तीतुस 2:10 - पुना गच्छरना NT (BSI)

¹⁰ आर अम्‍बोर ख़ड़'आ नुड़'आ, लिकिन उर्मी कत्‍था नू असरा जॊगे अरा दौ ऎथ्रत'अना मनोर। होले आर नम्‍है बछाब'ऊ धर्मेसी पत्त ता सिखाब'अना बॆस कोड़े र'ई इदिन ऎद'ओर।

तीतुस 2:10 ပူးပေါင်းရင်းမြစ်များ

मत्तायोस 24:45

नॆ लूरगर अरा असरा जॊगे जॊंख़स र'अदस। उर्बस आसिन नन्ना जॊंख़र गे ठौका बेड़ा नू तम्‍है ओन्ना-मॊख़नन चि'आ गे असरा नन्‍दस, फिन आस डहरे ऎका गे कालदस।

मत्तायोस 5:16

एन्नेम निम्‍हा बिल्‍ली आलर गुसन बिलचते र'अन नेक‍अन, का आर निम्है दौ नलखन ऎरोर ती निम्‍है मेर्ख़ा ता बंगासी महबा ननोर।

लू‍कस 1:47

एंग्‍है बॊलता एंग्‍है बछाब'ऊ धर्मेस नू रिरयार'ई।

लू‍कस 1:80

आ ख़द्दस परदनुम अरा बॊलता नू बड़ियर मन्नुम केरस। अरा आस इस्राऎलर नू अरगी ऎथ्रना गूटी टोड़ंग नू रहचस।

लू‍कस 16:10

एकास जुक्‍की नू पत्त'अना जॊगे र'अस आस बग्‍गे नू हूँ पत्त'अना जॊगे र'अस, अरा एकास जुक्‍की नू उजगो मल र'अदस आस बग्‍गे नू हूँ उजगो मल र'अदस।

यॊहनस 12:6

आस गे कीड़र ही तिहा रहचा अदगे मल बाचस, लिकिन आस ख़लबस रहचस, अरा आसी गुसन आर ही थोलको र'आ लगिया। अरा अइय्या ती एन्‍द्रा उइय्या लगियर अदिन कभो कभो तंगा गे ओथ्र'आ हो'आ लगियस।

1 कोरिन्‍थ 4:2

अरा एन्ने नलख ख़क्ख्रका ओर्तस मुन्‍द तंगन पत्त'अना जॊगे आलस एन्ने ऎदना मनी।

इफेसुस 4:1

औंगे उर्बासिन ऎन सुसर'अना ही चड्डे हॆंरका र'अदन, ऎन निमा गे तिगा ब'अदन का, नीम धर्मेस ती ख़क्ख्रका निम्है मॆख़ना ही जोक्‍खा जॊगे उज्‍जना उज्जा चि'आ।

फिलिप्‍पी 1:27

ऎन निम्है गुसन बर'ओन ती ऎरोन मलता मल हूँ बर'ओन, नीम ओन्टे गुना बॊलता नू ओन्टा जिया मनरकी दौ कत्‍था ही पत्त'अना गे अर्जाना नुम र'अदर एन्ने ऎन मेना गे, नीम इवंदम नना का, निम्‍है उज्‍जना ओक्‍कना येसु मसीसी दौ कत्‍था गे जॊगे मनन।

फिलिप्‍पी 4:8

छेद्दे नू अना भईरो, एका एका कत्‍था मानिम र'ई, अरा एका एका कत्‍था मईन जॊगे र'ई, एका एका कत्‍था उजगो र'ई, अरा एका एका कत्‍था निमन र'ई, अरा एका एका कत्‍था चोन्हा र'ई, अरा एका एका कत्‍था दौ नामे ख़क्ख्र'ऊ र'ई, अरा एका एका कत्था कोड़हे बॆस अरा ओहमा जॊगे र'ई, अबड़ा ही पत्त नू लेका सोचते र'आ।

1 तीमोथियुस 1:1

नम्‍है बछाब‍'ऊ धर्मेस अरा नम्‍है पाब ऎरना ही मूली मसी येसुसी पॆसका लेक्‍खा मसी येसुसी त‍इरकन ऎन पौलुस हिकदन।

1 तीमोथियुस 5:17

कलीसियन दौ गने ऎरनर ख़ॊजनर आ सेयान आलर गे दुई गुना म‍ईन नन्ना र'ई। कोड़हे गा कत्थन मेन्‍त'ऊ अरा सिखाब'ऊ सेयान आलारिन अन्ने नन्‍ना र'ई।

1 तीमोथियुस 6:1

उर्मी बिट्ठी ननू जॊंख़र गे तम्‍है तम्‍है उर्बर ही कोड़हे म‍ईन मरजात नन्ना र'ई। होले नेक‍ईम धर्मेसी नामे अरा नम्‍है सिखाब'अना ही बिड़दो नू मल ब'ओर।

1 तीमोथियुस 6:3

एक‍अम आलस नन्ना रकम ही सिखाब'अना आबोन सिखाब'अदस अरा येसु मसीसी मानिम सिखाब'अना अरा धर्मेसिन सुसर नना गे मानिम डहरेन ईद‍'ऊ सिख़ाब'अना ही बिड़दो र'अदस होले,

तीतुस 1:3

अक्‍कु ठौका बेड़ा नू आस ई कत्‍थन दहदर नंजस, एकदन नाम नम्‍है बछाब'ऊ धर्मेसी पॆसका ती ओर्मर गे तेंगदत। इदिन एंगा गे सोंपतारा।

तीतुस 3:4

लिकिन नमा गे बछाब'ऊ धर्मेसी सोग्‍गे अरा चोन्‍हा मंजा।

1 पतरस 2:12

मल पत्त'उर ही मझी नू निम्‍है उज्‍जना ओक्‍कना बॆस र'अना र'ई। औंगे आर निमन मलदौ ननू ब'अनर ती बदी नन्नर ती हूँ, निम्‍है दौ नलख गुट्ठिन ऎरोर ती धर्मेस आलारिन नेंवई नना गे बरना उल्ला नू असिन महबा ननोर।

1 पतरस 3:16

लिकिन लुदऊ जिया अरा मईन गने इदन नना। अरा निम्‍है लखनन निमन उइय्या। ख़ने मसीस नू निमा गे र'अना बॆस जज्जना ओक्कना ही बिड़दो नू मलदौ सोच ती कछनख्र'उर तम्है हींड़ना कत्था ही पत्त नू लज्‍जे मॊंख़ोर।

2 यॊहन 1:9

एकास मसीसी सिखाब'अना नू बन्चका मल रहचका ती अइय्या ती चाड़दस, आस गे धर्मेस गने नता मल र'ई। लिकिन एकास मसीसी सिखाब'अना नू बन्चका र'अस, आस गे धर्मे बंगस अरा ख़द्दस इरबर ही गने नता र'ई।