तीतुस 2:14 - पुना गच्छरना NT (BSI)

¹⁴ आस तान तंगन नमा चिच्‍चस उइय्यस, होले आस नमन उर्मी रकम ही पाप ती नाड़ा गे दाम चि'आ ओंग्दस। अरा नमन नेम्‍हा ननरकी तंगा गे एन्ने जाती कमदस, एकदा दौ नलख गुट्ठिन नना गे सगरो सपड़ारकी र'ई।

तीतुस 2:14 ပူးပေါင်းရင်းမြစ်များ

मत्तायोस 1:21

आद ख़द्द पाको अरा नीन आसी येसु नामे पिंजके, एन्‍देरगेका आस तंग्है आलारिन तम्‍है पाप गुट्ठी ती नाड़ोस।”

मत्तायोस 20:28

एन्‍देरगेका मनवा ख़द्दन ऎन आलारिन तेतर-सुसर नन्त'आ गे मला आलर गे तेतर-सुसर नना गे, अरा आलारिन तम्‍है पाप ही दंडे ती नाड़ा गे दाँड़े लेक्‍खा एंग्‍है मने ती खे'आ गे ख़ॆख़ेल नू बरचकन।”

मत्तायोस 3:12

आस तंग्‍है के‍तेर ती गहूँ अरा चींख़न बेग'ओस, अरा आस तंग्‍है खलिन बॆस लगे एर्रोस। अरा आस गोट गहूँन कुट्ठी नू उइय्योस, अरा चींख़न चिच्‍ची नू बस्‍सोस एकदा इकला हूँ मल तेभर'ओ।”

यॊहनस 6:51

मेर्ख़ा ती इत्तका उज्‍जना चि'ऊ असमा ऎन हिकदन। नेक‍ईम ई असमन मॊख़दस होले, आस उर्मी उल्‍ला उज्‍जोस। अरा ई असमा एंग्‍है अहड़ा हवे। इदन ऎन ख़ॆख़ेल ता आलर ही उज्‍जना गे चि'ओन।”

त‍इरकर 15:14

सिमॊनस नमन तिंगियस का धर्मेस नन-यहूदीर ती जोक्क आलारिन तंगा गे चज्जियस ती पहिल खेप एकासे सोग्‍गे ईरियस।

त‍इरकर 15:9

अरा आस आर ही जियन पत्त'अना ती नेम्‍हा नंजस अरा नम्‍है नू अरा आर नू एन्‍देर हूँ फरक म‍ल नंजस।

त‍इरकर 20:28

औंगे निम्‍है पत्त नू अरा धर्मेस तंग्‍है ख़द्दासी ख़ॆंस ती ख़ीन्‍दका तंग्‍है कलीसियन ख़ापा गे नेम्‍हा बॊलतस निमन ईरू-ख़ूजू उइय्का उर्मी खोंड़हा ही पत्त नू चिहुंक र'अके।

त‍इरकर 9:36

अक्‍कु योप्‍पॆ नगरे नू तबिता नामे ओन्टा पत्त'ऊ आली रहचा। युनानी भखा नू इदही नामे दोरका हवे। आद नगदे दौ नलख नना लगिया अरा कीड़र गे संगरा नना लगिया।

गलातिया 1:4

येसुस दिम धर्मेसी अरा बंगासी मने ती ई मलदौ ख़ॆख़ेल ती नमन नाड़ा गे नम्‍है पाप गुट्ठी गे केच्‍चस।

गलातिया 2:20

ऎन मसीस गने क्रुस नू ठोकरकादन, अक्‍कु ऎन मल्‍ला उज्‍जना, लिकिन मसीस एंग्‍है नू उज्‍जा लगदस। अक्‍कु ऎन एंग्‍है कया नू उज्‍जा लगदन होले धर्मेसी तंग्‍दस येसु मसीस नू पत्त'अना ती उज्‍जा लगदन, एकास एंगन चोन्‍हा नंजस अरा एंगा गे तंग्‍है उज्‍जनन चिच्‍चस।

गलातिया 3:13

मसीस नमा गे सर्पारस अरा ई लेक्‍खा नॆग ही सर्पारना ती नाड़ियस। एन्‍देरगेका नेम्हा पुथी नू लिख्रकी र'ई अन्ने मंजा, “नॆकन कंक नू ठोकतार'ई, आस सर्पारकादस।”

