तीतुस 2:4 - पुना गच्छरना NT (BSI)

⁴ होले पेल्‍लो मुक्‍कारिन आर तम्‍है मॆतर अरा ख़द्दर ती चोन्‍हा नना गे ‍अंगियाब'आ ओंगनर।

तीतुस 2:4 ပူးပေါင်းရင်းမြစ်များ

1 तीमोथियुस 5:11

लिकिन ई सूची नू पेल्‍लो रड़ियाहीर ही नामे अमके अरग'आ। एन्‍देरगेका आर ही सौंसार ही सुख-सौंरत मसीसिन मनना ती कोड़हे मनी, ख़ने आर बेंज्र'आ बेद्दनर।

1 तीमोथियुस 5:14

औंगे ऎन बेद्ददन का इबड़ा पेल्‍लो रड़ियाहिर बेंज्र'ओर अरा ख़द्द पाकोर, अरा तम्‍है एड़पा-पलीन सम्‍हड़'ओर। होले बैरिर नम्‍है बिड़दो नू एन्‍देर हूँ ब'आ पोल्‍लोर।

1 तीमोथियुस 5:2

अरा पच्‍चो मुक्‍कारिन निंग्‍है अयंग बेसे नना, अरा पेल्‍लो मुक्‍कारिन सौंसे निमन गने निंग्‍है बहिन बेसे नना।

तीतुस 2:3

ई बेसेम पच्‍चो मुक्‍कारिन सिखाब'आ का आर ही ओक्‍कना-इजना नेम्‍हा मन्‍ना र'ई। अरा आर गे जलिया अरा उंखू मल मन्ना र'ई। लिकिन दौ आबोन अंगियाबात'ऊ मन्ना र'ई।

तीतुस 2:5

अरा नॆत नॆग अरा निमन ती र'आ गे ‍अंगियाब'आ ओंगनर। तम्‍है एड़पा नलख नू कमियाँ मना गे, अरा बॆस नलख नना गे ‍अंगियाब'आ ओंगनर। अरा मॆतारिन गदन‍'ऊ र'आ गे ‍अंगियाब'आ ओंगनर, होले आलर धर्मेसी कत्‍था ही बिड़दो नू मल ब'ओर।