तीतुस 2:3 - पुना गच्छरना NT (BSI)

³ ई बेसेम पच्‍चो मुक्‍कारिन सिखाब'आ का आर ही ओक्‍कना-इजना नेम्‍हा मन्‍ना र'ई। अरा आर गे जलिया अरा उंखू मल मन्ना र'ई। लिकिन दौ आबोन अंगियाबात'ऊ मन्ना र'ई।

तीतुस 2:3 ပူးပေါင်းရင်းမြစ်များ

रोमी 1:29

आर उर्मी बेसे कुचरहा नलख, मलदौ, चिबाख़ारना, ख़ाँड़ना ती निन्‍दयर केरर। अरा आर इस्‍गहा, पिटना, नग्‍गानख्रना, उत्तुरमाड़ना, चिड़गना पड़गना ती निन्‍दका र'अनर। अरा आर जलिय'अना

रोमी 16:2

नीन अदिन उर्बस नू इंझ्र'आ एकासे नेम्‍हा आलर गे म‍ईन नन्ना मनी। अरा एकअम कत्‍था नू अदगे निम्‍है चाड़ मनो, अदही सहाड़ा नना। एन्‍देरगेका आद कुदहा आलर ही अन्नेम एंग्‍है हूँ सहाड़ा नंजकी र'ई।

इफेसुस 5:3

अरा निम्‍है मझी नू पेहरन ही सोतरा नलख अरा एकअम रकम ही सोतरा नलख महले लोभिया मल र'अना र'ई। धर्मेसी नेम्हा आलर गे इबड़ा जॊगे मल र'अना ती इबड़ा ही पत्त नू कछनख्रना हूँ मल मन्ना र'ई।

1 तीमोथियुस 3:11

एन्नेम आर ही मुक्‍कर हूँ म‍ईन ही जॊगे र'अना र'ई। अरा आर दुस‍'ऊ अम्‍बोर र'आ। अरा आर चिहुंक अरा उर्मी कत्‍था नू पत्त‍'ऊ मन्नर नेक‍अन।

1 तीमोथियुस 3:8

एन्नेम कलीसिया ही ईरू-ख़ूजुर हूँ म‍ईन ही जॊगे र'अना र'ई। अरा आर उंखुर अरा आलारिन ठगना ती अर्ज‍'उर अम्‍बोर र'आ।

1 तीमोथियुस 5:23

नीन अम्म लेका अमके ओना, लिकिन निंग्‍है कूल कोड़े र'आ गे अरा घड़ी घड़ी बेमार खत्तरना चड्डे कटी कटी अंगुर रासी ओनके।

तीतुस 1:7

कलीसिया ही ईरु-ख़ूजू मुद्धस गा ओक्‍कना इजना नू बिगर बदी ही अरा हुड्ड मला, अरा लॆम गोसा मनू मला, अरा उंखू मला अरा पस‍'ऊ कूड़ू मला अरा मलदौ ती अर्ज‍'ऊ मल र'अना र'ई।

तीतुस 2:4

होले पेल्‍लो मुक्‍कारिन आर तम्‍है मॆतर अरा ख़द्दर ती चोन्‍हा नना गे ‍अंगियाब'आ ओंगनर।

इब्रानी 5:12

ई बेड़ा गूटी गा निमा धर्मेसी कत्‍था ही सिखाब'ऊ मन्‍ना रहचा, लिकिन नीम गा एन्ने दसा नू र'अदर का अउर ओर्तस पारेड़ मुन्‍द निमा गे धर्मेसी कत्‍थन ऒर तिम सिखाब'अना ही चाड़ र'ई। नीम गा अक्‍कु गूटी बॊलॊ ख़द्दर लेक्‍खा र'अदर, नॆका मंडी ही मला दुदही ही चाड़ र'ई।

दहदर मंजका कत्‍था 2:20

अन्नु हूँ एंगा गे निंगा बिड़दो नू जोक्क कत्था र'ई। नीन आ आली येजबेल आबोन निंग्‍है मझी नू र'आ चि'अदय। आद तंगन धर्मेसी कत्था तिंगू ब'ई, अरा आद तंग्है सिखाब'अना ती एंग्‍है जॊख़ारिन पेहरन ही सोतरा नलख नना गे, अरा मूर्ती गुट्ठी गे दाँड़े अरगका ओन्ना-मॊख़नन मॊख़ा गे भेंवाब'ई।