इफेसुस 1:11

तंग्है उर्मी चिताबुतन तंग्है मने ही लेक्खा पूरा ननू धर्मेसी चिताबुता ही लेक्खम नाम मुन्द दिम ठंचका ती मसीस नू चजका र'अदत।

इफेसुस 2:10

एन्‍देरगेका नाम दौ नलख गुट्ठिन नना गे मसी येसुस नू पुना गढ़्रका धर्मेसी करिगरी र'अदत। अबड़न नमा नना गे धर्मेस मुन्द तिम अबड़न सपड़ाचकादस।

इफेसुस 5:2

एकासे मसीस तंगन धर्मेस गे पत्तारना महकारना दान अरा दाँड़े बेसे नम्है चड्डे चिच्चस ती नम्‍है गने चोन्‍हा नंजस, अन्नेम नीम हूँ चोन्हा ही उज्जना उज्जा।

1 तीमोथियुस 1:15

ऎन एन्‍देर ब'अदन आद मानी दिम, निमा अदिन मनना र'ई, का मसी येसुस पपहारिन नाड़ा गे ख़ॆख़ेल नू बरचस, अबड़ा उर्मीर ती कोहाँ पपहा आलन ऎन हिकदन।

1 तीमोथियुस 2:10

लिकिन धर्मेसिन मानिम गने ओहमा महबा ननू मुक्‍कर बेसे बॆस नलख गुट्ठी ती तमन सिंगर'अना र'ई।

1 तीमोथियुस 2:6

आस तंगन ओर्मा आलारिन नाड़रना ही दामे नू चिच्‍चस, ई कत्‍था दिम धर्मेस ती आलर गे ठौका बेड़ा नू चितारा।

1 तीमोथियुस 6:18

अरा आरिन तेंगा का आर गे तंग्‍है खुर्जिन दौ नलख नू ब‍उर'अना र'ई, अरा दौ नलख गुट्ठी नू उरुब मन्ना र'ई। अरा चाड़ र'ऊ आलर गे मुट्ठी बिछर'अरकी चि'आ गे अरा सौंसे जिया ती तम्‍है खुर्जिन ख़ट्टा गे सपड़ारका र'अना र'ई।

तीतुस 2:7

नीन उर्मी रकम ही दौ नलख नना ती नीन नीनिम आर गे चिन्‍हा ऎद'आ। निंग्‍है सिखाब'अना नू फुर्फुर'आ अरा चिहुट र'आ।

तीतुस 3:8

इबड़ा कत्‍था गुट्ठी मानिम हिके। अरा ऎन बेद्ददन का आलर इबड़ा कत्‍था गुट्ठी ही पत्त नू बड़ियर लगे बुझ्रनर। होले एकार धर्मेसिन पत्त'अनर, आर दौ नलख नू ल‍इक्‍का र'आ गे चिहुंक ननोर। इबड़ा कत्‍था गुट्ठी बॆस अरा ओर्मर गे धार'ई।

इब्रानी 1:3

आस धर्मेसी महबा ही त्रास ऎथ्रदस अरा आसी सुबहा आबोन अन्नेम ऎद्ददस। आस तंग्‍है सवंगिय कत्‍था ती ओर्मा जिनिसन समड़'अदस। आस नम्‍है पाप गुट्ठिन सुध नंजस ती उर्मी सवंग ती निन्‍द्रका धर्मेसी तीना पक्‍खे उक्‍का र'अदस।

इब्रानी 10:24

नाम चोन्‍हा नन्ना नू अरा दौ नलख नन्ना नू एकासे तंग्‍है ती नन्नारिन रिझ्रत'आ ओंगोत अदही पत्त नू सोचना र'ई।

इब्रानी 9:14

अन्ने होले मसीसी ख़ॆंस नमा लखनन मलदौ नलख गुट्ठी ती एका कोड़हे सुध ननो दने, औंगे नाम उज्‍जना धर्मेसिन सुसर नना ओंग्दत। एन्‍देरगेका मसीस जनमजुग ही बॊलतासी सवंग ती तंगन नम्‍है पाप गुट्ठी गे पखड़ दाँड़े बेसे धर्मेस गे अरगस।

याकॊब 4:8

नीम धर्मेस हेद्दे बरा, होले आस हूँ निम्है हेद्दे बर'ओस। अना पपहा आलारो, नीम निम्‍है उज्जना नू मलदौ नलख गुट्ठिन अम्बा चि'आ। दुइभिदया आलारो, निम्है जियन निमन नना।

