तीतुस 2:13 - पुना गच्छरना NT (BSI)

¹³ नाम ई कोहाँ असरा ती पाब ऎरदत का इकला नमन उबर ननू नम्‍है कोहाँ धर्मेस येसु मसीसी महबा ही बरना र'ई।

तीतुस 2:13 ပူးပေါင်းရင်းမြစ်များ

मत्तायोस 16:27

मनवा ख़द्दन ऎन एम्‍बासी महबा अरा आसी पैकर गने किर्रोन। अरा आ उल्‍ला ऎन ओर्मर गे तम्‍‍है तम्‍‍है नलख लेक्‍खा ख़ंजपा चि'ओन।

मत्तायोस 25:31

इकला मनवा ख़द्दन ऎन एंग्‍है महबा नू उर्मी मेर्ख़ा पैकर गने बर'ओन, अरा ऎन एंग्‍है महबा ही बॆल-गदिया नू ओ‍क्‍कोन।

मत्तायोस 26:64

ख़ने येसुस बाचस, “नीनिम बाचकय चिच्‍चकय अन्ने दिम हवे। लिकिन ऎन निंगन इदिन हूँ ब'अदन का, अक्‍कु ती नीम मनवा ख़द्दन एंगन उर्मी नू सवंग उइय्‍यू धर्मेसी तीना चोक्‍ख उक्‍का ती राजी नन्नन ऎरोर। अरा नीम एंगन मेर्ख़ा नू चरियो तरा बदाली ती एत्तनन ऎरोर।”

मरकुस 14:62

ख़ने येसुस बाचस, “ऎन हिकदन, ‘अरा नीम मनवा ख़द्दन एंगन उर्मी नू सवंग उइय्‍यू धर्मेसी तीना चोक्‍ख उक्‍का ती राजी नन्नन ऎरोर। अरा नीम एंगन मेर्ख़ा नू चरियो तरा बदाली ती एत्तनन ऎरोर।’”

मरकुस 8:38

पपहर ही ई परिया नू नीक‍ईम एंग्‍है कत्‍थन इंझ्र'आ गे अरा ‘ऎन येसुसी चेला हिकदन’ एन्ने आलर मुन्‍दहारे तेंगा गे लजर'ओस होले, आसिन ऎन हूँ नेम्हा मेर्ख़ा पैकर गने एम्‍बासी महबा नू किर्रना बारी ‘ईस एंग्‍है चेलस हिकदस’ एन्ने ब'आ गे लजर'ओन।”

त‍इरकर 24:15

एंगा धर्मेस ती असरा र'ई, एकासे ईर गे हूँ र'ई का, उजगो आलर अरा पपहर इरबर ही उज्‍जा चो'अना मनो।

रोमी 15:13

धर्मेस नॆ असरा चि'ऊ र'अदस आस निमन उर्मी बेसे रिझ्रना अरा कोड़े ती नीन्‍द'ओस, एन्‍देरगेका नीम आसिन पत्त'अदर। होले नेम्‍हा बॊलतासी सवंग ती निम्‍है असरा नीन्‍दनुम क'ओ।

रोमी 5:5

असरा ती लज्‍जे मॊख़रना मल मनी, एन्‍देरगेका धर्मेस नमा गे चिच्का नेम्‍हा बॊलतस ती तंग्‍है चोन्‍हा आबोन नम्‍है जिया नू चाचकादस।

रोमी 8:18

ऎन बुझ्रदन का नाम एका महबा हुल्‍लो नू ख़क्‍ख'ओत, अदही जोक्‍खा नू ई परिया ता नमा दुक्‍खे र'अम मलकी बेसे र'ई।

1 कोरिन्‍थ 1:7

औंगे नम्‍है उर्बस येसु मसीसी किर्रना ही पाब ईरु आलर नीम एकअम बॊलता ही इनाम नू खंगती मल मन्‍दर।

