तीतुस 2:11 - पुना गच्छरना NT (BSI)

¹¹ एन्‍देरगेका धर्मेसी मया उर्मी अड्डा ता ओर्मा आलर गे नाड़रनन ओन्‍द्रा।

तीतुस 2:11 ပူးပေါင်းရင်းမြစ်များ

मत्तायोस 28:19

औंगे नीम कला अरा उर्मी राजी ता आलारिन चेला कम'आ अरा आर गे धर्मे बबस अरा ख़द्दस अरा नेम्‍हा बॊलतासी नामे ती नॊड़रत'आ,

मरकुस 16:15

अरा आस आरिन आनियस, “सौंसे ख़ॆख़ेल नू कला अरा उर्मी आलर गे दौ कत्‍थन मेन्‍त'आ।

लू‍कस 24:47

अरा येरुसलॆम ती ऒड़ मनरकी जम्मा राजी नू आसी नामे नू जियन किर्त'अना दरा पाप छमा गे तेंगा कुद्दना मनो।

लू‍कस 3:6

अरा उर्मी आलर धर्मेसी नाड़ना ही पत्त नू अख़'ओर।’”

यॊहनस 1:14

अक्‍कु आ कत्‍था आल मंजस ती मया दरा मानिम ती निंद्रका ती नम्‍है मझी नू उज्‍जियस। अरा नाम आसी महबन ईरकत, आद धर्मे बंगासी ओर्त लेका ख़द्दासी महबा ही जोक्‍खा महबा दिम रहचा।

यॊहनस 1:9

एकास मानी बिल्‍ली र'अदस, आस ओर्मर गे बिल्‍ली चि'अदस, आस अक्‍कु ख़ॆख़ेल नू बर'आ लगियस।

त‍इरकर 11:23

बरनबास असन अंड़सियस ती धर्मेसी सोग्‍गे आबोन ईरियस ख़ने आस रिझ्रस। आस ओर्मारिन उर्बस नू सौंसे जिया ती मानिम गने बड़ियर र'आ गे रिझ्रताचस।

त‍इरकर 13:43

सभा मुंज्रा अदही ख़ॊख़ा नगदे बग्‍गे यहूदीर अरा यहूदी धरम नू बरचका नन-यहूदीर पौलुस अरा बरनबास गने चॊंख़्रर। पौलुस अरा बरनबास आर ही गने कछनख्रर अरा धर्मेसी सोग्‍गे नू बड़ियर र'आ गे आनियर।

त‍इरकर 13:47

औंगे उर्बस एमन एन्ने बाचस ती पॆसकादस, ‘ऎन निमन नन-यहूदीर गे बिल्‍ली कमचकादन, एकत्रु निम्‍है ती बछरना ही दौ कत्‍था ख़ॆख़ेल ही ठुट्ठु गूटी बिंड़र'ओ क'ओ।’”

त‍इरकर 17:30

केरका बेड़ा नू आलर धर्मेसिन मल बुझ्रर। इदिन आस अम्‍बियस चिच्‍चस। लिकिन अक्‍कु आस उर्मी अड्डा ता उर्मी आलारिन जियन किर्त'आ गे आनदस।

त‍इरकर 20:24

लिकिन ऎन एंग्‍है उज्‍जनन चोन्‍हा मल नन्‍दन। धर्मेसी मया ही पत्त ता दौ कत्‍थन उर्मी आलर गे तेंगा गे उर्बा येसुस एंगा गे चिच्का नलखन पूरा नना गे ऎन बेद्ददन।

रोमी 10:18

लिकिन ऎन मेन्‍दन, एन्‍देर इस्राऎलर दौ कत्‍थन मल्‍ला मेंजका का? आर मेंजकम र'अनर। एन्‍देरगेका नेम्‍हा पुथी ब'ई, “आर ही सड़ा सौंसे ख़ॆख़ेल नू बींड़्रकी किरकी र'ई, अरा आर ही कत्‍था गुट्ठी ख़ॆख़ेल ठुट्ठु गुट्ठी गूटी अंड़सिया।”

रोमी 5:15

लिकिन आदमसी अक्‍का-बलका गने धर्मेसी मया ही इनाम जोक्‍खा मल्ला। ओर्त आलासी अक्‍का-बलका ही चड्डे कोड़हे आलर केच्‍चर। लिकिन धर्मेसी मया कोड़हे कोहाँ र'ई, धर्मेसी मया ही इनाम उज्‍जना आबोन ओर्त आलस येसु मसीसी मया ती कोड़हे आलर ख़क्‍खियर।

रोमी 5:2

येसुस नमन नम्‍है पत्त'अना चड्डे ई पुना नता नू ओन्‍द्रकादस एका इय्या नाम धर्मेसी मया आबोन लखदत। धर्मेस आसी महबा आबोन नमा गे ख़ट्टोस, ई असरा ती नाम रिझ्रदत।