1 पतरस 1:18

एन्‍देरगेका नीम अख़दर का निम्‍है पूरखर ती इत्तनुम बर'आ लगी निम्है अयंदहा उज्‍जना ही डहरे ती निम्‍है नाड़रना सोना मलता चाँदी लेक्‍खा नठारना आलॊ ही दाम ती मल मंजकी र'ई।

1 पतरस 1:22

अक्‍कु गा निम्है जिया गुट्ठी मानिमन पॆस्रका ती सुध मन्रकी र'ई। ख़ने नीम निम्है भई बहिनर ही मइय्याँ मानिम चोन्‍हा उइय्कादर। औंगे नीम ओर्त ओर्त गने मानिम जिया गने कोड़हे चोन्‍हा नना।

1 पतरस 2:12

मल पत्त'उर ही मझी नू निम्‍है उज्‍जना ओक्‍कना बॆस र'अना र'ई। औंगे आर निमन मलदौ ननू ब'अनर ती बदी नन्नर ती हूँ, निम्‍है दौ नलख गुट्ठिन ऎरोर ती धर्मेस आलारिन नेंवई नना गे बरना उल्ला नू असिन महबा ननोर।

1 पतरस 2:9

लिकिन नीम गा ओन्टा चज्‍जिका जंईपुंई, अरा ओन्टा बॆल नैग ख़ोंड़हा, अरा ओन्टा नेम्‍हा जाती, अरा धर्मेसी तंग्‍है आलर हिकदर। नॆ निमन ऊख़ा ती ओथ्रस ती तंग्है अजगुत लौकारना बिल्‍ली नू मीख़ियस ओन्द्रस, आसी कोहाँ नलख गुट्ठिन आलर गे तेंगा गेम नीम एन्ने मन्रकादर।

1 पतरस 3:18

इवंगेका मसीस नन्नर ही पाप गुट्ठी गे ओंग्होल लेका केच्चस केरस। आस धर्मेसी ऎरना नू उजगो रहचस, लिकिन आस निमन धर्मेस गुसन अंड़सत'आ गे धर्मेसी ऎरना नू उजगो मलकर गे केच्‍चस। आस कया ती गा पिटतारस, लिकिन बॊलतस नू उज्‍जतारस।

1 यॊहन 1:7

लिकिन धर्मेस बिल्ली नू र'अना लेक्खा नाम हूँ बिल्ली नू उज्जोत होले, मेस्रना नाम ओर्त ओर्त गने र'ओ, अरा आसी ख़द्दस येसुसी ख़ॆंस नमन नम्है उर्मी पाप ती नॊड़ो।

1 यॊहन 1:9

लिकिन नाम नम्है पाप गुट्ठिन आसिन तेंग्र'ओत होले, आस नम्है पाप गुट्ठिन छमा नना गे, अरा नमन नम्है उर्मी मलदौ ती निमन नना गे पत्त'अना जॊगे अरा पूरेम दौले र'अस।

1 यॊहन 3:2

अना दुलारो, अक्कु नाम धर्मेसी ख़द्दत र'अदत। लिकिन अक्कु गूटी दहदर मल्ला मंजका का बरना बेड़ा नू नाम एका लेक्खा र'ओत। इवंदम अख़दम का इकला मसीस किर्रोस नाम हूँ आसी लेक्खा र'ओत, एन्देरगेका आस एकासे र'अस अन्नेम नाम आसिन ऎरोत।

दहदर मंजका कत्‍था 1:5

अरा येसु मसीस ती निमा मया अरा कोड़े बर'अन नेकअन। मसीस दिम पत्त'अना जॊगे गोवाह, अरा केचका ती उज्‍जा चो'अना नू जेट्ठा, अरा ख़ॆख़ेल ता उर्मी बॆलारिन राजी ननू र'अदस। आस दिम नमन चोन्‍हा नंजस ती नमन तंग्‍है ख़ॆंस ती नम्‍है पाप गुट्ठी ती नाड़ियस।

दहदर मंजका कत्‍था 5:9

अरा अबड़र ओन्टा पुना डंडी पाड़ा हेलरर का, “नीन आ पुथिन हो'आ गे अरा अदही मरका गुट्ठिन ख़च्‍चा गे जॊगे र'अदय। अरा नीन पिटतारकय ती निंग्‍है ख़ॆंस ती उर्मी गोतोर अरा भखा अरा आल खोंड़हा अरा राजी ती धर्मेस गे आलारिन ख़ीन्दकादय।