2 कोरिन्‍थ 4:4

ई सौंसार ही देंवता मल पत्त'ऊ आलर ही जियन अन्धहा नंजकी चिच्‍चकी र'ई। औंगेम आर मसीस नॆ धर्मेसी रूप हिकदस आसी महबा ही दौ कत्‍था ही बिल्‍चिनन ऎरा गे पोलनर।

2 कोरिन्‍थ 4:6

“ऊख़ा ती बिल्‍ली बिल्चन नेकअन” एन्ने बाचका धर्मेस तंग्है बिल्लिन एम्‍है जिया नू बिल्‍चताचस चिच्चस। येसु मसीस नू र'ई आ धर्मेसी महबा ही लूर ही बिल्लिन एमा चि'आ गे धर्मेस इदन नंजस।

कोलोस्से 1:23

नीम दौ कत्थन मेंजकर ख़ने, निमा ख़क्ख्रका असरा आबोन मल अम्बर ती पत्त'अना नू बड़ियर अरा बन्चका र'आ। ई दौ कत्था दिम मेर्ख़ा किय्या ता ओर्मा आलर गे तेंगरा केरा। ऎन पौलुस ई दौ कत्था गेम सुसर ननू मंजकन।

कोलोस्से 1:27

धर्मेस ई गम ही महबा ही मॊल आबोन नन-यहूदीर गे हूँ अख़त'आ गे बिद्दियस। इदिम आ गम का मसीस निम्है नू उज्जदस। ईद निमन आसी महबा नू मेस्रना ही असरा चि'ई।

कोलोस्से 1:5

धर्मेस निमा गे मेर्ख़ा नू उइय्का रहचका ही मइय्याँ ता असरा तिम ई पत्त'अना अरा चोन्हा बर'ई। ई असरा ही पत्त नू मानी ही कत्था दौ कत्‍थन पत्ताचका बारी नू नीम मेंज ख़च्चकादर।

कोलोस्से 3:4

मसीस निम्है उज्‍जना हिकदस। एकाबारी मसीस सौंसे ख़ॆख़ेल गे तंगन दहदर ननोस, नीम हूँ आस गने दहदर मनतार'ओर ती आसी महबा नू मेस्र'ओर।

2 थेस्‍सलोनिकॆयर 2:16

अक्‍कुन नम्‍है उर्बस येसु मसीस अरा नम्‍है धर्मे बंगस नमन चोन्‍हा नंजस ती तंग्‍है मया ती नमा सगरो जिया सालना अरा बॆस असरा चिच्चस।

2 थेस्‍सलोनिकॆयर 2:8

होले आ नॆग मलका दहदर मनो। लिकिन उर्बा येसुस तंग्‍है बई ता सांस ती अदिन पिटोस अरा तंग्‍है बरना नू तंग्‍है लौकारना ती अदिन नठाब'ओस।

1 तीमोथियुस 1:1

नम्‍है बछाब‍'ऊ धर्मेस अरा नम्‍है पाब ऎरना ही मूली मसी येसुसी पॆसका लेक्‍खा मसी येसुसी त‍इरकन ऎन पौलुस हिकदन।

2 तीमोथियुस 1:2

एंग्‍है चोन्‍हा ख़द्दस तीमोथियुस गे लिखदन। धर्मे बबस अरा नम्‍है उर्बस मसी येसुस ती निंगा मया अरा सोग्‍गे अरा कोड़े ख़क्‍खर‍'ई नेक‍अन।

2 तीमोथियुस 4:1

ऎन इदन धर्मेसी अरा मसी येसुसी मुन्‍दहारे पॆसदन। एकास केचका अरा उज्‍जना आलर ही रायबड़ी नना गे तंग्‍है राजी नू बर'ओस।

2 तीमोथियुस 4:8

अक्‍कु एंगा उजगो ही मुकुट इनाम उइरकी र'ई। उजगो गने रायबड़ी ननू धर्मेस अदिन रायबड़ी उल्‍ला नू एंगा चि'ओस। एंगा लेका मला आसी बरनन पाब ईरू ओर्मर गे चि'ओस।