2 कोरिन्‍थ 6:1

धर्मेस गने नलख ननू आलम ऎम निमन ने'अदम का धर्मेस ती नीम ख़क्ख्रका मया आबोन अनभनियाँ मना अमा चि'आ।

गलातिया 2:21

ऎन धर्मेसी मया आबोन अयंध'आ ठेकाब'आ पोलदन। नॆग ती उजगो मन्‍ना मनी होले मसीसी खे'अना सिथिया मंजा।

इफेसुस 2:5

नाम नम्है अक्का-बलका गुट्ठी ही चड्डे केचका रहचकत ख़ने हूँ, आस नमन मसीस गने उज्‍जताचस। अरा आसी मया ती नीम नाड़रका र'अदर।

इफेसुस 2:8

मसीस मइय्याँ ता पत्त'अना ती धर्मेसी सोग्‍गे ती नीम नाड़रदर। ईद निम्‍है चिहुट ती मल्‍ला मंजका, लिकिन ईद धर्मेसी इनाम हवे।

कोलोस्से 1:23

नीम दौ कत्थन मेंजकर ख़ने, निमा ख़क्ख्रका असरा आबोन मल अम्बर ती पत्त'अना नू बड़ियर अरा बन्चका र'आ। ई दौ कत्था दिम मेर्ख़ा किय्या ता ओर्मा आलर गे तेंगरा केरा। ऎन पौलुस ई दौ कत्था गेम सुसर ननू मंजकन।

कोलोस्से 1:6

निम्है नू अंड़सका ई दौ कत्था दिम ख़ॆख़ेल नू उर्मी अड्डा नू बींड़रनुम काला लगी। अरा धर्मेसी कोड़हे मया ही मानिम ही पत्त नू नीम मेंजर ती बुझुरका आ पहिल उल्ला ती एकासे ई दौ कत्था निम्है उज्जनन बदल'अरकी निम्है नू ख़ंजपा ची'ई, अन्नेम ई दौ कत्था उर्मी ख़ॆख़ेल नू आलर ही उज्जनन बदल'अरकी ख़ंजपा चि'ई।

2 थेस्‍सलोनिकॆयर 2:16

अक्‍कुन नम्‍है उर्बस येसु मसीस अरा नम्‍है धर्मे बंगस नमन चोन्‍हा नंजस ती तंग्‍है मया ती नमा सगरो जिया सालना अरा बॆस असरा चिच्चस।

1 तीमोथियुस 1:14

नम्‍है उर्बासी मया गा एंग्‍है म‍इय्याँ कोड़हे ती कोड़हे मंजा अरा अदही संगे मसी येसुस नू र'ई आ पत्त‍'अना अरा चोन्‍हा चीतारा।

1 तीमोथियुस 2:4

आस उर्मी आलारिन नाड़ा गे अरा मानिम आबोन बॆस लगे बुझ्र'आ गे बेद्ददस।

2 तीमोथियुस 1:10

लिकिन अक्‍कु नम्‍है बछाब‍'ऊ मसी येसुसी दहदर मन्ना ती ई मया आबोन ऎदस, नॆ खे'अना ही सवंग आबोन नठाबाचस, अरा दौ कत्‍था ती उज्‍जना अरा कया मल नठारनन ऎदस।

2 तीमोथियुस 4:17

लिकिन उर्बस एंग्‍है गने रहचस ती एंगा सवंग चिच्‍चस। होले ऎन दौ कत्‍था बॆस लगे तेंगा ऊंग्‍कन, अरा नॆ यहूदी मलनर आर हूँ एंग्‍है ती अदिन मेना ऊंगियर। आस एंगन पिटरना ती बछाबाचस।

इब्रानी 12:15

चिहुंक नन्‍ते र'आ का नॆ हूँ धर्मेसी मया आबोन ख़क्‍ख'आ गे अम्‍बोर अम्‍बर'आ, अरा एक‍अम ख़ड़ख़ा निम्‍है मझी नू उरखा गे अमा चि'आ। आद निमा दुक्‍खे चि'अरकी बग्‍गे आलारिन सोतबोड़'आ ननो चि'ओ।

इब्रानी 2:9

लिकिन नाम येसुसिन ऎरदत का आस जोक्‍क बेड़ा गे मेर्ख़ा पैकर ती कटी गुना सन्नी कम्रकाचस, अरा आस दुक्‍खे चॊदना ती खे'अना ही चड्डे आस गे महबा अरा म‍ईन आबोन टुपरी अत्तारा केरा, अरा नम्‍है म‍इय्याँ ता धर्मेसी मया ती उर्मी आलर गे आस केच्‍च ख़च्‍चियस।