तीतुस 1:9 - पुना गच्छरना NT (BSI)

⁹ अरा आस गे सिखाबाचका मानिम कत्‍था नू जिट जिट र'अना र'ई। होले आस आसी दौ सिखाब'अना ती नन्ना आलर गे संगरा नना ओंगोस। अरा अदही बिड़दो ब'उर ही ब‍इय्यन उट'आ ओंगोस।

तीतुस 1:9 ပူးပေါင်းရင်းမြစ်များ

त‍इरकर 18:28

अरा आस यहूदीरिन ओर्मा आलर ही मुन्‍दहारे कोड़हे डिड़ गने कत्‍था बरता नंजस ती येसुस दिम मसीस ब'अरकी नेम्हा पुथी ती पुरब नंजस।

1 कोरिन्‍थ 14:24

लिकिन ओर्मर धर्मेसी कत्‍थन मुन्‍द तेंगनर, अरा मल पत्त'उस मलता बहरी ता आलस भितरी कोर'ओस होले, आस आर ही कत्‍था ती मोंहर'ओस ती तंगन पापी ब'ओस अरा तंग्‍है जियन जँच'ओस।

1 थेस्‍सलोनिकॆयर 5:21

लिकिन उर्मी कत्‍था गुट्ठिन अरा नलखन बिढ़'आ ती ऎरा। एकदा बॆस लग्‍गो अदिन इंझ्र'आ अरा धर'आ।

2 थेस्‍सलोनिकॆयर 2:15

औंगे भईरो, नीम बड़ियर मन्नुम कला अरा एम्‍है बई ती मेंजका कत्‍था ती महले एम्‍है चिठी ती नीम सिख्रका र'अदर अदिन धर'आ।

1 तीमोथियुस 1:10

नन्ना आली गुसन कालुर, पुरुसगामिर, आल बीसुर, ठक‍'उर, ठक‍ना किरया मूख़ुर, अरा दौ सिखाब'अना ही बिड़दो नू एन्‍देर एन्‍देर र'ई अबड़न ऎद'आ गे दिम कम्रकी र'ई।

1 तीमोथियुस 1:15

ऎन एन्‍देर ब'अदन आद मानी दिम, निमा अदिन मनना र'ई, का मसी येसुस पपहारिन नाड़ा गे ख़ॆख़ेल नू बरचस, अबड़ा उर्मीर ती कोहाँ पपहा आलन ऎन हिकदन।

1 तीमोथियुस 1:19

अरा नीन उर्मी बेड़ा धर्मेसिन पत्त'आ अरा एकदन सुपट अख़दय अदिन नना। जोक्‍क आलर गा एकदन सुपट अख़नर अदिन ताड़ना ती कोहाँ डोंगा चटड़ी नू ढोस्रना लेक्‍खा धर्मेस ती तम्‍‍है पत्त'अनन नठाबाचर।

1 तीमोथियुस 4:9

एंग्‍है ब'अना ई कत्‍था मानिम जॊगे र'ई, इदिन ओर्मर गे इंझ्रना मनो।

1 तीमोथियुस 6:3

एक‍अम आलस नन्ना रकम ही सिखाब'अना आबोन सिखाब'अदस अरा येसु मसीसी मानिम सिखाब'अना अरा धर्मेसिन सुसर नना गे मानिम डहरेन ईद‍'ऊ सिख़ाब'अना ही बिड़दो र'अदस होले,

2 तीमोथियुस 1:13

एका बड़ियर कत्‍था गुट्ठिन नीन एंग्‍है ती मेंजकादय, अदिन मसी येसुस नू र'ई आ पत्त'अना अरा चोन्‍हा गने निंग्‍है चिन्‍हा कम'आ ती उइय्या।

2 तीमोथियुस 2:2

एंग्‍है एका सिखाबाचका कत्‍थन नीन नगदे गोवाह आलर ही मुन्‍द मेंजकादय, अदिन असरा जॊगे आलारिन सिखाब'आ। होले आर नन्नारिन हों सिखाब'आ ओंगोर।

2 तीमोथियुस 2:25

अरा आस गे तंगन बिड़दो ननुरिन लुद‍ऊ जिया मनरकी बुझाब'अना र'ई। धर्मेस अबड़ा आलर ही जियन किर्त'आ गे लूर चि'ओस नेकअन, अरा आर हों मानिम आबोन अख़'ओर।

2 तीमोथियुस 3:14

लिकिन निंग्‍है सिख्रका कत्‍थन एकदन नीन मानिम कत्‍था अख़दय अदिन पॆस्रते र'आ। एन्‍देरगेका नीन नॆखा गुसलेक इदन सिख्रकय, आर हूँ पत्त'अना जॊगे र'अनर अदन अख़दय।

2 तीमोथियुस 4:3

एन्‍देरगेका एन्ने बेड़ा बर'ओ का आलर सुपट सिखाब'अनन मेना गे मने मल ननोर। अरा तम्‍है मने लेक्‍खा तम्‍है ख़ेबदा गुट्ठी गे दौ लगना कत्‍था मेनत'ऊ कैनो गोटंग बिड़दो सिखाब'उरिन ख़ोजोर।

तीतुस 1:11

ईरिन एन्ने ब'आ गे अमा चि'आ। ईर तम्‍है मलदौ सिखाब'अना ती एड़पा एड़पन बगड़'अनर चि'अनर। ईर इदन ढिबा गे लेका एन्ने नन्नर।

तीतुस 2:1

लिकिन नीन एन्ने एन्ने कत्‍था गुट्ठिन तेंगा का एकदा बड़ियर सिखाब'अना जॊगे र'ई।

यहूदा 1:3

अना एंग्है दुलारो, एका नाड़रना नू नाम मेस्रकत, ऎन अदही पत्त नू कोड़हे रिझ गने निमा लिख'आ बेद्दा लिक्कन। लिकिन अक्कु एंगा चाड़ मंजा का ई चिठी ती ऎन निमन आनोन ती रिझ्रत'ओन का नीम आ पत्त'अनन ख़ापा गे चिहुट नना, एकदा धर्मेसी नेम्हा आलर गे ओंग्होल लेका चीरकी र'ई।

दहदर मंजका कत्‍था 2:25

अन्‍ति नीम एंग्‍है बरना गूटी एंग्है नू जिटजिटने पत्त'अते र'अना र'ई।

दहदर मंजका कत्‍था 3:11

ऎन चाँड़हे बर'आलदन, एंग्है नू जिटजिटने पत्त'अते र'आ। ख़ने नॆ हूँ निंग्‍है इनामन मल हो'ओर।

दहदर मंजका कत्‍था 3:3

औंगे सुरता नना का एका कत्‍थन नीन इंझरकादय अरा मेंजकादय, अरा अदिन पॆस्र'आ, अरा जियन किर्त'आ। नीन एज्रका मल र'अदय होले, ऎन ख़लबस लेक्‍खा बर'ओन। अरा नीन कहियों बल्लोय का ऎन एका बेड़ा नू निंग्है बिड़दो बर'ओन।