तीतुस 1:2

ई पत्त'अना अरा लूर जनमजुग उज्‍जना ही असरा नू ती बर'ई एकाद धर्मेस ख़ॆख़ेलन गढ़ना ही मुन्‍द तिम गच्‍छरकादस। अरा धर्मेस मल ठकदस।

तीतुस 1:4

नम्‍है मझी नू र'ऊ पत्त'अना नू एंग्‍है मानिम ख़द्दस तीतुस गे ऎन पौलुस लिखदन। धर्मे बबस अरा नम्‍है बछाब'उस मसी येसुसी मया अरा कोड़े निं‍गा मनन नेक‍अन।

तीतुस 3:4

लिकिन नमा गे बछाब'ऊ धर्मेसी सोग्‍गे अरा चोन्‍हा मंजा।

इब्रानी 9:28

अन्नेम मसीस हूँ बग्‍गे आलर ही पाप गुट्ठिन ओथ्र'आ गे ओंग्‍होन दाँड़े मन्‍तारस। अरा आस दुसर खेप बर'ओस। आस पाप गुट्ठिन चॊद'आ गे मला, लिकिन एकार आसी पाब ऎरालनर आर गे नाड़रनन ओन्‍द्र'ओस बर'ओस।

1 पतरस 1:3

नम्है उर्बस येसु मसीसी बंगस धर्मेस गे उर्मी ओहमा मनन नेकअन। आस तंग्‍है कोड़हे सोग्‍गे ही चड्डे येसु मसीसिन केच्‍चकर ती उज्‍जत'अना ती नमा गे ओन्टा पुना कुन्द्रनन चिच्कादस। इदही चड्डे नाम कोड़हे असरा गने उज्‍जदत।

1 पतरस 1:7

निम्है पत्त'अना मानिम एन्ने पुरुब मना गे इबड़ा खिलपत गुट्ठी निमा गे बर'ई। नठारना सोना चिच्ची ती गलाबातार'ई। औंगे सोना ती कोड़हे मईन ही निम्है पत्त'अना खिलपत गुट्ठी ती बिढ़्रना दिम र'ई। निम्है पत्त'अना बिढ़्र'ई ख़ने, येसु मसीस गोट्टा सौंसार गे तंगन दहदर ननो बारी नू नीम ओहमा अरा महबा अरा मईन आबोन ख़क्खोर।

2 पतरस 1:1

ऎन येसु मसीसी जॊंख़न अरा तइरकन सिमॊन पतरस नम्है धर्मेस अरा नाड़ुस येसु मसीसी सोग्गे अरा नेंवई ती एम्है पत्त'अना ही लेक्खा कोड़हे मूली ही पत्त'अनन ख़क्खका निमा ओर्मर गे ई चिठिन लिखदन।

2 पतरस 3:18

नम्है उर्बस अरा लाड़ुस येसु मसीसी मया नू अरा आसिन अख़ना ही लूर नू पर्दनुम कला। आस गेम अक्कुन हूँ अरा हुल्लो गूटी हूँ महबा मनन नेकअन। आमेन।

1 यॊहन 4:14

अरा ऎम इदन ईरका रहचकम अरा इदही पत्त नू गोवाह चि'अदम का धर्मे बंगस तंग्दासिन ख़ॆख़ेल ही नाड़ुस बेसे तइय्कादस।

यहूदा 1:21

अरा धर्मेसी चोन्हा नू कमरका र'आ। नम्है उर्बस येसु मसीसी सोग्गे नमा गे जनमजुग उज्जनन ओन्द्र'ओ आ उल्ला ही पाब ऎरा।

दहदर मंजका कत्‍था 1:7

ऎरा! आस बदाली गुट्ठी गने बर'ऊ र'अदस। ओर्मर आसिन ऎरोर, नॆ आसिन जोबचका रहचर आर हूँ आसिन ऎरोर। ख़ॆख़ेल ता उर्मी जातियर आसी चड्डे चींख़ोर ओलख़ोर। हाँ, ईद मनो दिम। आमेन!