस 3:8 ပူးပေါင်းရင်းမြစ်များ

मत्तायोस 20:4

अरा आरिन बाचस, ‘नीम हूँ अंगुर बटकी नू कला, अरा ऎ बग्‍गे चि'अना र'ई अदिन ऎन निमा चि'ओन।’

यॊहनस 12:44

तहाँ येसुस चिच्‍चियारस ती बाचस, “नॆ एंग्‍है मइय्याँ पत्त'अदस, आस एंग्‍है मइय्याँ लेका मला, एंगन तइय्युस मइय्याँ हूँ पत्त'अदस।

यॊहनस 5:24

ऎन निमन मानिम ब'अदन, नॆ एंग्‍है कत्‍थन मेन्‍नर ती एंगन तइय्‍का धर्मेसिन पत्त'अनर, आर जनमजुग उज्‍जनन ख़क्‍खकानर। आर गे दंडे ही पॆसका इकला हूँ मल मनो। आर खे'अना ती कट्टियर अरा उज्‍जना नू कोरच ख़च्चकानर।

त‍इरकर 12:15

आलर अदिन बाचर, “नीन पूरालदी।” अन्नु हूँ आद बड़ियर लगे बाचा, “मानिम हवे।” ख़ने आर बाचर, “आसी पैकस नेख़‍अन।”

रोमी 4:5

लिकिन एका ओर्तस मलदौ आलारिन छमा ननू धर्मेसिन पत्त'ऊ र'अदस आस गे तंग्‍है नलख नू मला आसी पत्त'अना दिम उजगो गनतार'ई।

2 कोरिन्‍थ 4:13

नेम्‍हा पुथी नू एन्ने लिख्रकी र'ई का, “ऎन पत्ताचकन, औंगे बाचकन।” आ पत्त'अना ही ओन्टे बॊलता तिम ऎम पत्त'अदम, औंगे ब'अदम।

इफेसुस 4:28

अरा एकास ख़ड़दस, आस अक्कु ती अम्बोस ख़ड़'आ नेकअन। लिकिन आस तंग्है ख़ेक्खा ती दौ नलख नन्ना नू अर्ज'आ गे चिहुट नन्दस नेकअन। होले मलकर गे सहाड़ा नना गे आसी गुसन इन्द्रिइम र'ओ।

1 तीमोथियुस 1:15

ऎन एन्‍देर ब'अदन आद मानी दिम, निमा अदिन मनना र'ई, का मसी येसुस पपहारिन नाड़ा गे ख़ॆख़ेल नू बरचस, अबड़ा उर्मीर ती कोहाँ पपहा आलन ऎन हिकदन।

1 तीमोथियुस 2:8

ऎन बेद्ददन का धर्मेसिन ओहमा नन्ना उर्मी अड्डा नू मॆतर गे नेम्‍हा उज्‍जना ती बिगर कैर-कुसर अरा नग्‍गा नखरना ती ख़ेक्खा गुट्ठिन चोदना ती बिन्‍ती नन्ना र'ई।

1 तीमोथियुस 5:10

अरा आद दौ नलख गुट्ठी ती बॆस नामे ख़क्‍खकी र'ऊ आली मन्ना र'ई। एकाद ख़द्द-ख़र्रन पूसकी र'ओ, अरा पाहियर ही तेतर-सुसर नंजकी र'ओ, अरा नेम्‍हा आलर ही ख़ेड्डेन नूड़‍की र'ओ, अरा दुक्खे सार‍'ऊ आलर ही सहाड़ा नंजकी र'ओ, अरा उर्मी दौ नलख नू मने नंजकी र'ओ अन्ने आली मन्ना र'ई।

2 तीमोथियुस 1:12

औंगेम ऎन ई दुक्‍खेन हों चॊद्दन, लिकिन मल एल्‍चदन। एन्‍देरगेका नॆकन ऎन पत्त'अदन अदन अख़दन। एंगा असरा र'ई का आस एंग्‍है नलखन रायबड़ी उल्‍ला गूटी ख़ापा ओंग्दस।

तीतुस 1:9

अरा आस गे सिखाबाचका मानिम कत्‍था नू जिट जिट र'अना र'ई। होले आस आसी दौ सिखाब'अना ती नन्ना आलर गे संगरा नना ओंगोस। अरा अदही बिड़दो ब'उर ही ब‍इय्यन उट'आ ओंगोस।

तीतुस 2:14

आस तान तंगन नमा चिच्‍चस उइय्यस, होले आस नमन उर्मी रकम ही पाप ती नाड़ा गे दाम चि'आ ओंग्दस। अरा नमन नेम्‍हा ननरकी तंगा गे एन्ने जाती कमदस, एकदा दौ नलख गुट्ठिन नना गे सगरो सपड़ारकी र'ई।

तीतुस 2:7

नीन उर्मी रकम ही दौ नलख नना ती नीन नीनिम आर गे चिन्‍हा ऎद'आ। निंग्‍है सिखाब'अना नू फुर्फुर'आ अरा चिहुट र'आ।

तीतुस 3:1

पत्त'ऊ आलारिन सुरता नन्‍त'आ का आर गे राजी ननुर अरा अक्‍स'उर ही आकुस नू र'अना र'ई। अरा आरहीन पॆस्रना ती उर्मी दौ नलख गे सपड़ारका र'अना र'ई।

तीतुस 3:14

नम्‍है आलर हों चाड़ गुट्ठिन पुराब'आ गे बॆस नलख नू ल‍इक्‍का र'आ गे सिख्रना र'ई। आर ही उज्‍जना बिगर ख़ंजपा ती अम्‍बो र'आ।

फिलॆमॊन 1:11

आस मुन्‍द निंगा गे खइता रहचस, लिकिन अक्‍कु गा निंगा अरा एंगा इरबर गेम कोड़हे नलख जॊगे र'अदस।

इब्रानी 10:24

नाम चोन्‍हा नन्ना नू अरा दौ नलख नन्ना नू एकासे तंग्‍है ती नन्नारिन रिझ्रत'आ ओंगोत अदही पत्त नू सोचना र'ई।

1 पतरस 1:21

आस ती दिम नीम अक्‍कु धर्मेसिन पत्त'अदर। धर्मेस दिम आसिन केचका ती उज्जताचस ती आस गे महबा चिच्चस। औंगे निम्‍है पत्त'अना अरा असरा धर्मेस मइय्याँ र'ई।