तीतुस 1:7 - पुना गच्छरना NT (BSI)

⁷ कलीसिया ही ईरु-ख़ूजू मुद्धस गा ओक्‍कना इजना नू बिगर बदी ही अरा हुड्ड मला, अरा लॆम गोसा मनू मला, अरा उंखू मला अरा पस‍'ऊ कूड़ू मला अरा मलदौ ती अर्ज‍'ऊ मल र'अना र'ई।

तीतुस 1:7 ပူးပေါင်းရင်းမြစ်များ

मत्तायोस 24:45

नॆ लूरगर अरा असरा जॊगे जॊंख़स र'अदस। उर्बस आसिन नन्ना जॊंख़र गे ठौका बेड़ा नू तम्‍है ओन्ना-मॊख़नन चि'आ गे असरा नन्‍दस, फिन आस डहरे ऎका गे कालदस।

लू‍कस 12:42

ख़ने उर्बस बाचस, “नॆ लूरगर अरा असरा जॊगे जॊंख़स र'‍‍अदस। उर्बस आसिन नन्ना जॊंख़र गे ठौका बेड़ा नू तम्‍है ओन्नन मॊख़नन चि'आ गे असरा नन्‍दस, फिन आस डहरे ऎका गे कादस।

इफेसुस 5:18

अरा उंखू अमा मना, एन्‍देरगेका इत्रु भड़ुवा नलख मनी। लिकिन नेम्हा बॊलतस ती नींदनुम कला।

फिलिप्‍पी 1:1

मसी येसुसी जॊंख़म पौलुस अरा तीमोथियुस फिलिप्‍पी नगरे नू मसी येसुसी र'अना उर्मी नेम्‍हा आलर‍ गे अरा आर ही गने कलीसिया ही ईरु-ख़ूजू मुद्धर गे अरा कलीसिया ही ईरू-ख़ूजुर गे ई चिठिन लिखदम।

तीतुस 1:5

ई चड्‍डे ऎन निंगन क्रॆतॆ व्दीप नू अम्‍बकाचकन का बछ्रका नलख गुट्ठिन नीन सरि'ओय। अरा एंग्‍है आनका लेक्‍खा नगरे नगरे नू सेयान आलारिन उइय्योय।

तीतुस 2:3

ई बेसेम पच्‍चो मुक्‍कारिन सिखाब'आ का आर ही ओक्‍कना-इजना नेम्‍हा मन्‍ना र'ई। अरा आर गे जलिया अरा उंखू मल मन्ना र'ई। लिकिन दौ आबोन अंगियाबात'ऊ मन्ना र'ई।

1 पतरस 4:10

नीम ओर्मर धर्मेस ती ख़क्खका इनामन बउरारकी ओर्त ओर्त गे सुसर नना। एन्नेम नन्ना नन्ना रकम ती बरना धर्मेसी मया आबोन मानी गने उय्यू-उस्र'ऊ मना।

1 पतरस 5:2

धर्मेसी निम्है ख़ेक्खा नू सोंपचका आसी खोंड़हन ख़ापा, एकदा निम्है मझी नू र'ई। अरा ईरू-ख़ूजुर लेक्खा सुसर नना। ढेवा ढेवा ती मला, लिकिन धर्मेस नीम नना गे बेद्दना लेक्खा सौंसे जीया ती अदन नना। मलदौ अर्ज'आ गे मला, लिकिन कोड़हे रिझ गने आ सुसर आबोन नना।

2 पतरस 2:10

मुध गा तम्है पाप सुबहा ती बरना मलदौ चिबाख़ारना अरा सोतरा नलख गुट्ठी ही ख़ॊख़ा ख़ॊख़ा कालरकी धर्मेसी अदिया आबोन हींड़'उर मइय्याँ धर्मेस एन्नेम बेड़हा दिम र'अदस। इबड़ा आलर फुलई मनू अरा हुड्ड र'अनर। ईर मेर्ख़ा ता महबा ही आलॊ गुट्ठिन हूँ निंदा नना गे मल इल्चनर।