तीतुस 2:7 - पुना गच्छरना NT (BSI)

⁷ नीन उर्मी रकम ही दौ नलख नना ती नीन नीनिम आर गे चिन्‍हा ऎद'आ। निंग्‍है सिखाब'अना नू फुर्फुर'आ अरा चिहुट र'आ।

तीतुस 2:7 ပူးပေါင်းရင်းမြစ်များ

2 कोरिन्‍थ 1:12

अक्‍कुन ऎम ख़ॆख़ेल नू अरा कोड़हे गा निम्‍है गने ता नता नू, धर्मेस चिच्का नेम्‍हा अरा मानिम गने ईक्‍कम, इदगे दिम ऎम फुल‍ई मन्‍दम। इदगे एम्‍है लखना गोवाह चि'ई। ऎम अदन ख़ॆख़ेल ता लूर ती मला, धर्मेसी मया तिम नंजकम।

2 कोरिन्‍थ 2:17

बग्‍गेर तम्‍है नफा गे धर्मेसी कत्‍था नू मेसाब'अनर, लिकिन ऎम अबड़ा आलर लेक्‍खा मलकम। ऎम गा धर्मेस ती तइरका आलर लेक्‍खा धर्मेसी मुन्‍दहारे मसीसी सवंग गने मानिम गने कत्‍थन तेंगा कुद्दम।

2 कोरिन्‍थ 4:2

अरा ऎम लज्‍जे ही नुड़ना लेक्खा नलख गुट्ठी मल नन्दम, अरा ऎम कसरहा मल नन्दम, अरा ऎम धर्मेसी कत्‍थन मल बदल'अदम। अन्‍ति मानिमन दहदहर'आ तेंगा कुद्दम ती धर्मेसी मुन्दहारे ओर्त ओर्त आलासी लखना नू ऎम उजगो आलम एन्ने ऎद्ददम चि'अदम।

2 कोरिन्‍थ 8:8

ऎन इदन ओन्टा पॆसका लेक्खा मल ब'अदन। लिकिन नन्नर संगरा नन्ना नू एका लेक्खा अंगियारनर, इदन निमा गे ऎदना ती निम्है चोन्हा एका लेक्खा मानिम र'ई एन्ने अख़'आ गेम ऎन बेद्ददन।

इफेसुस 6:24

नॆ नम्‍है उर्बस येसु मसीसिन मल मुंज्रना चोन्‍हा ती चोन्हा नन्नर, आर ओर्मर मइय्याँ धर्मेसी मया मनन नेकअन।

फिलिप्‍पी 1:10

होले कोड़हे बॆस एन्देर एन्ने नीम अख़'आ ओंगोर। अरा मसीसी अउरिम बरना उल्ला गूटी नेम्‍हा अरा बिगर बदी ती उज्जा ओंगोर।

2 थेस्‍सलोनिकॆयर 3:9

एन्ने सहाड़ा एमा निम्‍है ती हो'अना ही अदिया मलकी अन्ने मला। लिकिन ऎम निम्‍है मुन्‍दहारे नीम अन्ने नना गे चिन्‍हा उइय्या बेद्दा लिक्‍कम।

1 तीमोथियुस 4:12

नीन जॊंख़य र'अदय, औंगे नॆका हूँ निंगन दुस'आ अमके चि'आ। लिकिन निंग्‍है ब'अना, अरा उज्‍जना ओक्‍कना, अरा चोन्‍हा, अरा पत्त'अना, अरा नेम्‍हा उज्‍जना नू पत्त‍'उर गे नीन चिन्‍हा मना।

1 तीमोथियुस 5:10

अरा आद दौ नलख गुट्ठी ती बॆस नामे ख़क्‍खकी र'ऊ आली मन्ना र'ई। एकाद ख़द्द-ख़र्रन पूसकी र'ओ, अरा पाहियर ही तेतर-सुसर नंजकी र'ओ, अरा नेम्‍हा आलर ही ख़ेड्डेन नूड़‍की र'ओ, अरा दुक्खे सार‍'ऊ आलर ही सहाड़ा नंजकी र'ओ, अरा उर्मी दौ नलख नू मने नंजकी र'ओ अन्ने आली मन्ना र'ई।

तीतुस 3:8

इबड़ा कत्‍था गुट्ठी मानिम हिके। अरा ऎन बेद्ददन का आलर इबड़ा कत्‍था गुट्ठी ही पत्त नू बड़ियर लगे बुझ्रनर। होले एकार धर्मेसिन पत्त'अनर, आर दौ नलख नू ल‍इक्‍का र'आ गे चिहुंक ननोर। इबड़ा कत्‍था गुट्ठी बॆस अरा ओर्मर गे धार'ई।

1 पतरस 5:3

अरा निम्है ख़ेक्खा नू ऎरा ख़ॊजा गे चीतारका आलर ही मइय्याँ नीम आकुस ननू लेक्खा अमा र'आ, लिकिन बॆस नमुना मनरकी आरिन कड़हाब'आ।