तीतुस 3:6 - पुना गच्छरना NT (BSI)

⁶ धर्मेस नम्‍है बछाब'ऊ येसु मसीस ती नेम्‍हा बोलतन नम्‍है म‍इय्याँ बग्‍गे ती बग्‍गे त‍इय्यस।

तीतुस 3:6 ပူးပေါင်းရင်းမြစ်များ

यॊहनस 1:16

अरा आसी मया ही निंद्रका ती नाम ओर्मत आसीस ही म‍इय्याँ आसीस ख़क्‍खकादत।

यॊहनस 16:7

लिकिन ऎन निमन मानिम कत्‍थन तेंगदन, निम्‍है दौ गे दिम ऎन निमन ती कादन, एन्‍देरगेका ऎन मल क'ओन होले, सालत'उस मल बर'ओस। लिकिन ऎन क'ओन होले ऎन आसिन निम्‍है गुसन तइय्योन।

यॊहनस 4:10

येसुस अदिन आनाकिर्ताचस, “धर्मेसी चि'अना इनामन अरा नॆ निंगन ‘एंगा ओना गे अम्मु चि'ई’ एन्ने ब'अदस, अदिन नीन अक्‍का होले, नीनिम एंग्‍है गुसते अम्मु ने'ओय दने। अरा ऎन निंगा गे उज्‍जना चि'ऊ अम्‍मन चिच्का र'ओन दने।”

यॊहनस 7:37

परब ही छेद्दे उल्‍ला मुध उल्‍ला नू येसुस इज्‍जस ती जॊरसरिया बाचस, “नीक‍ईम ओनक'आ सार'आ लगदर होले, एंग्‍है गुसन बरा ती ओना।

त‍इरकर 10:45

ख़ने पतरस गने बरचका यहूदी पत्त'ऊ आलर इदिन ईरियर ती अनचकरर केरर, एन्‍देरगेका नन-यहूदीर गे हूँ नेम्‍हा बॊलतासी इनाम ख़क्‍ख्रकी रहचा।

त‍इरकर 2:33

तहाँ धर्मेस आसिन होच्चस ती तंग्‍है गने ओक्‍तारकी राजी नन्ना ही म‍ईन आबोन चिच्‍चस। अरा आस बबस गच्‍छरका नेम्‍हा बॊलतासिन ख़क्‍खियस ती अदिन नमा चिच्‍चस, एकासे अक्‍कुन नीम ऎरदर अरा मेन्‍दर।

रोमी 5:5

असरा ती लज्‍जे मॊख़रना मल मनी, एन्‍देरगेका धर्मेस नमा गे चिच्का नेम्‍हा बॊलतस ती तंग्‍है चोन्‍हा आबोन नम्‍है जिया नू चाचकादस।

रोमी 8:2

एन्‍देरगेका नेम्‍हा बॊलतासी नॆग एकदा मसी येसुस नू उज्‍जना चि'ई, आद निंगन पाप दरा खे'अना ही नॆग ती नाड़की र'ई।

इफेसुस 3:8

ऎन उर्मी नेम्हा आलर ती सन्नी र'अदन, अन्नु हूँ एंगा गे ई मया चितारा का ऎन नन-यहूदीर गे मसीसी मल मुंज्रना कोहाँ खुर्जी ही पत्त ता दौ कत्‍थन तेंगोन।

इफेसुस 4:2

नीम सगरो निमन सन्नी नना ती लुदऊ गने अरा खतिर मन्ना ती र'आ, अरा ओर्त ओर्तोरिन सहना ती चोन्‍हा गने ऎका।

1 तीमोथियुस 6:17

ई ख़ॆख़ेल ता उरुब आलारिन पॆस'आ का आर अम्‍बोर इतरार'आ, अरा नठारना खुर्जी म‍इय्याँ असरा अम्‍बोर नना। लिकिन आर गे नम्‍है सुक्‍ख गे उर्मीन बग्‍गे ती बग्‍गे चि'ऊ धर्मेस म‍इय्याँ असरा नन्ना मनो।

तीतुस 1:4

नम्‍है मझी नू र'ऊ पत्त'अना नू एंग्‍है मानिम ख़द्दस तीतुस गे ऎन पौलुस लिखदन। धर्मे बबस अरा नम्‍है बछाब'उस मसी येसुसी मया अरा कोड़े निं‍गा मनन नेक‍अन।