तीतुस 2:8 - पुना गच्छरना NT (BSI)

⁸ मानिम आबोन सिखाब'आ, होले निंग्‍है सिखाब'अनन बोया कत्‍था ब'अरकी मल अलखोर। तहाँ निंग्‍है बिड़दो नू र'उर लजर'ओर, एन्‍देरगेका नमन मलदौ ब'आ गे एन्‍द्रा हूँ मलकी।

तीतुस 2:8 ပူးပေါင်းရင်းမြစ်များ

मरकुस 12:17

ख़ने येसुस आरिन बाचस, “कैसरस गे एन्‍देर चि'अना र'ई अदिन कैसरस गे चि'आ, अरा धर्मेस गे एन्‍देर चि'अना र'ई, अदिन धर्मेस गे चि'आ।” ख़ने आर येसुसी ई कत्‍थन मेनरकी अनचकरर केरर।

मरकुस 12:28

ओन्‍टा नॆग सिखाब'उस असन रहचस ती आर ही कत्‍था बरतन मेना लगियस। येसुस सदुकीर गे लूरगर ती किर्त'अर ब'अनन आस ईरियस ती येसुसिन मेंजस, “धर्मेस नमा गे बग्‍गे पॆसका चिच्कादस अबड़ा ती कोहाँ पॆसका एकदा हवे?”

मरकुस 12:32

आ नॆग सिखाब'उस बाचस, “अना गुरु! नीन नगदे बने मानिम बाचकय, धर्मेस ओन्‍टा दिम र'अदस, आसिन अम्‍बरकी नन्ना धर्मेस मलकस।

मरकुस 12:34

येसुस ईरियस का आस लूरगर ती किर्त'अर बाचस, ख़ने आस आसिन बाचस, “धर्मेस निंगन सेब्‍बा ती राजी नना ओंग्दस।” फिन नॆका हूँ येसुसिन इन्द्रिइम मेना गे डिढ मल मंजा।

लू‍कस 13:17

एकाबारी येसुस ई कत्‍थन बा'आलियस ख़ने आसी बिड़दोर लज्‍जरर केरर। अरा उर्मी आलर आसी नंजका महबा ही नलख ती खुसमारर।

2 थेस्‍सलोनिकॆयर 3:14

एकअम ओर्तस ई चिठी नू लिख्रकी र'ई अदिन मल पेस्रदस होले आसिन ऎरनुम र'आ। अरा आसी गने अमा मेस्र'आ का आस ई चड्डे लज्‍जे मोख़्र'ओस।

1 तीमोथियुस 5:14

औंगे ऎन बेद्ददन का इबड़ा पेल्‍लो रड़ियाहिर बेंज्र'ओर अरा ख़द्द पाकोर, अरा तम्‍है एड़पा-पलीन सम्‍हड़'ओर। होले बैरिर नम्‍है बिड़दो नू एन्‍देर हूँ ब'आ पोल्‍लोर।

1 तीमोथियुस 6:3

एक‍अम आलस नन्ना रकम ही सिखाब'अना आबोन सिखाब'अदस अरा येसु मसीसी मानिम सिखाब'अना अरा धर्मेसिन सुसर नना गे मानिम डहरेन ईद‍'ऊ सिख़ाब'अना ही बिड़दो र'अदस होले,

तीतुस 3:14

नम्‍है आलर हों चाड़ गुट्ठिन पुराब'आ गे बॆस नलख नू ल‍इक्‍का र'आ गे सिख्रना र'ई। आर ही उज्‍जना बिगर ख़ंजपा ती अम्‍बो र'आ।

1 पतरस 2:12

मल पत्त'उर ही मझी नू निम्‍है उज्‍जना ओक्‍कना बॆस र'अना र'ई। औंगे आर निमन मलदौ ननू ब'अनर ती बदी नन्नर ती हूँ, निम्‍है दौ नलख गुट्ठिन ऎरोर ती धर्मेस आलारिन नेंवई नना गे बरना उल्ला नू असिन महबा ननोर।

1 पतरस 2:15

एन्देरगेका नीम निम्‍है दौ नलख ती लूर मलका आलर ही मलदौ कत्‍था कछनख्रनन मुढ़'आ गे धर्मेस बेद्ददस।

1 पतरस 3:16

लिकिन लुदऊ जिया अरा मईन गने इदन नना। अरा निम्‍है लखनन निमन उइय्या। ख़ने मसीस नू निमा गे र'अना बॆस जज्जना ओक्कना ही बिड़दो नू मलदौ सोच ती कछनख्र'उर तम्है हींड़ना कत्था ही पत्त नू लज्‍जे मॊंख़ोर।